Lukwu 1:51 - Tẹsitamenti Ikne n'Ọnu Ikwere

⁵¹ O ji aka dikne a mee nhne hna ezi, ọ chịsaru kpakara ele oknomokno nụ kpakara mmụma be.

Lukwu 1:51 Iomraidhean Croise

Ele Rom 1:21

Be marnụ Chiokike, kọvu be nyéne a igwugwu kwesiri a, be tụ́ mmamma, kọvu echiche be bụ nhne etekne, mkpọma iwhnirniwhno be jihịaru n'ọchichiri.

2 Ele Kọriniti 10:5

nụ kpakara nhne ke noovulizọ ẹhni a olu megidne ọmahia Chiokike, a nọodoru kpakara echiche n'ọgwnu mee be bnonu Karaịsi nsnị.

1 Pita 5:5

Kpam masị, rụmu ikoro, anụ bịta ẹhni anụ nụ mkpururu ele okno badnụ. Kpakara anụ woru ọzi wọhnernerne n'ovu lele iwo, neeznenu ibne anụ izi. Kwnornu nụ ọkwukwo nsọ kwuru, “Chiokike noogwuzogidne ele oknomokno, kọvu o neenye ele zị wọhnernerne n'ovu oru.”

Okpume 18:8

Kam kpayarụ, n'otu ọbochi, ọ jọowhnuji anya, ẹnwu, mkpe, nụ ọknunyo, bẹkwnu jeernegbu a, kwnornu nụ Nyenwe aị Chiokike ke neekpe a ikpe bụ dikne.