Zẹfanaya 3:14 - Ika

¹⁴ Obodo Zayọnụ, bụma nwan ẹbụ ịghọghọ! Izrẹlụ, yimẹ nwan oro ịghọghọ! obodo Jerusalẹm, shịapụchanrịn ẹfọ ṅanma!

Zẹfanaya 3:14 Iomraidhean Croise

Nehemiah 12:43

Ẹjan wẹ chụnyeni Osolobuẹ ụhụọhịn hụ e bukẹ; ịhịan ile hụ a ghọghọ makẹni Osolobuẹ e mẹgụọnị wẹ ihiẹn okẹn ịghọghọ; ikpoho lẹ ụmụ-ẹka sọnzi rị a ghọghọ. Ndị rị ebe teni nụ olu wẹ gi rị a ghọghọ imẹ Jerusalẹm.

Ẹbụ-ọma 14:7

Dodo, nzụọpụha ya gha obodo Zayọnụ rị Jerusalẹm bịanị Izrẹlụ!! Ogẹn Osolobuẹ k'e gi mẹ n'ọ rịzịnị ndị nke ẹ mma, ụmụ Jekọpụ k'a ghọghọ — ẹghẹẹ, ẹfọ k'a sụọ uwẹ ndị Izrẹlụ ụsụọ!

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 97:8

Ndị Zayọnụ hụ a nụ a, a ghọghọ, ẹfọ hụ a sụọ ụmụ-alị Juda ụsụọ makẹ ezigbo eṅẹn i ile, Osolobuẹ.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 29:19

Ndị welụa enwẹn wẹ alị k'a ghọghọmazị makẹ Osolobuẹ; ndị ogbẹnnyẹ a ghọghọma ọda-ọda makẹ Onyẹ-nsọ Izrẹlụ.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 37:22

Ọnwan wụ ihiẹn mmẹ wụ Osolobuẹ ku banyen'ẹ: Eze Asiria, Nwagbọọ wụ Zayọnụ rị a mụ ị ẹmụ, e legberi i; nwa-okpoho wụ Jerusalẹm e rugbudẹ i imi ebe ị gbapụkọ.

Azaya 40:1

“Kasị nị ndị nke m obi; rọkọ nị wẹ obi!” Ya kẹ Chuku ụnụ ku.

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 51:11

Ya wụ, ndị Osolobuẹ k'a gbapụha k'e kinhẹn; wẹ k'e gi ẹbụ banhan Zayọnụ Jerusalẹm; ịghọghọ itẹbitẹ k'a wụrụ ihiẹn wẹ gi tu wẹ ugọn. Obi-ụsụọ lẹ ịghọghọ k'e rukpumẹ wẹ, ẹkwan lẹ ịsụn-udẹn k'a gba ọsọ.

Azaya 52:9

Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Azaya 54:1

Ịyụ wụ agan, bụma ẹbụ — ịyụ hụn mụtulẹni nwa! Bụma ẹbụ, yimẹ oro ịghọghọ, ịyụ hụn imẹ mẹtulẹni! Makẹni, ụmụ okpoho nwẹn wẹ latọ jẹnkọ nwan d'e bu ọda karị nke okpoho ya lẹ di ẹ rịchanrịn. Ya kẹ Osolobuẹ ku.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Juwẹlụ 2:23

Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Maịka 4:8

Ịyụ nwẹn, Jerusalẹm, Okẹn ụlọ-nche atụnrụn Osolobuẹ, Ebẹhụ zeni ndị Zayọnụ a gbaban, ọkịkị hụn te wụ nke i lalazị, Jerusalẹm k'e rizi eze!

Matiu 21:9

Igunrun hụ rị a ihun lẹ ndị sọnkọn'a hụ e yi oro, a sị, “Ọjịja-mma ya rịnị Nwa Defidi! Ngọzi ya rịnị Onyẹ hụ gi ẹfan Di-nwọnni-ẹnyi lala! Ọjịja-mma ya rị nị Osolobuẹ imẹ ebẹhụ kachanrịn elu-igwee.”