Zẹfanaya 1:17 - Ika

¹⁷ M k'e wẹhẹni ịhịan nsọngbu, e bisọnmẹ wẹ ẹka e jẹn nọkẹ ndị ẹnya-ishi, makẹni e mẹọlẹ wẹ Osolobuẹ njọ. Ẹdeke wẹ k'a gba kẹ mirin ogẹn hụ; ozun wẹ k'e retọ alị kẹ nsịn efin.

Zẹfanaya 1:17 Iomraidhean Croise

Ẹbụ-ọma 83:10

ndị hụn i tikpọ la iwi imẹ Ẹndọ, ozun wẹ e retọ alị nọkẹ nsịn.

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Jerimaya 10:18

Makẹni Osolobuẹ sị, “M jẹnkọ nwan d'a ma ndị bi alịnị tuhu; m k'e bu okẹn nsọngbu tọnị wẹ, ẹnya a hụn wẹ ihiẹn.”

Jerimaya 15:3

“M jẹnkọ d'e zihẹni wẹ ihiẹn ẹnọ e tikpọnị: ọpịa hụn k'e gbuni wẹ; nkitẹ ndị jẹnkọ d'a dọkpụnpụ ozun wẹ; nnụnụ lẹ anụmanụ ndị jẹnkọ d'e ritịta ozun wẹ. Ya kẹ Osolobuẹ ku.

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 4:18

“Obibi i lẹ omumẹ i buhẹn'i ihiẹnni. Ọnwan wụ afụnfụn m ye i. Ọ hụ e lu i ilu; ọ fụrugụọ ị akpobi!”

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Ẹkwan 1:14

A kpagbamagụọ wẹ njọ m lẹ agbụn-ọrụn, yimẹ m'ẹ; ẹka Osolobuẹ kpagbama wẹ. Wẹ rị m nwan olu — Osolobuẹ a mịpụgụọ m umẹ. O bugụọ m che ẹka ndị ka m ẹka!

Ẹkwan 1:18

Osolobuẹ wụ onyẹ ezi-omumẹ, kanị a paghọ m oku ẹ. Gọn ni ntịn, ụnụ ndị alị ichẹn-ichẹn; lee ni afụnfụn m rị imẹ ẹ! Kẹ ikorọbịa m kẹ ịgbagba m — a kpụngụọ wẹ wẹ shi alị ndị ọzọ rị ichẹn-ichẹn.

Ẹkwan 1:8

Jerusalẹm e mẹọlẹ okẹn njọ, o gigụ a nwan rụ. Ndị ile hụn te a gbaye ẹ rị nwan e legberi ẹ, makẹni a hụngụọ wẹ ọtọ a; ya nwẹn rị nwan a sụn udẹn, e bupụ ihun.

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Izikẹlụ 16:38

M k'a hangbu i eṅẹn lekẹ okpoho zọ ụkụ ye ọfịa lẹ onyẹ gbu ịhịan; m k'e gi olulu lẹ ẹnya hụ rị a fụnị m gbugwarị ị.

Izikẹlụ 24:7

Makẹni ẹdeke ndị o gbu rị imẹ ẹ: elu ọmụma ihiẹn ọwụlẹ rịlẹni k'o huye ẹ, o huyen'ẹ akpakalị nị ẹjan kpumẹ ẹ.

Izikẹlụ 24:8

Igi kpasu ọnụma m lẹ mmẹgwarị, a lagụọ m ẹdeke hụ tọ ẹrịra elu ọmụma hụ, makẹ ihiẹn gha e kpumẹ ẹ.

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Maịka 7:13

Kanị ụwa k'e mẹ mkpọkọ-mkpọkọ, yeni ihiẹn ndị rịn'a rị e mẹ.

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Rom 11:7

Ya wụ nwan nị ndị Izrẹlụ ahụnnị ihiẹn wẹ rị a lụgbuni enwẹn wẹ, ndị ahụn Osolobuẹ họrị sụọ hụn a, Osolobuẹ a kpọkin ndị họdụnị obi:

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Pita Nke Ẹbụọ 1:9

Nke onyẹ nwọnlẹni ihiẹn ndịnị, ẹnya e kpuọl'a ishi, ọ rịzị e legha ụzọ ọhụnma. Ọ zọgụọ nị wẹ chanpụ a njọ ndị hụn o mẹ ogẹn mbụ.

Jọnụ Ibuzọ 2:11

Kanị, onyẹ hụn e ze ize ibe ẹ rị imẹ ishi; imẹ ishi k'ọ ghakọ, ọ marịn ebe o jẹnkọ makẹni ishi hụ a gbakingụọ a ẹnya.

Rẹvẹleshọnụ 3:17

“Ị hụ a sị, ‘M wụ ọdanfịn, e hiọlẹ m ọdanfịn, onwọnzini ihiẹn a kọnị m.’ Kanị, y'a marịn n'o nwọnni kẹ ọ han ị, nị y'e rugụọdẹ ihiẹn a gba ẹnya-mirin, nị ogbẹnnyẹ k'ị wụ, nị ị wụ ẹnya-mpịn, nị ị gba ọtọ!