Zẹfanaya 2:5 - Ika

⁵ Ọ k'a jọ ụnụ njọ, ndị mkpẹnrẹn-ohimin, ndị Kẹrẹtị alị Filistia! Osolobuẹ e kuọlẹ oku i, alị Kenaanị, alị ndị Filistia, sị, “M k'e tikpọ ị, onwọnni onyẹ m k'e gbuhọdụ imẹ i.”

Zẹfanaya 2:5 Iomraidhean Croise

Azaya 14:29

Ụnụ ndị Filistia ile, aghọghọkwọlẹ ni nị mkpịnsịn wẹ gi fịan ụnụ a kpagipụgụọ nwan; makẹni, eje-agwọ pụla d'a nọkin ẹnya agwọ hụn tanị ụnụ — eje-agwọ a tụhunmẹni hụn nwọn eje-ẹdide.

Azaya 14:30

Ogbẹnnyẹ kachanrịn ogbẹnnyẹ e mẹ k'a hụn ihiẹn-oriri rijun ẹfọ, ndị elu rịdẹ a fụ k'e dinẹ, ihiẹn emẹkọ wẹ. Kanị ụnwụn k'e gbupụ mkpọgụn ị, gi ẹ gbupụ ụmụ ị họdụnị.

Jerimaya 47:7

Nanị k'o dọn nwan zu ikẹn, bụ Osolobuẹ a sịgụọ a d'a maye ndị Ash'kẹlọnụ rị alị Filistia; o tumẹgụọ a n'o gbupụ alị ndị ahụn rị mkpẹnrẹn Ohimin?”

Izikẹlụ 25:16

Osolobuẹ Nwọn Ihiẹn Ile sị nwan: M'e d'a tịnpụ ẹka mẹ ndị Filistia ihiẹn. M k'e bepụ ndị Kẹrẹtị Filistia; m k'e tikpọpụ ndị họdụ mkpẹnrẹn-mirin hụ Filistia rị.

Emọsụ 3:1

Ndị Izrẹlụ, nụ nị ihiẹn Osolobuẹ sị nị ịya kẹ ụnụ mẹ, “Ihiẹn alị Izrẹlụ ile m gha alị Ijiptu wepụha mẹ hụn rị e ze m ize:

Emọsụ 5:1

Ndị Izrẹlụ, gọn ni ntịn! Gọn ni ntịn ẹbụ m gi a kwan ụnụ:

Zẹfanaya 1:11

Ụnụ ndị bi ibẹka afịa, gomẹ ni nwan, makẹni wẹ k'e gbuchanrịn ndị afịa! Ndị ile gi egho a chọ egho.

Zẹfanaya 3:6

“E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Makị 12:12

Ndị-ndu ndị Ju te nọ chọ nị wẹ nwụnrụn a, makẹni a ghọtagụọ wẹ nị uwẹ haịn o gi ta ilu hụ, kanị egun ndị rị ebahụn anịnị wẹ. Wẹ nọ la a tọ, gha ebahụn pụ.

Joshụa 13:2

Lee alị họdụnị: ẹgbẹrẹ ndị Filistia lẹ ndị Gẹshọ ile:

Joshụa 13:3

gha Iyi-Shihọ rị ẹbamịn ọwụwa-ẹnyanwụn Ijiptu d'e ru Ẹkrọnụ rị ẹbamịn-ugu. Wẹ ile kẹ w'a gụn e yeni ndị Kenaanị: ẹgbẹrẹ ndị-nze isẹn alị Filistia: kẹ Gaza kẹ Ash'dọdụ kẹ Ash'kẹlọnụ kẹ Gatị kẹ Ẹkrọnụ. Alị ndị Avụ rịzị imẹ ẹ;

Ndị Han Eṅẹn 3:3

Alị ndịnị rọ: alị eze isẹn ndị Filistia, ndị Kenaanị ile, ndị Sidọnụ lẹ ndị Hivu hụ bi Ugu Lẹbanọnụ — gha Ugu Baalụ-Hẹmọnụ d'e ru Lebo-Hamatị.

Samuẹlụ Nke Ibuzọ 30:14

Ẹnyi maye ndị bisọnmẹ Nẹgẹvụ, kẹ azụụn ndị Kẹrẹtị kẹ ẹgbẹrẹ ndị Juda kẹ azụụn ndị Kalẹbụ, ẹnyi nọ kwarị ihiẹn wẹ; ẹnyi dụn obodo Zik'lagị ọkụn.”