Rẹvẹleshọnụ 8:2 - Ika

² Ya kẹ m nọ hụn ndị mmọn-ozi ẹsa hụn e turu ihun Osolobuẹ. Wẹ nọ ye wẹ opi ẹsa.

Rẹvẹleshọnụ 8:2 Iomraidhean Croise

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Luku 1:19

Mmọn-ozi hụ nọ shịarị a, “Mmẹ wụ Gebrẹlụ hụn e wuzo ihun Osolobuẹ. Ịya zi m d'a gwa ị oku, zi i oziọmanị.

Luku 21:36

We ni nwan ẹnya ru alị ogẹn ile; e mẹ ni ekpere nị Osolobuẹ mẹ ụnụ saẹka wanahịn ihiẹn ndịnị ile jẹnkọ d'e mẹni, lẹni ụnụ sazịkwọ ẹka turu ihun Nwa nke Ịhịan.”

Ndị Kọrẹntị Ibuzọ 15:52

O k'e mẹ idẹnmizi: ozigbo-ozigbo, imẹ njụbe-ẹnya ohu, hụn wẹ gihụ gbu opi ikpanzụụn! Makẹni, hụn opi hụ gihụ han, ndị nwụnhụnnị k'e gi ẹhụ ghalẹni a nwụnhụn lihi; ẹnyi ndị rị ndụn e nwọnhutọ.

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 15:1

Ya m nọ hụnzị ihiẹn pụ-ichẹn imẹ elu-igwee; ọnwan a tụka ẹnya: mmọn-ozi ẹsa gi eje-afụnfụn ẹsa ikpanzụụn họdụnị hụn iwe-lẹ-ọnụma Osolobuẹ k'e gi bi.

Rẹvẹleshọnụ 16:1

Ya m nọ nụ kẹ olu hannị gha imẹ Ụlọ-nsọ elu-igwee ebẹhụ gwa ndị mmọn-ozi ẹsa hụ oku, sị wẹ, “D'e hu ni iwe-lẹ-ọnụma Osolobuẹ rị imẹ afẹrẹ ẹsanị ye elu-ụwa.”

Rẹvẹleshọnụ 8:13

M nọ lee ẹnya elu, hụn ugọn ohu k'o fekọ imẹ elu, yikọ, “Nsọngbu! Nsọngbu! Okẹn nsọngbu jẹnkọ d'a rịnị ndị ile bi elu-ụwa ogẹn ndị mmọn-ozi ẹtọ họdụnị e gi gbu opi ndị họdụnị!”

Rẹvẹleshọnụ 8:6

Ya kẹ ndị mmọn-ozi ẹsa hụ gi opi ẹsa nọ kwademẹ nị wẹ gbu opi wẹ.

Rẹvẹleshọnụ 9:1

Mmọn-ozi nke isẹn e gbu opi ẹ, m nọ hụn kokisẹ ohu hụn gha elu-igwee danye ụwa. Wẹ nọ ye kokisẹ hụ ịsanhan mgbugbu ahụn migbu enwẹn ẹ.