Taịtọsụ 1:3 - Ika

³ o ru nwan ogẹn ẹ, Osolobuẹ nọ wepụha a ifọn ghahanị ozini o ye m iwu zisọnmẹ. Osolobuẹ mẹ ihiẹnni makẹni Osolobuẹ wụ Onyẹ-nzụọpụha ẹnyi.

Taịtọsụ 1:3 Iomraidhean Croise

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 45:15

Ezioku-ezioku, Chuku hụn e zuemẹ enwẹn ẹ k'ị wụ, Chuku Izrẹlụ, hụn a zụọpụhanị!

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Daniẹlụ 11:27

Ndị-nze ẹbụbụọnị chọkọ isi ibe wẹ k'a nọdị ụzọ ohu e rigbama, a tụtarị ntụ, kanị onwọnkọ isi, makẹni nke wẹ k'a gụkwọ tan ogẹn ẹ ru.

Daniẹlụ 8:23

“O rumẹ njẹndemẹ ọkịkị wẹ, mgbe ndị rị e nupụ isi e gi nupụgụ isi, eze ohu wụ obi-ọmụma lẹ ẹro lẹ enwẹn ẹ k'a pụha.

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Makị 1:15

Ọ hụ a sị, “Ogẹn e zugụọ, Alị-eze Osolobuẹ a rịgụọ nsue! Rogharị nị, ụnụ e kweri oziọma!”

Makị 13:10

“Wẹ k'e zigbarịgụ ndị alị ile oziọma.

Makị 16:15

Ọ nọ sị wẹ, “Ghagbama nị ụwa ile d'e zi ihiẹn ile Chuku ke oziọma.

Luku 1:47

mmọn m rị a ghọghọ makẹ Onyẹ-nzụọpụha m wụ Osolobuẹ,

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 17:26

Ọ gha onyẹ ohu wepụha ndị alị ile nị wẹ bigbarị elu ụwa ile, ọ nọ tumẹsọnmẹni wẹ ogẹn nke wẹ lẹ alị wẹ k'e bi.

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Rom 16:26

hụn rị nwan a pụha ifọn; wẹ rị nwan e gi ihiẹn ndị-amụma de imẹ Ẹkụkwọ-nsọ a kọwanị ndị alị ile ya. Osolobuẹ rị ndụn jẹnrin ejẹn sị wẹ kọwanị wẹ ya, kẹni ndị alị ile hụn ụzọ kweri, gi okweri ahụn wẹ kweri humẹn'ẹ isi.

Ndị Rom 5:6

Makẹni, Kraịstị nwụndọnni ẹnyi ndị njọ ọnwụn ogẹn ndụn gilẹni rị ẹnyi, ogẹn o gi rịchanrịn mkpa.

Ndị Kọrẹntị Ibuzọ 9:17

m wepụha obi m ile mẹ ẹ, nị m nwọnghọ ụgwọ-ọrụn; omẹni egini m obi m ile mẹ ẹ, ogbo m rọkwọ, m k'a rụnrịrị a.

Ndị Galeshịa 4:4

Kanị ogẹn e zu, Osolobuẹ nọ zihẹ Nwa a: okpoho mụ a; wẹ mụ a ye okpuru Iwu.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ndị Ẹfẹsọsụ 2:17

Ya Kraịstị nọ bịa d'e zi ịhịan ile ozi udọn ahụn: kẹ ụnụ ndị alị ndị ọzọ rị ebe teni kẹ ndị Ju rị nsue.

Ndị Filipi 1:13

O mẹgụọdẹ ịhịan ile rị obi-eze Siza lẹ ndị ọzọ ile marịn nị ufiri Kraịstị kẹ m gi rị ngan.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 1:6

Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Ndị Tẹsalonika Ibuzọ 2:4

Kanị, kẹ Osolobuẹ dọn weri ẹnyi kẹ ndị furu o gi e dọn ẹnya, bu ọrụn izi-oziọma che ẹnyi ẹka, ẹrịra kẹ ẹnyi e kuzi oku kẹ ndị furu wẹ gi e dọn ẹnya. Ẹnyi ara ku n'ọ sụọ ịhịan, kanị Osolobuẹ, Onyẹ hụn e lele obi ẹnyi.

Timoti Ibuzọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị Jizọsị. Osolobuẹ hụn a zụọpụhanị ẹnyi lẹ Kraịstị wụ Jizọsị hụn wụ olilẹnya ẹnyi tumẹ m.

Timoti Ibuzọ 1:11

Ezigbo nkuzini rị imẹ oziọma hụn Osolobuẹ, Onyẹ hụ furu w'a ja mma, buche m ẹka.

Timoti Ibuzọ 2:3

Ihiẹn rị mma, a sụọ Osolobuẹ wụ Onyẹ-nzụọpụha ẹnyi rọ,

Timoti Ibuzọ 4:10

Ịya haịn ẹnyi gi a rụngbu enwẹn ẹnyi, a lụgbu enwẹn ẹnyi, makẹni ẹnyi gi Chuku rị ndụn dọn ẹnya, Chuku hụn wụ Onyẹ-nzụọpụha ịhịan ile, tụmadụ ndị kwerini.

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Taịtọsụ 2:10

w'e zunlẹ wẹ ohin, kama, wẹ ghọsịchanrịn nị wẹ furu wẹ gi e dọn ẹnya ogẹn ile, kẹni wẹ gi obibi wẹ e mẹ nkuzi Osolobuẹ Onyẹ-nzụọpụha ẹnyi a wụrụ ihiẹn a la ẹnya.

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Rẹvẹleshọnụ 14:16

Ya kẹ onyẹ ahụn nọdị alị elu orukpu nọ fe ọpịa a ahụn gọrịnị ye elu ụwa, ghọrị mkpụrụ ụwa mị.