Rẹvẹleshọnụ 9:2 - Ika

² Ọ nọ gụnpụ mgbugbu hụ migbu enwẹn ẹ, ẹnwụnrụn nọ gha ebẹhụ lọpụhama kẹ ẹnwụnrụn okẹn ọkụn wẹ gi a dụnchanpụ unyin goru, nke wụnị ẹnyanwụn lẹ ufere nọ gitọ yeni ẹnwụnrụn a.

Rẹvẹleshọnụ 9:2 Iomraidhean Croise

Jẹnẹsisi 15:17

Ogẹn anwụn gi dangụ, ọhịhị a gbagụ, idẹnmizi, ite ẹnwụnrụn rị a gha imẹ ẹ a lọpụha lẹ ọwaa rị e nwun ọkụn nọ ghafe ẹgbata ikpọn anụ ẹbụbụọ ndị ahụn.

Jẹnẹsisi 19:28

Ọ nọ lee ẹnya azụụn ahụn Sodọm lẹ Gomora lẹ alị aradan ahụn ile rị, ọ nọ hụn kẹ alị ahụn ile rị a lọ ẹnwụnrụn nọkẹ ẹnwụnrụn ẹgboko wẹ yi ọkụn.

Ọpụpụ 19:18

Ẹnwụnrụn jun Ugu-Saịnaị, makẹni Osolobuẹ gi ọkụn hidanye ẹ. Ẹnwụnrụn ahụn hụ a lọshi elu rịkẹ ẹnwụnrụn ẹgboko wẹ rị e yi ọkụn; ugu ahụn hụ e zinzin ọda-ọda,

Azaya 14:31

Yụ wụ ọnụ-mgbọn, gomẹkwọ! Yụ wụ obodo, kwanmakwọ! Ụnụ ndị Filistia, tụmakwọ nị egun! Wẹ gha ibe ugu lala nọkẹ ẹnwụnrụn lọtọnị d'a lụsọn ụnụ agha, onwọnni onyẹ-agha a la azụụn imẹ wẹ!

Daniẹlụ 3:6

Onyẹ danlẹnin'a alị gbaye ẹ, a tụ w'a ye imẹ okẹn ọkụn rị e nwunni ozigbo.”

Juwẹlụ 2:10

Wẹ pụha, alị e mẹhunmẹ, igwere e mẹhunmẹ; ẹnyanwụn lẹ ifọn a gba-ishi, kokisẹ e tibehi.

Juwẹlụ 2:2

Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Juwẹlụ 2:30

“M k'a ghọsị ahụnlele ihun igwere lẹ elu-ụwa, kẹ ẹdeke kẹ ọkụn kẹ ẹnwụnrụn rị a lọnị;

Ọrụn Ndị-ozi 2:19

M k'a ghọsịsọnmẹ ihiẹn atụmẹnya elu-igwere, ghọsịsọnmẹ ahịma elu-ụwa — kẹ ẹdeke kẹ ọkụn kẹ ẹnwụnrụn.

Rẹvẹleshọnụ 14:11

ẹnwụnrụn ọkụn hụ wẹ gi a dụn wẹ alọbehikọ, makẹni wẹ k'a ta eje-afụnfụn ahụn jẹnrin ejẹn. Kẹ uhinhin kẹ efinnaị, ezumikẹn arịkọnị ndị hụ sikọ d'e fe eje-anụ hụ lẹ enwẹn ẹ mọbụ hụn wẹ kpụ lẹ onyẹ ọwụlẹ narịn ahịma wẹ gi marịn a.”

Rẹvẹleshọnụ 16:10

Mmọn-ozi nke isẹn nọ hu ihiẹn rị imẹ afẹrẹ a ye ukpo-eze eje-anụ hụ, alị-eze eje-anụ hụ nọ gba ishi; wẹ hụ a tadẹ ire wẹ makẹ okẹn ụfụ wẹ rị imẹ ẹ;

Rẹvẹleshọnụ 8:12

Mmọn-ozi nke ẹnọ e gbu opi ẹ, ẹnyanwụn nọ wiwi azụụn ohu, ifọn lẹ kokisẹ nọ wiwizịkwọ azụụn ohu-ohu, a latọsọnmẹ wẹ azụụn ẹbụọ-ẹbụọ. Ukpẹ wẹ nọ tibelụa, timẹhụ ụzọ ẹbụọ imẹ ụzọ ẹtọ. Anwụn amụchanrịnzịnị kẹ ụhụọhịn han k'o dọn a mụ mbụ; ifọn etibiehanzịnị k'o dọn e ti mbụ. Wẹ kebe ụhụọhịn ụzọ ẹtọ, anwụn amụkarịzịnị ụzọ ẹbụọ — ẹrịra kẹ ifọn mẹzikwọ imẹ uhinhin.

Rẹvẹleshọnụ 9:1

Mmọn-ozi nke isẹn e gbu opi ẹ, m nọ hụn kokisẹ ohu hụn gha elu-igwee danye ụwa. Wẹ nọ ye kokisẹ hụ ịsanhan mgbugbu ahụn migbu enwẹn ẹ.

Rẹvẹleshọnụ 9:11

Eze igurube ndịnị wụ eje-mmọn ahụn mgbugbu hụ migbu enwẹn ẹ rị ẹka a. Ndị Hibru a kpọ a Abadọnụ, ndị Griki a kpọ a Apolịọnụ.

Rẹvẹleshọnụ 9:17

Lee kẹ m dọn hụn ẹshin ndị ahụn imẹ ọhụn ahụn m hụn: ndị rị e nyinni wẹ yisọnmẹ ihiẹn igwe wẹ gi e gbọndọn obi wẹ — hụn wẹ tekwama ihiẹn e nwun kẹ ọkụn lẹ ihiẹn e nwun bru-bru lẹ ihiẹn e nwun kẹ nsịn-ẹnyanwụn. Isi ẹshin ndị hụ rị kẹ nke ẹwọrọ. Ọkụn lẹ ẹnwụnrụn lẹ nsịn-ẹnyanwụn hụ a gha wẹ ọnụ a pụha.