Zẹfanaya 1:1 - Ika

¹ Ọnwan wụ ozi Osolobuẹ zi Zẹfanaya nwa Kushi. Kushi wụ nwa Gẹdalia nwa Amaria. Nẹdi Amaraya wụ Hezikaya hụn kị alị Juda mbụ. Ogẹn Josaya nwa Amọnụ gi rị a kị Juda kẹ Osolobuẹ gi zi Zẹfanaya ozini.

Zẹfanaya 1:1 Iomraidhean Croise

Ndị-nze Nke Ẹbụọ 21:18

Manasẹ a nwụnhụn, laburu ndị nẹdi ẹ, wẹ nọ li ẹ ye ugbo-obobo rị obi-eze ẹ ọ nọ e zu ikẹn, ugbo-obobo Uza. Nwa a wụ Amọnụ nọ họnrin eze nọkin ẹnya a.

Ndị-nze Nke Ẹbụọ 21:26

Imẹ ili rị ụgba-obobo Uza kẹ wẹ liye ẹ, nwa a wụ Josaya nọ họnrin eze nọkin ẹnya a.

Ihiẹn Mẹni Nke Ẹbụọ 33:20

Manasẹ a nwụnhụn, laburu ndị nẹdi ẹ, wẹ nọ li ẹ ye obi-eze ẹ, Amọnụ nwa a nọ rikin ẹ eze.

Jerimaya 1:2

Hụn mẹ ẹ ahụa mmẹtọ ogẹn Josaya nwa Amọnụ gi wụ eze Juda kẹ Osolobuẹ zimẹ Jerimaya ozi ndịnị,

Jerimaya 22:11

Makẹni, Osolobuẹ e kugụọ oku Shalum wụ Jeho-ahazị hụn rikin nẹdi ẹ wụ Josaya eze a kị alị Juda, Shalum wẹ kpụnrụn shi alị ọzọ: Osolobuẹ sị, “Ẹlẹ o k'e kinhẹnzi ebeni.

Jerimaya 25:3

“Kete ahụa ẹtọ kwasị ọgụn, ya wụ kete ahụa nke mmẹtọ Josaya nwa Amọnụ kịma, Osolobuẹ hụ e zi m ozi, m hụ e zi ụnụ ya e zikwasị, kanị ụnụ egini dọn.

Izikẹlụ 1:3

Ụhụọhịn hụ kẹ Osolobuẹ gwa mmẹ wụ Izikẹlụ onyẹ nchụn-ẹjan nwa Buzi oku mkpẹnrẹn Iyi Kẹba ebẹhụ, imẹ alị ndị Kal'di wụ Babilọnụ. Ebẹhụ kẹ Osolobuẹ nọ mẹtụ m ẹka.

Hosia 1:1

Ọnwan wụ ozi Osolobuẹ zi Hosia nwa Biẹri. Ozi ndịnị bịa ogẹn ndị-nze ẹnọnị gisọnmẹ kị Juda: Uzịa, Jọtam, Ahazị lẹ Hezikaya. Ogẹn ahụn, Jerobụam nwa Jehụashị wụ eze azụụn hụn-ẹbọ wụ Izrẹlụ Ẹbamịn-ugu.

Timoti Nke Ẹbụọ 3:16

Ihiẹn ile rị Ẹkụkwọ-nsọ gha ọnụ Osolobuẹ pụha; wẹ e gi ẹ a kuzi, a jụgbọ, e wekinhẹn ịhịan ebe ọ nọ fie ụzọ, a zụn ịhịan ọzụnzụn wẹ gi e mẹ ihiẹn Osolobuẹ chọ,

Pita Nke Ẹbụọ 1:19

Ẹnyi gi ẹ nwan marịn nị ihiẹn ndị-amụma ku imẹ Ẹkụkwọ-nsọ furu wẹ gi e dọn ẹnya. Ọ ka ụnụ mma nị ụnụ gi wẹ e dọn, nọkẹ ukpẹ ẹka rị e nwun imẹ ishi, d'e ru ni eki e fọn, Onyẹ ahụn wụ Kokisẹ-ụtụntụn e timẹ imẹ obi ụnụ.