Zẹfanaya 3:20 - Ika

²⁰ O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.

Zẹfanaya 3:20 Iomraidhean Croise

Ẹbụ-ọma 35:6

ụzọ ya gba wẹ ishi ẹnya, e kpori wẹ, hụn mmọn-ozi Osolobuẹ gi chụkọ wẹ.

Azaya 56:5

uwẹ kẹ m sikọ d'e ye ọghọ imẹ Ụlọ-nsọ m ile lẹ ebe ile mgbọn ẹ ru, e mẹ m wẹ a nyanhansọnmẹ wẹ, e ye m wẹ ezigbo ẹfan hụn kadẹ ụmụ-ikpoho lẹ ụmụ-ikẹnnyẹ; m k'e ye wẹ ẹfan itẹbitẹ, hụn jẹnkọlẹni d'a gụ.

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Azaya 60:15

Ọsụọn'a n'a jụgụọ wẹ i nwan, e ze ize i — hụn wụnị onwọnzini onyẹ a gha imẹ i, m k'e mẹ ụnụ wụrụ ihiẹn-ọghọ k'a rị jẹnrin-ejẹn lẹ ihiẹn-ịghọghọ ebe agbọ ọwụlẹ pụhanị rị.

Azaya 61:9

Wẹ k'a nụ ẹfan ẹbozo wẹ imẹ alị ndị ọzọ; ẹfan ụmụ wẹ k'a kpọgbarị imẹ alị ichẹn-ichẹn. Ndị ile hụnnị wẹ k'a marịn nị wẹ wụ ndị Osolobuẹ gọzi.

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Azaya 62:7

anịkwọlẹ n'a zu ikẹn d'e ru n'o mẹgụ Jerusalẹm turu ọhụnma, mẹ ẹ wụrụ ihiẹn ụwa ile a ja mma.

Azaya 66:22

Osolobuẹ sị, “Makẹni, kẹ igwere ọhụn lẹ ụwa ọhụn m jẹnkọ d'e ke k'a rịsọnmẹ ihun m, ẹrịra kẹ ẹfan lẹ ẹbozo ụnụ k'a rịsọnmẹ.”

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 33:9

M k'e gi obodoni nwọnrinzi ẹfan, ịghọghọ, ịja-mma lẹ ọghọ ẹnya ndị alị ile rị elu ụwa — ndị ile hụn k'a nụ ihiẹn-ọma ile m k'e mẹni obodoni. Egun k'a tụ ndị alị ile rị elu ụwa wẹ hụn ihiẹn-ọma m k'e mẹni ndị alịnị.’ ”

Izikẹlụ 16:53

“ ‘K'osilẹrị, m k'e mẹ n'ọ rịzịnị Sodọm lẹ ụmụ a mma, mẹ n'ọ rịzịnị Sameria lẹ ụmụ a mma, mẹzikwọ n'ọ rịzịnị yụ nwẹn rị etintin wẹ mma,

Izikẹlụ 28:25

“ ‘Osolobuẹ Nwọn Ihiẹn Ile sị: M ghagụ alị ile wẹ feye ndị Izrẹlụ wekinhẹn wẹ, m k'a nọ imẹ igunrun wẹ ghọsị nị m rị nsọ, ndị alị ichẹn-ichẹn a hụn a. Ogẹn ahụn, Izrẹlụ e biri alị wẹ hụn m ye odibo m wụ Jekọpụ nẹdi wẹ.

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Izikẹlụ 37:12

Bu nwan amụma sị wẹ, ‘Osolobuẹ Nwọn Ihiẹn Ile sị: Ndị nke m, lee ẹ, m jẹnkọ d'e kpupụ ili ụnụ, wepụha ụnụ imẹ wẹ, e welụa m ụnụ alị Izrẹlụ.

