Lukwu 11:27 - Tẹsitamenti Ikne n'Ọnu Ikwere

²⁷ Kpa Jizọsi zị nookwu ọka ka, otu nwerinya siwama n'igbudu badnụ wam, “Rụwho ke vuru i nụ rẹma ke i nwọrnu bụ nhne be gọziri ọgozi.”

Lukwu 11:27 Iomraidhean Croise

Lukwu 1:28

Enine izi wam zne hne ọ zị, kaa, “M bekwulem o, jị nye Nyenwe aị dagwụnu, ị bụ nye ọwa ọma.”

Lukwu 1:42

O gweru okne nkọli kwu ọka kaa, “Ị bụ nye ọwa ọma n'esilawụru ele rinya, nnwọ ke i jọomu bụ masị nye ọwa ọma.

Lukwu 1:48

kwnornu nụ o chenwanyarnụ nnwọ izi a ovu hieru ẹli. Hite nụ kịtna kpakara ele ebiri jookwu m nye ọwa ọma,

Lukwu 11:26

O jeezne chịri rẹnwu ọjo ẹsau ibne a ele nwernu risi rikne karụ a, be wuru nụ rime nye wam. Ọnodi ipne-aznụ nye wam jọhnasi bụjo karụ kpa ọ zị nụ mbọm.”

Lukwu 23:29

Kwnornu nụ ige vawa nga be jaakaa, ‘Ele rinya nwée nnwọ bụ ele ọwa ọma, nụ ele mụ́ge nnwọ nụ ele chíge rụmu rẹma.’