Rẹvẹleshọnụ 8:13 - Ika

¹³ M nọ lee ẹnya elu, hụn ugọn ohu k'o fekọ imẹ elu, yikọ, “Nsọngbu! Nsọngbu! Okẹn nsọngbu jẹnkọ d'a rịnị ndị ile bi elu-ụwa ogẹn ndị mmọn-ozi ẹtọ họdụnị e gi gbu opi ndị họdụnị!”

Rẹvẹleshọnụ 8:13 Iomraidhean Croise

Ẹbụ-ọma 103:20

Ja nị Osolobuẹ mma, ụnụ ndị mmọn-ozi ẹ wụ ndị dikẹn, hụn e mẹ ihiẹn ọwụlẹ o ku, ihiẹn ọwụlẹ wẹ nụ ọnụ a.

Izikẹlụ 2:10

Ọ nọ shịapụnị m'a; wẹ deye ẹ ihiẹn ihun lẹ azụụn. Ihiẹn wẹ deye ẹ wụ ihiẹn-ẹkwan lẹ ụya lẹ nsọngbu.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Rẹvẹleshọnụ 11:14

Nsọngbu nke ẹbụọ a ghafegụọ; lee ẹ, nke ẹtọ lala ozigbo-ozigbo.

Rẹvẹleshọnụ 12:12

Elu-igwee ya ghọghọma nwan; ịya lẹ ndị bi imẹ ẹ! Kanị o k'a jọnị ụwa lẹ ohimin njọ, makẹni Ekwensụ e hidangụọ d'e kunrun ụnụ. O gi okẹn olulu bịa — makẹni o marịngụọ nị ogẹn ẹ họdụ ẹkẹrẹ!”

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 14:6

M nọzị hụn mmọn-ozi ọzọ k'o fekọ imẹ elu. O gi oziọma itẹbitẹ hụn o k'e zi ndị ile bi elu-ụwa — ndị alị ile lẹ ebọn ile lẹ asụsụ ile lẹ ndị ile.

Rẹvẹleshọnụ 19:17

Ya m nọ hụn mmọn-ozi ohu k'o turu imẹ ẹnyanwụn. Ọ nọ gi okẹn olu kpọ nnụnụ ile e fe imẹ elu oku, sị wẹ, “Bịa nị-o! Gbakikomẹ ni d'e ri oriri pụ ichẹn Osolobuẹ kpọ!

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 8:2

Ya kẹ m nọ hụn ndị mmọn-ozi ẹsa hụn e turu ihun Osolobuẹ. Wẹ nọ ye wẹ opi ẹsa.

Rẹvẹleshọnụ 9:1

Mmọn-ozi nke isẹn e gbu opi ẹ, m nọ hụn kokisẹ ohu hụn gha elu-igwee danye ụwa. Wẹ nọ ye kokisẹ hụ ịsanhan mgbugbu ahụn migbu enwẹn ẹ.

Rẹvẹleshọnụ 9:12

Nsọngbu nke ibuzọ a ghafegụọ; lee ẹ, ẹbụọ lalazị.