Zẹfanaya 1:16 - Ika

¹⁶ O jẹnkọ d'a wụ ogẹn opi-agha lẹ oro-agha hụn agha k'e gi lụ obodo ndị wẹ tụnhunmẹ okẹn mgbọn lẹ ụlọ-nche ndị hụ zegbu enwẹn wẹ.

Zẹfanaya 1:16 Iomraidhean Croise

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 32:14

Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Azaya 59:10

Ẹnyi e bisọnmẹ ẹka ẹhụ-ẹjan jẹnkọ lekẹ ẹnya-mpịn e bisọnmẹ ẹka nọkẹ ndị nwọnlẹni ẹnya; a kpọgburu ebe eki rị elu, lekẹ sị ọhịhị a gbamagụọ. Imẹ igunrun ndị ẹhụ rị ikẹn, ẹnyi nọhụ kẹ ozun ndụn rịlẹni.

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Jerimaya 8:16

Oro ẹshin-agha ndị-iṅẹnrẹn gi lala rị a han, a hanrukwọrị alị Danị; ẹshin wẹ ndị ahụn nwọn ndụn ọda-ọda hụ e yi oro alịnị ile hụ e mẹhunmẹ. Wẹ lala d'e ripụ alịnị lẹ ihiẹn ile rịn'a, obodoni lẹ ndị ile bin'ẹ.”

Izikẹlụ 7:7

Nke ụnụ a gụgụọ, ụnụ ndị bi alịnị. Ogẹn e rugụọ; ụhụọhịn hụ a rịọlẹ nsue! Isusu jẹnkọ d'a rị elu-ugu ndịnị ẹlẹ ịghọghọ.

Hosia 5:8

“Gbu opi-agha imẹ obodo Gibia! Gbu opi-agha imẹ Rama! weshi olu elu hị imẹ obodo Bẹt-Avẹni! Buru ni ụzọ, ndị Bẹnjamini!

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Juwẹlụ 2:1

Gbu ni opi elu ugu Zayọnụ! Nọ nị elu Ugu nsọ m hị ndị alị! Ndị ile bi alị Juda wẹ mẹhunmẹ makẹni ụhụọhịn Osolobuẹ e d'e ru.

Emọsụ 3:6

Nị wẹ gbu opi-agha imẹ obodo egun atụnị ndị rịn'a? Nị eje-ihiẹn kunrun obodo omẹni ẹlẹ Osolobuẹ mẹ ẹ?!

Habakọkụ 3:6

Ọ kụsị, alị nọ mahihie; o lee ẹnya, ndị alị ile a mama piripiri. Ugu ndị rị kete-kete e tiyịya, òke ndị rị ẹdẹi e ziẹntu, makẹni wẹ ile rị okpuru ẹ.

Ditrọnọmi 28:52

Wẹ k'a maye obodo ụnụ ile d'e runi e tikpọchanrịn wẹ mgbọn ile zegbu enwẹn wẹ rịsọnmẹ imẹ alị ụnụ, mgbọn ndị ahụn ụnụ gi dọn ẹnya. Wẹ k'a maye obodo ile rị alị ahụn Osolobuẹ wụ Chuku ụnụ ye ụnụ.

Joshụa 6:20

Mgbe opi ndị ahụn gi nwan hanzị, ndị Izrẹlụ nọ yi oro. Hụn opi ndị ahụn gihụ han, e yi wẹ okẹn oro, mgbọn hụ nọ ziẹntu; onyẹ ọwụlẹ imẹ ndị-agha hụ nọ zụnban imẹ obodo, onyẹ-onyẹ lẹ ebe ọ rị; ya wẹ nọ weri obodo hụ.