Zẹfanaya 3:4 - Ika

⁴ Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Zẹfanaya 3:4 Iomraidhean Croise

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 34:19

Ezioku, m jẹnkọ d'e mẹ ndị-isi ndị Juda lẹ ndị-isi obodo Jerusalẹm ihiẹn, wẹ lẹ ịhaịmẹ rị ọgwa eze lẹ ndị nchụn-ẹjan lẹ ndị alị, ndị ile hụn gha ẹgbata anụ nwa-efin ahụn wẹ gi kwe nkwa,

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 22:26

“Ndị nchụn-ẹjan a e wiwichanrịngụọ Iwu m rị wẹ ẹka, mẹrụ ihiẹn m ile rị nsọ; onwọnzini ihiẹn rị nsọ lẹ ihiẹn-mmaka ẹnya wẹ; w'a ra kụzizi n'o nwọnghọ ihiẹn rụnị lẹ ihiẹn rụlẹni; achọzịnị wẹ nị wẹ marịn nị m tumẹsọnmẹ Ogẹn Ezumikẹn ichẹn-ichẹn, wẹ hụ e gi wẹ ile e budan m imẹ igunrun wẹ.

Izikẹlụ 22:6

“Lee ndị-isi Izrẹlụ, onyẹ-onyẹ imẹ wẹ hụ e gi ọkwa a a kpa ikẹn imẹ i, e gbu ịhịan.

Izikẹlụ 44:23

Ndị nchụn-ẹjan nwọn kuzi ndị nke m ihiẹn rị ichẹn ẹgbata ihiẹn rị nsọ lẹ ihiẹn-mmaka lẹ ẹgbata ihiẹn rụnị lẹ ihiẹn rụlẹni.

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Malakaị 2:7

Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Malakaị 2:8

“Kanị ụnụ nwẹn a ghagụọ ụzọ pụ; ụnụ e gigụọ eje-ihiẹn ụnụ rị a kuzi mẹ ndị bu ọda kpọgburu; ụnụ e tikpọgụọ iwu hụn m ye ndị Livaị. Ya kẹ Osolobuẹ ihiẹn ile rị okpuru ẹ ku.

Matiu 7:15

“Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Ndị Kọrẹntị Nke Ẹbụọ 11:13

Makẹni ẹlẹ wẹ ndị-ozi pụ-ichẹn nke-esi; ndị-ndufie kẹ wẹ wụ. Wẹ rịhụ a za ndị-ozi pụ-ichẹn Kraịstị e gi ẹ e kpumẹ ihun.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Ndị Han Eṅẹn 9:4

Wẹ nọ gha ụlọ-mmọn Baalụ-Bẹriti weye ẹ akpụ siliva iri kwasị ọgụn-ẹtọ. Ọ nọ gi ẹ weri ndị ịkpata chọkọ egho; wẹ nọ sọnmẹ ẹ.

Samuẹlụ Nke Ibuzọ 2:22

Ẹlaị akakpụkpọgụọ; ọ hụ a nụ ihiẹn ụmụ a rị e mẹ ndị Izrẹlụ ile, a nụzị kẹ wẹ dọn e mẹ mgba ikpoho ndị a nọ ọnụ-ụgba Ọdụ-ofufe e jẹn ozi.