Zẹfanaya 1:5 - Ika

⁵ M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Zẹfanaya 1:5 Iomraidhean Croise

Ndị-nze Nke Ibuzọ 11:33

M k'a napụ Solomọnụ ya makẹni a lagụọ wẹ m tọ, femẹ Ash'ta onyẹnnyẹ-mmọn ndị Sidọnụ, Kẹmọshi mmọn ndị Mụabụ lẹ Molẹkị mmọn ndị Amọnụ; esọnni wẹ ụzọ m, emẹni wẹ ihiẹn rị mma ẹnya m, esọnni wẹ uhi m lẹ iwu m kẹ Defidi nẹdi Solomọnụ dọn mẹ.

Ndị-nze Nke Ibuzọ 11:5

O femẹ Ash'ta — onyẹnnyẹ-mmọn ndị Sidọnụ, femẹ Molẹkị — ihiẹn ahụn rụnị ndị Amọnụ e fe.

Ndị-nze Nke Ibuzọ 18:21

Ẹlaịja nọ jẹnpụha ihun wẹ, sị, “Elee mgbe ụnụ k'a danshibehi azụụnnị lẹ azụụnnị? Omẹni Osolobuẹ wụ Chuku, ụnụ e fe ẹ! Kanị omẹni Baalụ wụ Chuku, ụnụ e fe ẹ!” Ya wẹ ile nọ gba nkịtịn.

Ndị-nze Nke Ẹbụọ 17:32

E femẹ wẹ Osolobuẹ, kanị e tumẹrin wẹ ndị nke wẹ ọwụlẹ ban wẹ ẹnya nị w'a rụnnị wẹ ọrụn ndị nchụn-ẹjan Osolobuẹ imẹ ụlọ-mmọn ndị hụ rịsọnmẹ ebe jẹn elu.

Ndị-nze Nke Ẹbụọ 17:33

Wẹ hụ e fe Osolobuẹ, a rụazị mmọn wẹ kẹ wẹ e mẹ ẹ imẹ alị wẹ ghasọnmẹ kpụnhan wẹ.

Ndị-nze Nke Ẹbụọ 17:41

Ẹrịra kẹ wẹ fekọ Osolobuẹ lẹ mmọn wẹ pịn. D'e ru tannị, ụmụ wẹ lẹ ụmụ-ụmụ wẹ rịkwọ nwan e mẹ kẹ ndị nẹdi wẹ dọn mẹ.

Ndị-nze Nke Ẹbụọ 23:12

Ọ kụtu ukpo nchụn-ẹjan ndị hụ ndị-nze Juda rụnye elu obi-eze ẹhụ mmughẹ Ahazị rị ibe elu, kụtuzi hụn ndị Manasẹ rụnye imẹ ezi-ọgwa ẹbụbụọ rị Ụlọ-nsọ Osolobuẹ. O bupụ wẹ ebẹhụ, kụkpọchanrịn wẹ kpọnye Ọdanmgbugbu-Kidrọnụ.

Azaya 22:1

Lee ihiẹn Chuku ku banyeni Jerusalẹm, Ọdanmgbugbu Ozi-Osolobuẹ. Kị wụ nwan nsọngbu ụnụ, hụn ụnụ ile gi nwan shi elu ụlọ.

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Azaya 45:23

E kungụọ m enwẹn m, ku ihiẹn m ku; a shịapụgụọ m ọnụ ku ihiẹn wụchanrịn ezioku — oku hụn m jẹnkọlẹni d'a kagbu, nị, mkpụkụ ọwụlẹ jẹnkọ d'e gbuni m osekpu, ọnụ ile jẹnkọ d'e ku ẹ ni mmẹ wụ Osolobuẹ.’

