Rẹvẹleshọnụ 8:8 - Ika

⁸ Mmọn-ozi nke ẹbụọ nọ gbu opi ẹ, wẹ nọ tụ ihiẹn nọ kẹ ẹregede ugu rị e nwun ọkụn ye imẹ ohimin — ohimin nọ họnrin ẹdeke azụụn ohu, ọ họdụ azụụn ẹbụọ.

Rẹvẹleshọnụ 8:8 Iomraidhean Croise

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Izikẹlụ 14:9

“Omẹni onyẹ-amụma amarịn n'e dufiegụọ w'a, o ku ihiẹn ọwụlẹ, mmẹ dufie ẹ. M k'e tikpọ a, wepụ a imẹ ndị nke m Izrẹlụ;

Emọsụ 7:4

Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn Di-nwọnni-ẹnyi wụ Osolobuẹ k'ọ rị a hị wẹ wẹhẹ ọkụn d'e ye ndị nke ẹ afụnfụn. Ọkụn nọ rapụ okẹn ohimin, rimẹ akpakalị.

Zẹkaraya 13:8

Osolobuẹ sị: wẹ k'e gbupụ ụzọ ẹbụọ imẹ ụzọ ẹtọ ndị rị alịnị, la ụzọ ohu tọ;

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Makị 11:23

Ezioku kẹ m rị a gwa ụnụ, onyẹ sị uguni, ‘Wẹ buli i elu tụye ohimin’ nị hụnyẹ enwọnni obi ẹbụọ, kama o kweri nị ihiẹn o ku jẹnkọ d'e mẹ, o jẹnkọ d'a rịn'a ẹrịra.

Rẹvẹleshọnụ 11:6

Wẹ nwọn ikẹn wẹ gi a kpọkin igwere mẹ mirin ezuelẹ ọrọgbọ hụ ile wẹ rị e ku oku-Chuku. Wẹ nwọnzi ikẹn wẹ gi e mẹ mirin rị elu ụwa e họnrin ẹdeke; wẹ nwọnzikwọ ikẹn wẹ e gi mẹ ụwa ihiẹn ọwụlẹ wẹ chọ ogẹn wẹ gi chọ a.

Rẹvẹleshọnụ 12:4

Ọdụndụn a nọ zarị ụzọ ohu imẹ kokisẹ rị elu-igwere, tụ wẹ ye alị — ọ họdụ ụzọ ẹbụọ. Dragọnụ hụ nọ turu ihun okpoho hụ imẹ rị e mẹ, kẹni ọ ripụ nwa a hụn o gihụ mụpụha a.

Rẹvẹleshọnụ 8:7

Mmọn-ozi nke ibuzọ e gbu opi ẹ, wẹ nọ ma ẹkwan-igwere lẹ ọkụn wẹ gwọgbama ya lẹ ẹdeke ye imẹ ụwa, ọ nọ dụnpụ ụzọ ohu, latọ ụzọ ẹbụọ; imẹ osisi ile, ọ dụnpụzị ụzọ ohu, ọ họdụ ụzọ ẹbụọ; ọ dụnpụchanrịn irurue ile rị e sue alị.

Rẹvẹleshọnụ 9:15

Wẹ nọ nwan tọpụ mmọn-ozi ẹnọ hụ wẹ kwademẹtọnị ogẹn ahụn, ụhụọhịn hụ, ifọn hụ lẹ ahụa hụ — wẹ nọ nwan tọpụ wẹ nị wẹ gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.

Rẹvẹleshọnụ 9:18

Ya wẹ nọ gi eje-ihiẹn ẹtọ hụ rị a gha ẹshin ndị hụ ọnụ a pụha, hụn wụ ọkụn lẹ ẹnwụnrụn lẹ nsịn-ẹnyanwụn, gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.