Zẹfanaya 1:7 - Ika

⁷ Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Zẹfanaya 1:7 Iomraidhean Croise

Jobu 24:1

“Kị haịn Onyẹ Hụ Nwọn Ikẹn Ile gilẹni a katọ ogẹn o gi e ye ịhịan afụnfụn? Kị haịn ndị marịnn'a gi a tụ ẹnya ụhụọhịn nọ ẹrịra mmaka?

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Azaya 13:3

E zigụọ m ndị m họrị; a kpọgụọ m ndị-odogun agha m nị wẹ d'a ghọsị wẹ nị iwe rị e we m — ndị agha m họrị hụn a nyan isi, e mẹkarị enwẹn wẹ.

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 29:2

kanị m k'e mẹshikwọ obodo ụnụ wụ “Ariẹlụ” ikẹn; o k'a kwan, kwan ụya; m k'e mẹ ụnụ ihiẹn w'e mẹ elu Ariẹlụ wụ ukpo nchụn-ẹjan.

Azaya 34:5

Ọpịa-agha m rajungụ ẹfọ elu-igwere, o k'e hidan d'e ye alị Ẹdọm afụnfụn, ndị alị Ẹdọm hụn m wegụ kwanị ndị k'e gbuchanrịnnị wẹ.

Azaya 34:6

Ẹdeke e jungụọ Ọpịa-agha Osolobuẹ; ụtọrọ e jungụọ a — nọkẹ sị o gbu ewu lẹ ebulu, ụtọrọ rị akụnrụn ebulu. Makẹni Osolobuẹ k'e gbu ịhịan kẹ anụ wẹ gi a chụn ẹjan imẹ obodo Bozra rị alị Ẹdọm — o k'e gbu okẹn ogbugbu imẹ alị Ẹdọm!

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Izikẹlụ 7:10

“Ụhụọhịn hụ e ruọlẹ! E lee ẹ k'ọ lala! Ntikpọ a pụhaọlẹ! Ọkpọ hụ a gbọrịgụọ, mbọnmẹ a karagụọ mịma obobo!

Izikẹlụ 7:7

Nke ụnụ a gụgụọ, ụnụ ndị bi alịnị. Ogẹn e rugụọ; ụhụọhịn hụ a rịọlẹ nsue! Isusu jẹnkọ d'a rị elu-ugu ndịnị ẹlẹ ịghọghọ.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Juwẹlụ 2:11

Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Emọsụ 6:10

Onyẹ nke wẹ hụn k'e lin'ẹ bịa, o bupụhagụ ozun ezi, ọ jụma onyẹ ọ hụn ebẹhụ hụn rị imẹ-imẹ ụlọ, “O nwọnzi onyẹ yụ lẹ ịya rị ebẹhụ?” Hụnyẹ a sị a “Mba!” Ọ sị hụnyẹ, “Dodo, gbakwọ nkịtịn! Ẹnyi akpọkọkwọ ẹfan Osolobuẹ!”

Emọsụ 8:3

Osolobuẹ sị, ‘O ru ogẹn hụ, ẹkwan jẹnkọ d'a nọkin ẹnya ẹbụ imẹ Ụnọ-NSỌ. Ozun ịhịan k'e jun — fiẹnrin ebe ile! Alị k'e mẹ hịaị!’ ”

Habakọkụ 2:20

Kanị Osolobuẹ nkẹ rị Ụlọ-NSỌ a: ụwa ile wẹ gba nwan nkịtịn ihun ẹ!!”

Zẹfanaya 1:14

“Eje-ogẹn hụ Osolobuẹ k'e gi ye afụnfụn a rịgụọ nsue! Ọ rịgụọkwọ nsue; ọ lala ẹgwa! Wẹ k'a kwan eje ẹkwan ogẹn hụ! Nke wụnị ndị-agha k'a ghadẹ a kwan ụya imẹ ọgbọ-agha.

Zẹkaraya 14:1

Lee ẹ, ogẹn Osolobuẹ lala alala, hụn wẹ k'e gi maye i, Jerusalẹm, kwanarịn ị ihiẹn i, nọ imẹ i keri ẹ.

Zẹkaraya 2:13

Ịhịan ile, gba nị nkịtịn ihun Osolobuẹ, makẹni ọ ghagụọ Ụlọ a rị nsọ lihi d'a ghọsị ẹka a.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 22:4

O zizi idibo ọzọ, sị, ‘Gwa nị ndị hụ wẹ kpọ oriri, sị, “Lee n'ẹ, a kwademẹgụọ m oriri m; e gbuọlẹ m okẹn-efin m lẹ ụmụ-efin m zụntọ. A kwademẹgụọ m ihiẹn ile; bịa nị oriri-agbamẹkụkwọ hụ.” ’

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 9:20

Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”

Ndị Filipi 4:5

Ịhịan ile wẹ gi ẹka rị mma ụnụ gi e sọn ihiẹn ile marịn ụnụ; Di-nwọnni-ẹnyi lala ẹgwa.

Ndị Kolosị 1:12

a kpanmịn Nẹdi ẹnyi hụn mẹ nwan ụnụ ru ogo ụnụ gi rị ndị nwọn ihiẹn o butọnị ndị-nsọ a makẹni wẹ rị imẹ ukpẹ.

Samuẹlụ Nke Ibuzọ 16:5

Samuẹlụ nọ sị, “Nsọngbu arịa; m bịa d'a chụnyeni Osolobuẹ ẹjan-ekele. Fe ni ẹhụ kẹ Osolobuẹ dọn ku, ụnụ a bịa d'e sọn m chụn ẹjan ahụn.” Ya kẹ Samuẹlụ nọ fe Jese lẹ ụmụ a ikẹnnyẹ ẹhụ, kpọ wẹ d'e du wẹ ri ẹjan-ekele hụ.

Samuẹlụ Nke Ibuzọ 20:26

Onwọnni ihiẹn Sọlụ ku ụhụọhịn hụ, makẹni ọ sị enwẹn ẹ, “O nwọngụọ ihiẹn mẹ Defidi, ọ rụ a rụ, ọ rụ a rụ nkesi.”