Zẹfanaya 3:19 - Ika

¹⁹ O ru ogẹn hụ, m k'e mẹshi ndị rị a bịangbuni ụnụ ikẹn. M k'a zụọpụha atụnrụn m ndụn rịlẹni, e wegbama m atụnrụn m wẹ chụzịza; e wepụha m wẹ imẹ ụya wẹ rị, ye wẹ ezigbo ẹfan w'a ja mma elu ụwa ile.

Zẹfanaya 3:19 Iomraidhean Croise

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Azaya 60:18

Anụkọzị wẹ ukwere egbu-lẹ-egbu imẹ alị ụnụ; ahụnkọzịkwọ wẹ ntikpọ lẹ owiwi ebe ọwụlẹ wụ nke ụnụ. Nzụọpụha k'e fihunmẹ ụnụ lekẹ mgbọn; ọnụ-mgbọn ụnụ a zama Ịja-mma Osolobuẹ.

Azaya 61:7

Ndị nke m e nwọnrin ọghọ nwọncheni ẹlẹzi ifẹnrẹn, ukuu wẹ e ye wẹ ịghọghọ; ẹlẹzi ịfa, ukuu ụnụ a ba ụba ọhụnma-ọhụnma, ịghọghọ itẹbitẹ a wụrụ nke wẹ.

Azaya 62:7

anịkwọlẹ n'a zu ikẹn d'e ru n'o mẹgụ Jerusalẹm turu ọhụnma, mẹ ẹ wụrụ ihiẹn ụwa ile a ja mma.

Jerimaya 30:16

“Ufiri ẹ, m jẹnkọ d'e tikpọ ndị ile tikpọn'ị; wẹ k'a kpụnrụn ndị-iṅẹnrẹn i ile; ndị ile gbu i kwarị ihiẹn i, wẹ k'e gbuzikwọ wẹ kwarị ihiẹn wẹ; ndị ile zun i ohin, wẹ jẹnkọ d'e zun wẹ ohin.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Jerimaya 31:8

M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.

Jerimaya 33:9

M k'e gi obodoni nwọnrinzi ẹfan, ịghọghọ, ịja-mma lẹ ọghọ ẹnya ndị alị ile rị elu ụwa — ndị ile hụn k'a nụ ihiẹn-ọma ile m k'e mẹni obodoni. Egun k'a tụ ndị alị ile rị elu ụwa wẹ hụn ihiẹn-ọma m k'e mẹni ndị alịnị.’ ”

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Izikẹlụ 16:27

Ya haịn m gi nwan setịnpụ ẹka mẹ i ihiẹn, tikpọ alị ị, belụa ihiẹn i, we i che ẹka ndị iwe i e we, ndị alị Filistia hụn eje-obibi ịgbaraja ị e mẹdẹ ifẹnrẹn.

Izikẹlụ 16:57

mgbe eje-omumẹ i kelẹni wa? Alị Aram lẹ ụmụ-alị a rị nwan a mụ ị ẹmụ, wẹ lẹ ụmụ-alị Filistia e we iwe i, wẹ ile hụn nọhunmẹn'i rị nwan a mụ ị ẹmụ.

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Izikẹlụ 39:13

Ndị alị Izrẹlụ ile k'e li wẹ. Izrẹlụ k'e gi ẹ nwọnrin ẹfan ụhụọhịn hụ m k'e mẹ ihiẹnni gi nwọnrin ọghọ. Ya kẹ Osolobuẹ Nwọn Ihiẹn Ile ku.

Izikẹlụ 39:26

Ogẹn hụ, wẹ hụn nị wẹ bizi udọn-lẹ-ndọnkwa imẹ alị wẹ, ifẹnrẹn enwẹn wẹ e mẹgbu wẹ hụn wẹ gi la m tọ bu ẹnya che ogbe.

Maịka 7:10

Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Zẹkaraya 8:23

Osolobuẹ ihiẹn ile rị okpuru ẹ sị: “O ru ogẹn hụ, ikẹnnyẹ iri ndị alị ọzọ, ndị a sụ asụsụ ọzọ, k'a dọdọn akpụ onyẹ Ju ohu ẹwuru, a rịọ a, ‘Dodo, nị ẹnyi sọn i la, nị ẹnyi a nụọlẹ nị Chuku rị azụụn nke ụnụ!’ ”

Ditrọnọmi 26:19

O kugụọ a n'o k'e bu ụnụ che ọnọdị wẹ k'e gi ja ụnụ mma, a nụ otiti ụnụ, ọnọdị ụnụ a nọ nwọn ọghọ karị ndị ile o ke, lẹni ụnụ k'a wụ ndị-nsọ Osolobuẹ wụ Chuku ụnụ, k'o dọn kwe nkwa.

Hibru 12:13

Gha nị nwan ụzọ rị mma, kẹni ụkụ rịlẹni ikẹn hụn ụzọ dịnhịn, amamgbe ọ kwapụ.

Rẹvẹleshọnụ 20:9

Wẹ nọ ghakwọrị ebe wẹ rị fetu alị ichẹn-ichẹn rị elu-ụwa bịa d'e fihunmẹ ebẹhụ ndị nke Osolobuẹ rị lẹ obodo ahụn a sụọ Osolobuẹ; kanị, ọkụn nọ gha elu-igwee hidan, bu wẹ ile ri.

Ndị Han Eṅẹn 1:7

Adoni-Bẹzẹki nọ sị, “Ndị-nze iri kwasị ọgụn-ẹtọ (70) hụn m japụ eze-ẹka lẹ eze-ụkụ a nọgụọ okpuru teburu m, a tụtụri ifunfun ihiẹn-oriri. Chuku a kụgụọ m nwan ụgwọ ihiẹn m mẹ wẹ.” Wẹ nọ wẹhẹ Adoni-Bẹzẹki Jerusalẹm, ọ nọ nwụntọ ebẹhụ.