Izikẹlụ 37:21

y'a sị wẹ, ‘Osolobuẹ nwọn ihiẹn ile sị: M sikọ d'e weri ndị Izrẹlụ imẹ alị ndị hụ wẹ rị, e wegbama m wẹ, ebe lẹ ebe wẹ rịlẹ, welụa wẹ alị wẹ.

Izikẹlụ 39:13

Ndị alị Izrẹlụ ile k'e li wẹ. Izrẹlụ k'e gi ẹ nwọnrin ẹfan ụhụọhịn hụ m k'e mẹ ihiẹnni gi nwọnrin ọghọ. Ya kẹ Osolobuẹ Nwọn Ihiẹn Ile ku.

Izikẹlụ 39:28

Izrẹlụ sikọ d'a marịn nị mmẹ wụ Osolobuẹ wụ Chuku wẹ, ogẹn m'e gi chụshigụ wẹ alị ndị ọzọ, kpọnlụazị wẹ alị wẹ. Onwọnni onyẹ ọwụlẹ imẹ wẹ m k'a latọzị ebẹhụ.

Juwẹlụ 3:1

“Osolobuẹ sị: Ogẹn ahụn, m mẹgụ n'ọ rịzị nị Juda lẹ Jerusalẹm mma,

Emọsụ 9:14

M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.

Maịka 2:12

“Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Zẹfanaya 2:7

Ẹgbẹrẹ ohiminni ile k'a wụrụ nke ndị Juda k'a họdụnị, a nọ w'a a zụn atụnrụn, ọhịhị gba, a ranhịn wẹ ụlọ ndị Ash'kẹlọnụ te bi. O k'a rị ẹrịra, makẹni Osolobuẹ wụ Chuku ndị Juda k'a tụnị wẹ ụya, mẹ n'ọ rịzịnị wẹ mma.

Zẹfanaya 3:19

O ru ogẹn hụ, m k'e mẹshi ndị rị a bịangbuni ụnụ ikẹn. M k'a zụọpụha atụnrụn m ndụn rịlẹni, e wegbama m atụnrụn m wẹ chụzịza; e wepụha m wẹ imẹ ụya wẹ rị, ye wẹ ezigbo ẹfan w'a ja mma elu ụwa ile.

Zẹkaraya 8:13

Kẹ ụnụ ndị Juda lẹ Izrẹlụ ile te dọn wụ ihiẹn wẹ bụ ọnụ ẹnya alị ndị-ọzọ, ẹrịra kẹ m sikọ nwan d'a zụọpụha ụnụ, ụnụ a wụrụ ngọzi. Atụlẹ ni nwan egun; ka jikẹnmẹ ni a rụn Ụlọ ahụn.

Zẹkaraya 8:8

e welụa m wẹ Jerusalẹm d'e biri, a wụrụ wẹ ndị nke m, mmẹ nwẹn a wụrụ Chuku wẹ, gi ezioku lẹ ezi-omumẹ e sọn wẹ.”

Malakaị 3:12

Ogẹn ahụn, alị ile a kpọma ụnụ ngọzi, makẹni ụnụ lẹ alị ụnụ k'a wụrụ ihiẹn w'a chọ achọ. Ya kẹ Osolobuẹ ihiẹn ile rị okpuru ẹ ku.

Ditrọnọmi 26:18

Osolobuẹ nkẹ e kugụọ a tannị nị ụnụ wụ ndị nke ẹ pụ-ichẹn, k'o dọn kwe nkwa, lẹni ọ chọ nị ụnụ mẹchanrịn ihiẹn ile ọ sị ụnụ mẹ.

Ditrọnọmi 26:19

O kugụọ a n'o k'e bu ụnụ che ọnọdị wẹ k'e gi ja ụnụ mma, a nụ otiti ụnụ, ọnọdị ụnụ a nọ nwọn ọghọ karị ndị ile o ke, lẹni ụnụ k'a wụ ndị-nsọ Osolobuẹ wụ Chuku ụnụ, k'o dọn kwe nkwa.