Zẹfanaya 1:18 - Ika

¹⁸ Egho wẹ lẹ ihiẹn ile wẹ nwọn azụọpụhakọ wẹ ogẹn hụ Osolobuẹ k'e gi ghọsị iwe-lẹ-ọnụma a. O k'e gi iwe-lẹ-ọnụma bu elu-ụwa ile ri kẹ ọkụn dọn e bu ihiẹn e ri.”

Zẹfanaya 1:18 Iomraidhean Croise

Jẹnẹsisi 6:7

Ya kẹ Osolobuẹ nọ sị, “M k'e kpọnchanpụ ịhịan elu-ụwa, ịhịan hụn m gi ẹka m ke; m k'e kpọnchanpụ ịhịan lẹ anụmanụ lẹ ihiẹn ndị hụn a rịhunmẹni lẹ ndị e fe elu. K'ọ rị m, ekeni m wẹ.”

Ndị-nze Nke Ibuzọ 14:22

Ndị Juda mẹ ihiẹn rịlẹni mma ẹnya Osolobuẹ, gi njọ wẹ mẹ ẹnya fụma Osolobuẹ, mẹ ẹ karịdẹ hụn ndị nẹdi wẹ mẹ.

Jobu 21:30

nị Chuku e dọnmẹzi eje-ịhịan ndụn ogẹn ihiẹn-ikẹn, nị ọ zụọpụha a azụọpụha ụhụọhịn ọnụma?

Jobu 3:15

mmẹ lẹ ndị ọkịkị hụn te nwọn goru, ndị te kpọn siliva kpọnjun iwe wẹ.

Ẹbụ-ọma 78:58

E gi wẹ mmọn wẹ rị a rụa ebe jẹn elu a kpasu ẹ iwe, gi mmọn wẹ kpụ e mẹ ẹnya a fụ a.

Ẹbụ-ọma 79:5

Osolobuẹ, nanị k'o k'e biehan? N'i busọn ẹnyi olulu jẹnrin ejẹn? N'i gi ẹnyanị rị a fụn'ị dụngbu ẹnyi lekẹ ọkụn?!

Itẹn 11:4

Akụ-lẹ-ụba ara zụọpụha ịhịan ẹka Osolobuẹ, kanị ezi-omumẹ a napụdẹ ịhịan ọnwụn.

Itẹn 18:11

Akụ-lẹ-ụba ndị-ịdanfịn nọ wẹ kẹ obodo wẹ tụnhunmẹ mgbọn zeni, w'e ro n'ọ wụ mgbọn ịhịan ghalẹni as'ẹka e fe.

Azaya 1:24

Ufiri ẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, Dikẹn Izrẹlụ, sị nwan, “Hmm! Ndị-iṅẹnrẹn m k'a kụrịrị ụgwọ ihiẹn wẹ mẹ; m k'e mẹgwarị ndị-iṅẹnrẹn m!

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Jerimaya 7:34

M k'e mẹ wẹ anụzịlẹ olu ndị rị e nwọn ịghọghọ lẹ anwịnrịn lẹ ndị rị a gba ẹkụkwọ imẹ obodo ile rị alị Juda lẹ ọgbara-ogbe ile rị obodo Jerusalẹm, makẹni alịnị k'a gba okpokoro.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Izikẹlụ 16:38

M k'a hangbu i eṅẹn lekẹ okpoho zọ ụkụ ye ọfịa lẹ onyẹ gbu ịhịan; m k'e gi olulu lẹ ẹnya hụ rị a fụnị m gbugwarị ị.

Izikẹlụ 23:25

M k'e bu ẹnya rị a fụnị m zinmẹ i, mẹ wẹ gi ọnụma sọn i, e bepụ wẹ i imi lẹ ntịn, gi ọpịa-agha gbupụ hụn họdụnị. Wẹ k'a kpụnrụn ụmụ ị ikẹnnyẹ lẹ ikpoho, gi ọkụn dụnpụ ndị nke i k'a họdụnị.

Izikẹlụ 7:11

Ẹka-ikẹn e werigụọ ọnọdị; eje-ọkpọ e werigụọdẹ ọkịkị. Onwọnni onyẹ ọwụlẹ imẹ wẹ mọbụ ihiẹn ahụn ile wẹ nwọn mọbụ ụzụn wẹ ile mọbụ ọghọ wẹ hụn k'a rịzịnị.

Izikẹlụ 7:19

Wẹ k'a ma siliva wẹ ye ogbe, mẹ goru wẹ kẹ ihiẹn rụnị. Siliva lẹ goru wẹ asakọ ẹka zụọpụha wẹ ogẹn Osolobuẹ k'e gi ọnụma a mẹ wẹ ihiẹn. Asakọ wẹ ẹka gi ẹ gbọn ẹgụn mọbụ gi ẹ rijun ẹfọ, makẹni goru lẹ siliva a dọgụọ wẹ ye imẹ njọ.

Izikẹlụ 7:5

“Osolobuẹ nwọn ihiẹn ile sị: Nsọngbu k'a gha a bịa ọbịbịa-ọbịbịa!

Zẹfanaya 1:11

Ụnụ ndị bi ibẹka afịa, gomẹ ni nwan, makẹni wẹ k'e gbuchanrịn ndị afịa! Ndị ile gi egho a chọ egho.

Zẹfanaya 1:15

“Osolobuẹ jẹnkọ d'a ghọsị iwe-lẹ-ọnụma a ogẹn hụ: o k'a wụ ogẹn nsọngbu lẹ afụnfụn; ogẹn ntikpọ lẹ mwiwi; ogẹn ishi lẹ ụya; ogẹn igwere jẹnkọlẹni d'e fọn.

Zẹfanaya 2:2

Mẹ n'ẹ Osolobuẹ gini d'e mẹ ụnụ ihiẹn o ku; amamgbe ogẹn ụnụ e gi wanahịn a ghafe kẹ ẹfịfịa ufere bupụ; amamgbe olulu Osolobuẹ nọ kẹ ọkụn e kunrun ụnụ, amamgbe ogẹn ahụn Osolobuẹ e gi ghọsị eje-olulu ẹ e kunrun ụnụ!

Zẹfanaya 3:8

Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?

Ndị Kọrẹntị Ibuzọ 10:22

Ẹnyi rịdẹ nwan e mẹ nị ẹnya fụma Osolobuẹ ra?! Ịyụ ka Osolobuẹ e ze?

Ditrọnọmi 31:17

Wẹ mẹ ẹ, m k'e gi olulu sọn wẹ, la wẹ tọ; m k'e bupụ wẹ ihun, e tikpọ wẹ wẹ. Ihiẹn-ikẹn lẹ nsọngbu ichẹn-ichẹn jẹnkọ d'a bịanị wẹ. O ru ogẹn ahụn, a jụma wẹ, ‘Osolobuẹ a lagụọnị ẹnyi tọ haịn ihiẹn-ikẹn ndịnị gi bịanị ẹnyi ra?’