Rẹvẹleshọnụ 8:5 - Ika

⁵ Ya kẹ mmọn-ozi hụ nọ weri sẹnsa hụ o gi rị a dụn nsẹnsi ọkụn, weri ọkụn ukpo nchụn-ẹjan hujun ẹ, tụ a ye elu-ụwa. Ya kẹ akpara nọ han, igwere e dẹn, amụma e be, alị e zinzin.

Rẹvẹleshọnụ 8:5 Iomraidhean Croise

Ndị-nze Nke Ibuzọ 19:11

Osolobuẹ nọ sị a, “Pụha imẹ okporoni d'e wuzo elu-uguni ihun Osolobuẹ.” Osolobuẹ nọ ghafe: okẹn ufere nọ buruni Osolobuẹ ụzọ, e tiwa ugu hụ, e tikpọsọnmẹ ọmụma, kanị Osolobuẹ arị imẹ ufere hụ; ufere a kpọgụ, alị nọ mẹhunmẹ, kanị Osolobuẹ arịkwọ alị-ọmahihie hụ;

Ẹbụ-ọma 18:13

Osolobuẹ nọ gha elu igwere gi akpabọ ku oku; olu Osolobuẹ, Onyẹ hụ Kachanrịnnị, nọ han.

Ọpụpụ 19:16

O ru ụtụntụn nke akpọhịn ẹtọ, akpabọ nọ hanma, amụma hụ e be; orukpu nwọn ulu hụ elu-ugu hụ; wẹ nọ nụ opi rị a han ọda-ọda. Ẹhụ nọ mama wẹ ile nni ebẹhụ wẹ ziẹntọ.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 66:6

Gọn ntịn ụzụn rị a zụn imẹ obodo; gọn ntịn ụzụn rị a pụ imẹ Ụlọ-nsọ! Osolobuẹ rọ: ọ rị e mẹgwarị ndị-iṅẹnrẹn ẹ.

Jerimaya 51:11

Osolobuẹ sị, “Pịn nị ọbara-ụta! Buru ni akpaịn ụnụ! Osolobuẹ a kpọligụọ ndị-nze alị Mẹdịa, makẹni Osolobuẹ chọ n'o tikpọ alị Babilọnụ. Osolobuẹ k'e mẹgwarị — o k'e mẹgwarị wẹ ihiẹn wẹ mẹ Ụnọ-NSỌ a.

Lẹvitikọsụ 16:12

O k'a gha elu ukpo-nsẹnsị rị ihun Osolobuẹ weri mkpu nsẹnsi ikeke ọkụn jun, o weri nsẹnsi e shin ọhụnma wẹ gweriẹn hụn jun ọb'ẹka ẹbụọ, o we wẹ ile ghafe Ẹkwa-mgbọnkin, shi imẹ Ebẹhụ Kachanrịn-nsọ.

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.

Matiu 24:7

“Alị sikọ d'a lụsọn alị; alị-eze a lụsọn alị-eze, ụnwụn lẹ alị-ọmahihie jẹnkọ d'a rị ebe rị ichẹn-ichẹn.

Luku 12:49

“M bịa d'a mụ ọkụn ye ụwa. K'ọ rị m, ọ dụnmagụọdẹ!

Ọrụn Ndị-ozi 16:26

idẹnmizi, alị nọ zinzinmẹ ọda-ọda, iyetọ ụlọ-ngan nọ mẹhunmẹ; ozigbo ahụn, ụzọ ile nọ gụnpụ, ẹgan ile a ganpụ.

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Rẹvẹleshọnụ 11:13

Ozigbo, alị nọ zinzin ọda-ọda, azụụn ohu imẹ obodo hụ nọ tikpọ, ọ họdụ azụụn itenẹi. Alị hụ zinzinni gbu madụ nnụ-uku ẹsa (7,000). Egun nọ tụkẹnmẹ ndị họdụnị, wẹ nọ kweri nị Osolobuẹ hụn rị elu-igwee e hikẹ ogbe.

Rẹvẹleshọnụ 11:19

Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.

Rẹvẹleshọnụ 4:5

Amụma hụ a gha ukpo-eze hụ e bepụha; mirin hụ e dẹn, akpabọ hụzị a gha ukpo-eze hụ a hanpụha. Ukpẹ ẹsa rị ihun ukpo hụ e nwun — ukpẹ ẹsanị wụ Mmọn ẹsa Osolobuẹ.

Rẹvẹleshọnụ 6:12

Ogẹn Nwa-ebulu hụ gi tọpụ eriri nke isin, e lee m ẹnya, m nọ hụn kẹ alị zinzin ọda-ọda, ẹnyanwụn nọ gimẹ kẹ ẹṅẹnrẹn ewu ogi; ifọn shịagụnị nọ nwunhutọ, nwunmẹ ẹdeke-ẹdeke.

Rẹvẹleshọnụ 8:3

Mmọn-ozi ọzọ hụn gi mkpu-sẹnsa goru wẹ gi a mụyeni Osolobuẹ nsẹnsi nọ bịa d'e turu ihun ukpo nchụn-ẹjan hụ. Wẹ nọ kpọnye ẹ nsẹnsi bu ọda, n'o gi nsẹnsi ahụn wụ ekpere ndị-nsọ ile chụn ẹjan elu ukpo nchụn-ẹjan ahụn wẹ gi goru mẹmẹ hụn rị ihun ukpo-eze ahụn;