Zẹfanaya 3:5 - Ika

⁵ Kanị Osolobuẹ egbehutọnị, kaka! Onyẹ ezi-omumẹ ọ wụ imẹ obodo ahụn k'ọ wụkwọ tan; ara mẹgbu ịhịan: ọ hụ a han eṅẹn ụhụọhịn ile, ara gberi ụhụọhịn. Kanị ifẹnrẹn arị emẹ ndị njọ.

Zẹfanaya 3:5 Iomraidhean Croise

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Jobu 34:10

Gọn ni m nwan ntịn, ụnụ ndị nwọn nghọta. W'a sọ, Chuku ara mẹ eje-ihiẹn kaka! Onyẹ Hụ Nwọn Ikẹn Ile ara mẹ eje-ihiẹn kaka!

Jobu 7:18

i gi e nyọnchan a ụtụntụn ile, e lele ẹ ogẹn ile?

Jobu 8:3

Chuku a handẹ eje-eṅẹn ra? Onyẹ Hụ Nwọn Ikẹn Ile a sịdẹ nwan nị ihiẹn rị mma jọ njọ ra?

Ẹbụ-ọma 145:17

Osolobuẹ e mẹ ihiẹn ile ọhụnma; o mẹ ihiẹn ile k'o furu.

Ẹbụ-ọma 37:6

Osolobuẹ k'a ghọsị nị ẹka ị rị ọchan mẹ ẹ pụha ifọn nọkẹ ebe eki nọ fọn, o mẹ mma ị rị e mẹ pụha ifọn kẹ anwụn efinaị.

Ẹbụ-ọma 92:15

a ghọsị nị Osolobuẹ wụ onyẹ kụrụ ọtọ, Ọmụma hụn e che m nche, ghalẹni e mẹ ịhịan njọ.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 28:19

K'ọ bịahanlẹ k'o k'a gha e bupụ ụnụ — ụtụntụn lẹ efinaị lẹ uhinhin, ụhụọhịn ile.” Ozini k'e wẹhẹni ndị nke ụnụ okẹn egun, ogẹn w'e gi ghọta a.

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Azaya 50:4

Di-nwọnni-ẹnyi wụ Osolobuẹ e yegụọ m ire onyẹ wẹ zụn hụn m gi a marịn oku m'e gi gba onyẹ ndụn gụ umẹ. Ụtụntụn ọwụlẹ k'o gi a kpọtiẹn m, a shịapụ ntịn m — kẹni m gọn ntịn kẹ onyẹ wẹ rị a kuzi ihiẹn.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 6:15

Ifẹnrẹn eje-obibi wẹ hụdẹ nwan e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.” Ya kẹ Osolobuẹ ku.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Ẹkwan 3:23

O mẹsọnmẹ ẹ ụtụntụn ile; y'e mẹkẹ onyẹ wẹ e gi dọn ẹnya.

Izikẹlụ 18:25

“Kanị ụnụ hụ a sị, ‘Osolobuẹ ara mẹ ihiẹn ọhụnma.’ Ụmụ Izrẹlụ, ụnụ sị m'a ra mẹ ihiẹn ọhụnma? Ẹlẹ ụnụ ghalẹni e mẹ ihiẹn ọhụnma?

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Hosia 6:5

Ya haịn m gi wa ụnụ kẹ nkụn ghahanị ọnụ ndị-amụma m zihẹsọnmẹni ụnụ; e gizi m oku-ọnụ m gbu ụnụ. E mẹshi m ụnụ ikẹn hụn pụha ifọn kẹ ukpẹ.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Maịka 7:9

Nị m narịn afụnfụn Osolobuẹ ye m makẹ njọ m mẹ ẹ, d'e ru n'o leban ẹnya ọnọdị m, hannị mmẹ lẹ ndị o gi e ye m afụnfụn eṅẹn. O wepụhazị m ebe ukpẹ rị, a hụn m nzụọpụha a.

Habakọkụ 1:3

K'ị rị a nịnị m a hụn njọ lẹ nsọngbuni ile? A nị m e legha ntikpọ lẹ eje-obibini ile; ịhịan ile hụ a dọ ndọndọ, e kpe.

Zẹfanaya 2:1

Zukwamakwọ nị! Zukwama nị d'a rịọma Osolobuẹ, ndị alịnị ifẹnrẹn ghalẹni e mẹ!

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Luku 12:2

Onwọnni ihiẹn kpumẹni hụn jẹnkọlẹni d'e kpupụ; onwọnni ihiẹn zuerini hụn jẹnkọlẹni d'a wa.

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ndị Rom 3:26

Ya k'o gi mẹ ihiẹnni ogẹnni, gi ghọsị n'ọ wụ onyẹ ezioku, n'ọ wụ onyẹ ezi-omumẹ lẹ n'o furughọ n'ọ nabanhan onyẹ kwerini Jesu rịkẹ onyẹ ezi-omumẹ.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ditrọnọmi 23:14

Makẹni Osolobuẹ wụ Chuku ụnụ a ghahunmẹ imẹ agọ ụnụ, e che ụnụ nche, e we ndị-iṅẹnrẹn ụnụ e che ụnụ ẹka nị ụnụ mẹri wẹ. Agọ ụnụ sikọ d'a rịrịrị nsọ, amamgbe o legha ihiẹn ọwụlẹ rịlẹni mma ẹnya, gbakitọ ụnụ azụụn.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.