Zẹfanaya 3:8 - Ika

⁸ Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.

Zẹfanaya 3:8 Iomraidhean Croise

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 123:2

Ẹghẹẹ, kẹ ikẹnnyẹ wụ idibo dọn a tụ ẹnya ihiẹn rị di-nwọnni wẹ ẹka lẹ kẹ ikpoho wụ idibo dọn a tụ ẹnya ihiẹn rị nnẹ wẹ ẹka, ẹrịra kẹ ẹnyi dọn nwan rị e lee Osolobuẹ wụ Chuku ẹnyi ẹnya, d'e ru n'o mẹ omikẹn ẹnyi.

Ẹbụ-ọma 27:14

Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.

Ẹbụ-ọma 37:34

Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ.

Ẹbụ-ọma 37:7

La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.

Ẹbụ-ọma 62:1

Chuku sụọ kẹ m gi e dọn ẹnya; ịya wụ onyẹ a zụọpụhanị m.

Ẹbụ-ọma 62:5

Chuku sụọ kẹ m tụkwasị obi, ịya kẹ m gi e dọn ẹnya.

Ẹbụ-ọma 79:5

Osolobuẹ, nanị k'o k'e biehan? N'i busọn ẹnyi olulu jẹnrin ejẹn? N'i gi ẹnyanị rị a fụn'ị dụngbu ẹnyi lekẹ ọkụn?!

Ẹbụ-ọma 79:6

Gi olulu i mẹshi alị ndị ghalẹni e fe i ikẹn, alị-eze ndị ahụn ghalẹni a kpọku ẹfan ị,

Itẹn 20:22

Asịlẹ, “M k'e mẹgwarị ị eje-ihiẹnni!” Cheri Osolobuẹ, n'ọ gbapụha ị.

Ẹbụ Solomọnụ 8:6

Bi m ye akpobi i nọkẹ ihiẹn ahịma; bi m kẹ ahịma ye ẹka ị; makẹni ihiẹn-ọsụsụọ zehan kẹ ọnwụn, ẹnya-ụfụ di mọbụ nwunyẹ nọ kẹ ọnwụn ghalẹni a nụ dodo, ọ dụn kẹ ọkụn rị e nwunni, nọkẹ okẹn ọkụn.

Azaya 14:26

Ọnwan wụ ihiẹn m rotọnị ụwa ile; ọnwan wụ ẹka m k'e gi sọn ndị alị ile.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 34:2

Osolobuẹ rị e busọn ndị alị ile okẹn olulu — o gi ọnụma e sọn ndị-agha wẹ ile; o k'e tikpọpụchanrịn wẹ, o wegụọ wẹ ye ni wẹ gbu wẹ.

Azaya 63:6

E gi m olulu zọkpọ ndị alị ichẹn-ichẹn, e gi m ọnụma mẹ wẹ ihiẹn, ọ tụma wẹ kẹ manya, e hu m ẹdeke wẹ ye alị.”

Jerimaya 10:25

Gi ọnụma ị sọn alị ndị ahụn ghalẹni e fe i, ndị ahụn ghalẹni a kpọku ẹfan ị. Makẹni e gbuchanrịngụọ wẹ ebọn Jekọpụ; e gbuchanrịngụọ wẹ wẹ, tikpọchanrịn alị a.

Hosia 12:6

Rogharị nị ni nwan d'e kunrun Chuku ụnụ! e kwọnkẹnmẹ ni ihiẹn-ọsụsụọ e mẹ ni ịhịan k'o furu, e che eyemẹka Chuku ụnụ ogẹn ile.

Juwẹlụ 3:2

m k'e wegbama alị ile, e wẹhẹ m wẹ Ọdanmgbugbu Jehoshẹfatị, nọ ebahụn hangbu wẹ eṅẹn yeni ihiẹn ile wẹ mẹ ndị nke m, hụn wụ ukuu m: e kpọnyịyagụọ wẹ Izrẹlụ ye alị ndị-ọzọ, keri alị m;

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Zẹfanaya 1:18

Egho wẹ lẹ ihiẹn ile wẹ nwọn azụọpụhakọ wẹ ogẹn hụ Osolobuẹ k'e gi ghọsị iwe-lẹ-ọnụma a. O k'e gi iwe-lẹ-ọnụma bu elu-ụwa ile ri kẹ ọkụn dọn e bu ihiẹn e ri.”

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.

Matiu 25:32

Wẹ sikọ d'e wẹhẹn'ẹ alị ile; ọ họ wẹ ohu-ohu kẹ onyẹ e du anụ dọn a họpụha atụnrụn wẹ lẹ ewu rị.

Pita Nke Ẹbụọ 3:10

Kanị Ụhụọhịn Di-nwọnni-ẹnyi lala idẹnmizi nọkẹ ohin. O ru, igwere sikọ d'e gi okẹn ụzụn fopụ, ọkụn a rịnranpụ ihiẹn ile; ụwa lẹ ihiẹn ile ịhịan nọ imẹ ẹ mẹ a pụha ifọn.

Rẹvẹleshọnụ 16:1

Ya m nọ nụ kẹ olu hannị gha imẹ Ụlọ-nsọ elu-igwee ebẹhụ gwa ndị mmọn-ozi ẹsa hụ oku, sị wẹ, “D'e hu ni iwe-lẹ-ọnụma Osolobuẹ rị imẹ afẹrẹ ẹsanị ye elu-ụwa.”

Rẹvẹleshọnụ 16:14

Eje-mmọn ndị a rụnsọnmẹ ọrụn-atụmẹnya; uwẹ e jẹn d'a kpọgbama ndị-nze ile rị ụwa makẹ agha wẹ jẹnkọ d'a lụ Ụhụọhịn ahụn Osolobuẹ nwọn ikẹn ile kaye.