Rẹvẹleshọnụ 8:3 - Ika

³ Mmọn-ozi ọzọ hụn gi mkpu-sẹnsa goru wẹ gi a mụyeni Osolobuẹ nsẹnsi nọ bịa d'e turu ihun ukpo nchụn-ẹjan hụ. Wẹ nọ kpọnye ẹ nsẹnsi bu ọda, n'o gi nsẹnsi ahụn wụ ekpere ndị-nsọ ile chụn ẹjan elu ukpo nchụn-ẹjan ahụn wẹ gi goru mẹmẹ hụn rị ihun ukpo-eze ahụn;

Rẹvẹleshọnụ 8:3 Iomraidhean Croise

Ndị-nze Nke Ibuzọ 7:50

ihiẹn ndị hụ wẹ gisọnmẹ ezigbo goru wẹ buchelẹni ihiẹn ọzọ mẹmẹ: kẹ afẹrẹ uku ndị hụ kẹ nwa-mbu ukpẹ ndị hụ kẹ afẹrẹ ndị ọzọ rịn'a kẹ sẹnsa wẹ gi a mụ nsẹnsi kẹ ụkụ-ọnụmụzọ rịchanrịn imẹ-imẹ, ụkụ-ọnụmụzọ Ebẹhụ Kachanrịn Nsọ lẹ ụkụ-ọnụmụzọ ibẹrẹ uku rị Ụlọ-NSỌ.

Ẹbụ-ọma 141:2

Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị.

Ọpụpụ 40:26

O buzi ukpo-nsẹnsị hụ wẹ gi goru mẹmẹ che imẹ Ọdụ-ozuzu, ihun Ẹkwa-mgbọnkin hụ wẹ gi tankin Ẹkpẹti Osolobuẹ,

Azaya 6:6

Ya mmọn-ozi ohu imẹ wẹ nọ fehẹ, o gihụ ikeke-ọkụn o gi akpa weri elu ukpo nchụn-ẹjan.

Izikẹlụ 41:22

Ukpo nchụn-ẹjan wẹ gi osisi rụn rị a. Ojijẹn elu ẹ wụ ọbụkụ isẹn lẹ hụn rulẹni mkpikpi (5¼), ụshịa a wụ ụbụkụ ẹtọ lẹ mkpikpi. Ukun ẹ lẹ ntịn a lẹ ụsụọ a wụ osisi. Okẹnnyẹ ahụn rị a ghọsị m ihiẹn nọ sị m, “Ọnwan wụ teburu ahụn a rị ihun Osolobuẹ.”

Emọsụ 9:1

M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ọgụngụn 4:11

“Nke ukpo goru hụ w'a nọ a mụ nsẹnsi, wẹ k'e gi ẹkwa bru gbama elu ẹ, gi akpụkpọ efin-ohimin kpumẹ ẹ, bu akp'osisi ndị hụ wẹ gi e bu ẹ che ọnọdị wẹ.

Ọgụngụn 7:62

ugbẹgbẹ goru ohu wẹ gi akpụrụ goru iri mẹmẹ hụn wẹ kpọn nsẹnsi jun;

Luku 1:10

Ndị hụ ile bịa d'e fe ofufe rị ihun-ezi e mẹ ekpere ogẹnni wẹ gi a mụ nsẹnsi.

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Hibru 9:4

Ebeni kẹ ukpo goru wẹ gi a chụn ẹjan nsẹnsi rị. Ẹkpẹti-nkwerigbama wẹ gi goru nyan imẹ lẹ azụụn rịzị ebeni. Imẹ ẹ kẹ mkpu goru wẹ buche mana rị, ịya lẹ ọkpọ Ẹrọnụ ahụn gbọrịnị lẹ ibe ọmụma ẹbụọ hụ wẹ deye Iwu iri.

Rẹvẹleshọnụ 10:1

Ya m nọ hụn mmọn-ozi ọzọ kin akwanran k'ọ gha elu-igwee hidanla. Orukpu fụhunmẹ ẹ; ekọn-lẹ-ogugu rị ibe isi ẹ; ihun ẹ nọ kẹ ẹnyanwụn. Ụkụ a rị kẹ adansụn ẹbụọ wẹ gi ọkụn mẹmẹ.

Rẹvẹleshọnụ 14:18

Ya Mmọn-ozi ọzọ nọ gha ukpo nchụn-ẹjan pụha. Ịya kẹ ọkụn ile rị ẹka. Ọ nọ weshi olu elu sị mmọn-ozi hụ gi ọpịa gọrịnị tụ nkọ, “Gi nwan ọpịa ị hụ tụ nkọ beri ọhịọ ile vaịnị ụwa mị, makẹni mkpụrụ a a changụọ!”

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.

Rẹvẹleshọnụ 6:9

Ogẹn Nwa-ebulu hụ gi tọpụ eriri nke isẹn, e lee m ẹnya okpuru ukpo nchụn-ẹjan, m nọ hụn umẹ-ndụn ndị wẹ gi ufiri oku Osolobuẹ lẹ ozi Jizọsị gbu.

Rẹvẹleshọnụ 7:2

Ya m nọ hụn mmọn-ozi ọzọ k'ọ gha azụụn anwụn nọ a wa pụla, shikọ elu; o gi ihiẹn Osolobuẹ rị ndụn gi e ye ahịma. Ọ nọ gi okẹn olu gwa mmọn-ozi ẹnọ hụ wẹ ye ikẹn wiwi ụwa lẹ ohimin oku,

Rẹvẹleshọnụ 8:4

ẹnwụnrụn nsẹnsi hụ rị a dụnnị hụn wụ ekpere ndị-nsọ nọ gha ẹka mmọn-ozi hụ a lọshi elu ihun Osolobuẹ.

Rẹvẹleshọnụ 8:5

Ya kẹ mmọn-ozi hụ nọ weri sẹnsa hụ o gi rị a dụn nsẹnsi ọkụn, weri ọkụn ukpo nchụn-ẹjan hujun ẹ, tụ a ye elu-ụwa. Ya kẹ akpara nọ han, igwere e dẹn, amụma e be, alị e zinzin.

Rẹvẹleshọnụ 9:13

Mmọn-ozi nke isin e gbu opi ẹ, m nọ nụ kẹ olu gha mpịn ẹnịnọ rị ntịn ẹnịnọ ukpo nchụn-ẹjan goru hụ rị ihun Osolobuẹ rị e ku oku.