Lukwu 13:25 - Tẹsitamenti Ikne n'Ọnu Ikwere

²⁵ Nga nda kwu nwe ọro lizọru gbasni ọro, anụ joogwuzo n'ederezi nooznu aka, naarịasno, ‘Nda-aị-kwu, bikno, gbamanụ aị ọro.’ “Ọ jaasa anụ, ‘M máam ele anụ bụ mọbu hne anụ hi va.’

Lukwu 13:25 Iomraidhean Croise

Matiyu 25:41

“Nga wam, ọ jaakanụ ele ke zị a n'akarita, ‘Anụ whọga hne me zị, ele be vụru ọnu, bna nụ bẹkwnu noonwu tim tọm ke be bịtannu Ekwensu nụ ele enine izi a.

Lukwu 13:27

“Kọvu ọ jaasa anụ, ‘M máam ele anụ bụ mọbu hne anụ hi va. Anụ hi hne me zị whọga, anụ ele arụru-ẹli.’

Lukwu 3:8

Anụ mịnya mkpụru ke neegesi nụ anụ tụhnasnarnu mkpọma. Anụ káa nụ Ebereham bụ nda anụ. Kwnornu me kanụ anụ ezi ọka, Chiokike nwernu rikne mee kpakara akaworugwu ka ghọ rụmu Ebereham.

Lukwu 6:46

“Kịni kpayarụ anụ noosukwu m, ‘Nyenwe aị, Nyenwe aị,’ kọvu anụ zá neeme nhne me kwuru?

2 Ele Kọriniti 6:2

Ka bụ nhne Chiokike kwuru, “M nụrnu m anụ n'ige o gesi anụ ruwhnu ọma, m yinu m anụ aka n'ọbochi ọznohia.” Anụ bno nsnị, kịtna bụ ige ọ nahọru ruwhnu ọma Chiokike, kịtna bụ ọbochi ọznohia.

Ele Hiburu 12:17

Anụ mahịaru, omekwo, o pioru ọ nahọru ngọzi nda a, oghere zị́la kwnornu nụ o nwée rikne gbanwo nhne o mernu, ọ bụ n'ezi nụ o jiri anya-mini ẹkwna piosi ngọzi wam rikne.