Zẹfanaya 3:1 - Ika

¹ O k'a jọ ị njọ, onyẹ nnupụ-isi rụgụnị! Eje obodo mmẹgbu-mmẹgbu!

Zẹfanaya 3:1 Iomraidhean Croise

Azaya 30:12

Ya kẹ Onyẹ-nsọ Izrẹlụ gi nwan sị, “Ebe o mẹni ụnụ a jụgụọ ozini, tụkwasị mmẹgbu obi, gi ndufie dọn ẹnya,

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Azaya 59:6

Ntan-akpụkpa wẹ ara nị gi kpa ẹkwa — ihiẹn w'a kpa ara rudẹ wẹ fụrụ oyi. Eje-ihiẹn eje-ihiẹn kẹ wẹ e mẹ, e gi ẹka-ikẹn e sọn ibe wẹ.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 5:23

Kanị, ndịnị wụ ndị isi-ikẹn, obi wẹ zegbu enwẹn ẹ; a kpahugụọ wẹ, jẹnmẹ nke wẹ.

Jerimaya 6:6

Lee ihiẹn Osolobuẹ ihiẹn ile rị okpuru ẹ ku, “Gbutusọnmẹ ni osisi ndị rị ụsụọ obodo Jerusalẹm gi rụnrụn mkpọnyin ndị kehunmẹ obodo nwọn mgbọn a nọ a lụ a agha. Wẹ k'e yerịrị obodoni afụnfụn — makẹni mmẹgbu-mmẹgbu jun imẹ ẹ.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Izikẹlụ 22:29

“Ndị alị hụ a bịangbu ịhịan ọbịangbu-ọbịangbu, a narịn ịhịan ihiẹn ẹ; wẹ hụ e mẹgbu ndị igbẹnnyẹ lẹ ndị elu rị a fụ, a bịangbu abịamabịa, a narịn wẹ ihiẹn runi wẹ.

Izikẹlụ 22:7

Nẹdi lẹ nnẹ hụ a na mkpari imẹ i; wẹ hụ e mẹgbu abịamabịa imẹ i, e mẹja ndị nwọnlẹni nẹdi lẹ ikpoho di wẹ nwụn.

Izikẹlụ 23:30

Ịyụ buhẹni enwẹn i ihiẹnni ile makẹni i gbasọn alị ichẹn-ichẹn nọkẹ ịgbaraja, gi mmọn wẹ mẹrụ enwẹn i.

Lẹvitikọsụ 1:16

O wepụ akụ-ẹkpịrị a lẹ ihiẹn ndị rị imẹ ẹ, tụye ụsụọ ukpo hụ, ẹbamịn ọwụwa ẹnyanwụn, ebẹhụ wẹ kpọntọ ntụn ụtọrọ anụ.

Emọsụ 3:9

D'a gwa nị wẹ ya ebe ile rị mkpa imẹ Ash'dọdụ alị Filistia; gwazịkwọnị wẹ ya ebe ile rị mkpa imẹ Ijiptu: sị nị wẹ, “Gbakikomẹ ni elu Ugu Sameria, nị ụnụ hụn okẹn isusu rị imẹ ẹ, hụnzị mmẹgbu rị imẹ ẹ!”

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Zẹkaraya 7:10

abịangbulẹ ni ikpoho di wẹ nwụn, ndị nwọnlẹni nẹdi, abịamabịa lẹ ndị igbẹnnyẹ; amamalẹ ni ni ibe ụnụ eje-ihiẹn.”

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.