Zẹfanaya 3:17 - Ika

¹⁷ Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Zẹfanaya 3:17 Iomraidhean Croise

Jẹnẹsisi 1:31

Chuku e lee ihiẹn ile o ke, ọ nọ hụn a nị wẹ ile a rịka mma. Uhinhin a gharị, efinaị a gharị: ọhụn mẹ ẹ akpọhịn isin.

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 18:14

O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Jẹnẹsisi 2:2

Nke akpọhịn ẹsa, makẹni Chuku a rụngụọ ọrụn a, ọ nọ zu ikẹn ọrụn ile ọ rụn.

Ẹbụ-ọma 147:11

Ihiẹn a sụọ Osolobuẹ wụ ndị hụn a tụ egun ẹ, ndị bu obi tụkwasị ihiẹn-ọsụsụọ a.

Ẹbụ-ọma 149:4

Makẹni ihiẹn ndị nke Osolobuẹ a sụọ Osolobuẹ a sụọ; o gi nzụọpụha a chọ ndị wẹ rị a bịangbu mma.

Ẹbụ-ọma 78:65

Chuku nọ nwan felihi lekẹ onyẹ te rị ụran, lekẹ odogun-agha manya te gbuye ụran.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 18:4

Ọnwan wụ ihiẹn Osolobuẹ gwa m: “M k'a gha ebe m rị e tu udọn e lee wẹ, nọkẹ uwowo ya lẹ anwụn a wị; nọkẹ igirigi a rị imẹ-elu ya lẹ uwowo a wị ogẹn anwụn w'a ghọ ihiẹn-ugbo.”

Azaya 63:1

Onyẹ wụ onyẹni gha Bozra rị alị Ẹdọm pụla? Onyẹ pụla ihiẹnni ẹwuru ẹ rị e nwun kẹ ihiẹn ẹdeke huye? Onyẹ wụ onyẹni kẹn ekikẹn ndị-nze, jẹnla ndụn-ndụn?! “Mmẹ Osolobuẹ rọ! M gi ẹ e ku nị a tụgụọnị m ụnụ ụya; mmẹ hụn a zụọpụhanị!”

Azaya 63:12

Onyẹ hụn gi ẹka a hụn hi-ogbe mẹ Mozizi rụn ihiẹn ọ rụn; Onyẹ hụn kewanị wẹ mirin ohimin, kẹn'o gi ẹ nwọnrin ẹfan jẹnrin-ejẹn.

Azaya 65:19

M k'e gi Jerusalẹm ghọghọ, ndị nke m k'a gha a sụọ m. Anụkọzị wẹ ẹkwan mọbụ ịkwan-ụya imẹ ẹ.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 32:41

O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Juwẹlụ 2:21

“Euu alị, atụlẹ egun; ka ghọghọma, e nwọn anwịnrịn — makẹni Osolobuẹ e mẹọlẹ okẹn ihiẹn!

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Zẹfanaya 3:5

Kanị Osolobuẹ egbehutọnị, kaka! Onyẹ ezi-omumẹ ọ wụ imẹ obodo ahụn k'ọ wụkwọ tan; ara mẹgbu ịhịan: ọ hụ a han eṅẹn ụhụọhịn ile, ara gberi ụhụọhịn. Kanị ifẹnrẹn arị emẹ ndị njọ.

Ọgụngụn 14:8

Omẹni ihiẹn ẹnyi a sụọghọ Osolobuẹ, o jẹnkọ d'e duban ẹnyi imẹ alị ahụn, alị anụ lẹ ihiẹn-akụnkụn n'e mẹ ọhụnma — alị mirin-ẹran lẹ mirin-ẹnwụn rị e hu, o sikọ d'e we ẹ ye ẹnyi.

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Jọnụ 13:1

Nị Mmẹmmẹ-nghafe d'e ru, Jesu a marịngụọ n'o rugụọ ogẹn o gi hapụ ụwanị laburu Nẹdi ẹ. Ebe o nwọn ihiẹn-ọsụsụọ ndị nke ẹ rị imẹ ụwa, ọ nọ nwan ghọsịchanrịn wẹ ya d'e ru isi ẹ.

Jọnụ 15:11

A gwatọgụọ m ụnụ ihiẹn ndịnị, kẹni ụnụ nwọn ịghọghọ m lẹni ụnụ nwọn ịghọghọ nwọnzu ẹ.

Ditrọnọmi 23:15

Omẹni igbọn ịhịan a gbaha d'e gbọnn'i, ewelẹ ẹ hụ chezi di-nwọnn'ẹ ẹ ẹka.

Ditrọnọmi 30:9

Osolobuẹ wụ Chuku ụnụ e mẹ ihiẹn ile ụnụ buche ẹka ghachanrịn ihun ọda-ọda, mẹ ụmụ ụnụ bu ọda, mẹ anụ ụnụ barahị, mẹ ihiẹn-ugbo ụnụ mẹ ọda-ọda, makẹni oku ụnụ k'a ghazị e ye Osolobuẹ anwịnrịn kẹ nke ndị nẹdi ụnụ kanị dọn ye ẹ anwịnrịn, o mẹ ụnụ gha ihun:

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.