Azaya 48:1

Ebọn Jekọpụ, gọn ni ntịn, ụnụ ndị w'a kpọ Izrẹlụ, ụnụ ndị ẹbozo Juda; ụnụ ndị e kun ẹfan Osolobuẹ, a kpọku Chuku Izrẹlụ — kanị ụnụ ara gi ezioku lẹ ezi-omumẹ mẹ ẹ;

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 19:13

Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 49:1

Lee ihiẹn Osolobuẹ ku banyeni ndị alị Amọnụ: “Izrẹlụ amụdẹni ụmụ ra? Onwọn ndị k'e bikin alị a ra? Kị Molẹkị werini ẹgbẹrẹ Gadị? Kị ndị a rụa Molẹkị birini alị ndị Izrẹlụ?

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Jerimaya 5:7

Osolobuẹ sị, “Nanị m'a dọn gbagharị ị? Mmụ ị a lagụọ m tọ, hịma mmọn ichẹn-ichẹn furulẹni wẹ fe. Ọsụọn'a nị m yesọnmẹ wẹ ihiẹn ile rị wẹ mkpa, wẹ hụzịkwọ a ghẹrẹ, e rujẹn nke ndị ịgbaraja.

Jerimaya 7:10

Ụnụ mẹgụ, ụnụ a bịazị d'e wuzo ihun m imẹ ụlọnị rị a za ẹfan m, a sị, ‘Ihiẹn emẹkọ ẹnyi!’ Ụnụ rịdẹ nwan e ro nị ezioku-ezioku ihiẹn emẹkọ ụnụ ebe ụnụ rị e mẹsọnmẹ arụ ndịnị ile ra?

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Hosia 10:2

Obi wẹ arị mma; wẹ jẹnkọ nwan d'a ta afụnfụn njọ wẹ! Osolobuẹ k'e tikpọchanrịn ukpo-mmọn wẹ, tikpọchanrịn ihiẹn wẹ zumẹni mmọn!

Hosia 4:15

“Ọsụọn'a ndị Izrẹlụ Ẹbamịn-ugu rị a gbasọn mmọn, Juda emẹkwọlẹ ni njọ hụ! Esọnjẹnkwọlẹ ni wẹ Gil'galụ; esọnjẹnkwọlẹ ni wẹ eje-ofufe imẹ ‘Bẹt-Avẹni’. Esọnkwọlẹ ni wẹ kun ẹfan m hụn wẹ rị e kun okunkun nwọnlẹni isi.

Emọsụ 5:26

Ụnụ sikọ d'e heri eze ụnụ ahụn wụ mmọn Sakutu lẹ mmọn okokisẹ ahụn wụ Kaịwanị hụn ụnụ kpụrụ,

Matiu 6:24

“Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.

Ọrụn Ndị-ozi 10:9

Eki e fọn, ibẹka ọkụrọkụ mmẹbụọ efinnaị anwụn gi a rị isi, ikẹnnyẹ ahụn e rumẹ obodo hụ. Ogẹn hụ kẹ Pita nkẹ gi shi elu ụlọ d'e mẹ ekpere.

Ndị Rom 14:11

Makẹni Ẹkụkwọ-nsọ sị, “Di-nwọnni-ẹnyi sị, ‘Ma isi m, onyẹ ọwụlẹ jẹnkọ d'e gbuni m osekpu; ọnụ ile k'e ku ẹ nị mmẹ wụ Osolobuẹ!’ ”

Ditrọnọmi 10:20

Tụ nị egun Osolobuẹ wụ Chuku ụnụ, e fe ẹ. Kwọnkẹnmẹn'ẹ, e kun ẹfan a sụọ.

Ditrọnọmi 4:19

Ụnụ lekwọ ẹnya elu-igwere, hụn ẹnyanwụn lẹ ifọn lẹ kokisẹ, ihiẹn ile rị igwere, anịkwọlẹni wẹ chanban ụnụ ẹnya, ụnụ a kpọma nị wẹ isi alị, femẹ ihiẹn-okike mmaka ndị ahụn Osolobuẹ wụ Chuku ụnụ ketọnị ụwa ile.

Joshụa 23:7

Esọnkwọlẹ ni alị ndịnị họdụ imẹ igunrun ụnụ kpa; akpọkwọlẹ ni ẹfan mmọn-lẹ-iyi wẹ mọbụ kun wẹ. Efekwọlẹ ni wẹ mọbụ kpọnị wẹ isi alị.