Zẹfanaya 1:13 - Ika

¹³ Wẹ k'a kwanarịn wẹ akụ-lẹ-ụba wẹ, tikpọchanrịn ụlọ wẹ. Wẹ k'a tụn ụlọ, kanị ebikọ w'a; wẹ k'a rụn alị vaịnị, kanị arakọ wẹ manya a.

Zẹfanaya 1:13 Iomraidhean Croise

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Jerimaya 15:13

M k'e we akụ-lẹ-ụba ị ile lẹ ihiẹn ile i butọ ye ndị-iṅẹnrẹn i kwarị ọfẹ — yeni njọ ile ụnụ rị e mẹ imẹ alị ụnụ ile.

Jerimaya 17:3

Ufiri ẹ, kẹ ugu m rị alịnị kẹ ihiẹn ile ụnụ nwọn lẹ ihiẹn ụnụ dọnmẹ, m k'e wechanrịn wẹ ye ndị-ọzọ kwarị, wẹ lẹ ukpo-mmọn ụnụ ndị ahụn yeni njọ ile ụnụ mẹ imẹ alịnị.

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 5:17

Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Jerimaya 9:19

Makẹni, olu ẹkwan rị a pụ obodo Zayọnụ, a sị: ‘Nke ẹnyi a gụ! Ifẹnrẹn e mẹgbu ẹnyi! Ẹnyi jẹnkọ nwan d'a pụrịrị alị ẹnyi, makẹni ụlọ ẹnyi wụ nwan mkpọkọ-mkpọkọ.’ ”

Ẹkwan 5:2

Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi.

Izikẹlụ 22:31

Ya kẹ m nọ nwan hu olulu m kpu wẹ kẹ mirin, gi ọnụma m hụn a dụn kẹ ọkụn tikpọ wẹ la iwi; e mẹgụọ m wẹ gi isi wẹ buru ihiẹn ile wẹ mẹ. Ya kẹ Osolobuẹ Nwọn Ikẹn Ile ku.”

Izikẹlụ 7:19

Wẹ k'a ma siliva wẹ ye ogbe, mẹ goru wẹ kẹ ihiẹn rụnị. Siliva lẹ goru wẹ asakọ ẹka zụọpụha wẹ ogẹn Osolobuẹ k'e gi ọnụma a mẹ wẹ ihiẹn. Asakọ wẹ ẹka gi ẹ gbọn ẹgụn mọbụ gi ẹ rijun ẹfọ, makẹni goru lẹ siliva a dọgụọ wẹ ye imẹ njọ.

Izikẹlụ 7:21

“M jẹnkọ d'e we ẹ ye itumunyẹ kwarị; ndị-ejẹ rị ụwa k'a kwanarịn wẹ ya; wẹ k'e mẹrụ a.

Izikẹlụ 7:24

M k'e wẹhẹni wẹ alị ẹfọ kachanrịn a jọ, a narịn wẹ wẹ ụlọ wẹ; m k'a napụ ndị hụ zegbu enwẹn wẹ isi hụ wẹ rị a nyan; wẹ k'e mẹrụ ebe ile rị nsọ w'a nọ e fe ofufe.

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Maịka 6:15

Ụnụ jẹnkọ d'a kụn ihiẹn ugbo, kanị ẹlẹ ụnụ k'a ghọrị a: ụnụ k'a pịnpụha udẹn-olivu, kanị ẹlẹ ụnụ k'a kwọ udẹn ahụn; ụnụ k'a pịnpụha manya vaịnị, kanị, ụnụ ahụnkọ manya vaịnị ra.

Zẹfanaya 1:9

Osolobuẹ sị, “O ru ogẹn ahụn, m k'e mẹshi wẹ ikẹn ndị ile e ṅọnghafe ụzọ kẹ ndị a rụa mmọn, lẹ ndị a tụnarịn, a zụọnarịn ndị ọzọ ihiẹn wẹ, e kpọnjun ụlọ onyẹ wẹ rị e fe.”

Ditrọnọmi 28:30

Ị badọngụ okpoho, okẹnnyẹ ọzọ e mẹ mgba a. Ị tụngụ ụlọ, y'e bikọ a. Ị rụngụ alị vaịnị, y'a danmịnkọdẹ mkpụrụ a.

Ditrọnọmi 28:39

Ị k'a kụn alị vaịnị, rụn a, kanị y'a rakọ manya a, y'e rikọ ogbe ẹ, makẹni ọwụwụ k'e wiwipụ vaịnị ndị hụ.

Ditrọnọmi 28:51

Ndị-agha wẹ k'e ripụ ụmụ anụ ụnụ lẹ ihiẹn ụnụ kụn ugbo ụnụ, d'e ru n'e tikpọchanrịn wẹ ụnụ. Alatọkọnị wẹ ụnụ ọka ọwụlẹ mọbụ manya ọhụn mọbụ ofugbọn-olivu mọbụ ụmụ-efin mọbụ ụmụ-atụnrụn lẹ ụmụ-ewu ụnụ e we lachanrịn iwi.