Rẹvẹleshọnụ 8:7 - Ika

⁷ Mmọn-ozi nke ibuzọ e gbu opi ẹ, wẹ nọ ma ẹkwan-igwere lẹ ọkụn wẹ gwọgbama ya lẹ ẹdeke ye imẹ ụwa, ọ nọ dụnpụ ụzọ ohu, latọ ụzọ ẹbụọ; imẹ osisi ile, ọ dụnpụzị ụzọ ohu, ọ họdụ ụzọ ẹbụọ; ọ dụnpụchanrịn irurue ile rị e sue alị.

Rẹvẹleshọnụ 8:7 Iomraidhean Croise

Ẹbụ-ọma 105:32

o mẹ mirin-ozuzue wẹ họnrin ẹkwan-igwere, amụma e begbarị alị wẹ nọkẹ ọkụn rị e nwunni;

Ọpụpụ 9:33

Ya Mozizi nọ na eze tọ, gha imẹ obodo pụ. Ọ nọ kịshi ẹka enu zinmẹ Osolobuẹ; akpara lẹ ẹkwan-igwere nọ kụsị; mirin rị e zueni nọ zuebehi alị ahụn.

Azaya 28:2

Lee ẹ, Di-nwọnni-ẹnyi zila dikẹn hụn ze ọda-ọda, dikẹn hụn k'a maye obodo hụ — nọkẹ ẹkwan-igwere lẹ eje-ufere e tikpọ ihiẹn, lekẹ okẹn-mirin rị e zueni, e hu ikẹn-ikẹn; o zila dikẹn hụn k'e gi ikẹn ma obodo hụ ye alị.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 32:19

Ọsụọn'a nị ẹkwan-igwere lẹ ẹbi k'e nutu ẹgboko, ọsụọn'a nị wẹ k'e tikpọ obodo ukuni ile —

Izikẹlụ 38:22

M k'e gi eje-emu lẹ ogbugbu ye ẹ afụnfụn; m k'e hu okẹn-mirin lẹ ẹkwan-igwere lẹ ọkụn lẹ nsịn-ẹnyanwụn kpu Gọgụ lẹ ndị-agha a lẹ alị ndị ọzọ ahụn bu ọda ya lẹ wẹ wị.

Juwẹlụ 2:30

“M k'a ghọsị ahụnlele ihun igwere lẹ elu-ụwa, kẹ ẹdeke kẹ ọkụn kẹ ẹnwụnrụn rị a lọnị;

Jemisi 1:11

anwụn wahụ, kẹnrẹn, ẹfịfịa rị ọfịa e shinwụn, obobo ẹ a danpụ, mma a a gụ! Ẹrịra kẹ ndị-ịdanfịn a nwụnhụn ebe wẹ rị e bi elu wẹ.

Joshụa 10:11

Hụn ahụn wẹ gbakọnị ndị Izrẹlụ, e ru wẹ ụzọ gha Bẹt-Họrọnụ shikọ Azẹka, Osolobuẹ nọ gha elu-igwere mama wẹ ẹregede ẹkwan-igwere, masọnmẹ wẹ ya d'e ru Azẹka. Ndị ẹkwan-igwere hụ gbu ka ọda karị ndị hụn ndị Izrẹlụ gi ọpịa-agha gbu.

Pita Ibuzọ 1:24

Makẹni, Ẹkụkwọ-nsọ sị, “Ịhịan ile nọhụ kẹ ẹfịfịa; ọghọ ile rị ịhịan ẹhụ nọhụ kẹ obobo ẹfịfịa. Ẹfịfịa shinwụn, obobo a danpụ!

Rẹvẹleshọnụ 12:4

Ọdụndụn a nọ zarị ụzọ ohu imẹ kokisẹ rị elu-igwere, tụ wẹ ye alị — ọ họdụ ụzọ ẹbụọ. Dragọnụ hụ nọ turu ihun okpoho hụ imẹ rị e mẹ, kẹni ọ ripụ nwa a hụn o gihụ mụpụha a.

Rẹvẹleshọnụ 16:2

Ya mmọn-ozi ibuzọ nọ jẹn d'e hu ihiẹn rị imẹ afẹrẹ a ye elu-ụwa, eje-ẹtẹ e shin, a tụrụ, nọ jun ndị ahụn ẹhụ, ndị ahụn bu ahịma eje-anụ ahụn lẹ ndị fe hụn wẹ leri ẹ kpụ.

Rẹvẹleshọnụ 16:21

Ẹregede ẹkwan-igwere nyịn kẹ ẹkpa simẹnti hụ a gha elu igwere a dankwasị ịhịan — ya wẹ nọ bụma Osolobuẹ ọnụ yeni ihiẹn ẹkwan-igwere ahụn rị e mẹ wẹ, makẹni o mẹshigụọ wẹ ikẹn ọda-ọda!

Rẹvẹleshọnụ 6:8

E lee m ẹnya, e lee ẹshin e nwun ṅanhịan kẹ mkp'ẹhụhụọ rịlẹni mma! Ẹfan onyẹ rị e nyinn'ẹ wụ Ọnwụn; Alị-mmọn sọnkọ a. Wẹ nọ ye wẹ ikẹn gi ọpịa-agha lẹ ụnwụn lẹ emu lẹ eje-anụ ndị rị elu ụwa gbupụ ụzọ ohu imẹ ụzọ ẹnọ imẹ ndị rị elu-ụwa.

Rẹvẹleshọnụ 7:1

Ọhụn e mẹgụ, m nọ hụn mmọn-ozi ẹnọ turusọnmẹ ẹbamịn ẹnọ ụwa, e gbọndọn ufere ẹnọ hụn e fe imẹ ụwa, amamgbe ufere e ruzi elu-ụwa mọbụ ohimin mọbụ osisi ọwụlẹ.

Rẹvẹleshọnụ 9:15

Wẹ nọ nwan tọpụ mmọn-ozi ẹnọ hụ wẹ kwademẹtọnị ogẹn ahụn, ụhụọhịn hụ, ifọn hụ lẹ ahụa hụ — wẹ nọ nwan tọpụ wẹ nị wẹ gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.

Rẹvẹleshọnụ 9:18

Ya wẹ nọ gi eje-ihiẹn ẹtọ hụ rị a gha ẹshin ndị hụ ọnụ a pụha, hụn wụ ọkụn lẹ ẹnwụnrụn lẹ nsịn-ẹnyanwụn, gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.

Rẹvẹleshọnụ 9:4

Wẹ nọ sị wẹ egbulẹ ẹfịfịa rị elu-ụwa mọbụ osisi mọbụ ihiẹn-akụnkụn ọwụlẹ, ka wẹ gbu ndị ahịma Osolobuẹ rịlẹni ezimezi ihun sụọ.