Zẹfanaya 3:6 - Ika

⁶ “E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Zẹfanaya 3:6 Iomraidhean Croise

Azaya 14:26

Ọnwan wụ ihiẹn m rotọnị ụwa ile; ọnwan wụ ẹka m k'e gi sọn ndị alị ile.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Jerimaya 9:12

Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Zẹfanaya 2:5

Ọ k'a jọ ụnụ njọ, ndị mkpẹnrẹn-ohimin, ndị Kẹrẹtị alị Filistia! Osolobuẹ e kuọlẹ oku i, alị Kenaanị, alị ndị Filistia, sị, “M k'e tikpọ ị, onwọnni onyẹ m k'e gbuhọdụ imẹ i.”

Zẹkaraya 7:14

E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.

Matiu 23:38

Lee ẹ, ụlọ ị sikọ nwan d'a gban'ị okpokoro!

Ndị Kọrẹntị Ibuzọ 10:11

Ihiẹn ndịnị mẹ kẹni ẹnyi mụnrụn. Wẹ detu ihiẹn ndịnị nị wẹ gi wẹ dọ ẹnyi ẹka-ntịn, ẹnyi ndị rị e bi ogẹn ikpanzụụnnị.

Ndị Kọrẹntị Ibuzọ 10:6

Ihiẹn ndịnị mẹ kẹni ẹnyi gi wẹ mụnrụn, amamgbe eje-ihiẹn gha a la ẹnyi ẹnya k'o dọn la wẹ.

Joshụa 23:4

Lee ẹ, e keyegụọ m ebọn-ebọn imẹ ụnụ ukuu ụnụ, alị ndị Kenaanị wẹ kelẹni chụpụ lẹ alị ndị ahụn m mẹrigụ: ẹgbata Iyi Jọdanị lẹ Ohimin-Uku Mẹditerenia rị ẹbamịn ọdịdan-ẹnyanwụn.