Rẹvẹleshọnụ 7:17 - Ika

¹⁷ Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”

Rẹvẹleshọnụ 7:17 Iomraidhean Croise

Ẹbụ-ọma 22:26

Ndị igbẹnnyẹ k'e ri, rijun ẹfọ; ndị ile e fe Osolobuẹ k'a ja a mma. Obi ụnụ ya rị ndụn jẹnrin ejẹn!

Ẹbụ-ọma 23:5

Y'e butọnị m ihiẹn-oriri, idẹnya ndị-iṅẹnrẹn m. Y'e te m udẹn isi; e mẹjun mkpu m rọrọrọ.

Ẹbụ-ọma 28:9

Dodo, Zụọpụha ndị nke i, y'a gọzi ukuu i; Du wẹ kẹ anụ ị, pa wẹ jẹnrin ejẹn.

Azaya 12:3

Ụnụ k'a rị a ghọghọ a dọrị nzụọpụha nọkẹ mirin imẹ ọmị nzụọpụha.

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 30:25

Ogẹn hụ Osolobuẹ k'e gbu ndị ahụn, ogẹn hụ ụlọ nche uku ndị ahụn w'a gbaban k'e gi rị a dan, mirin k'a rị e huni ụnụ elu ugu ile jẹn elu lẹ elu òke ile jẹn elu.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 49:9

kẹni i sị ndị wẹ gi, ‘Pụha nị,’ sị ndị rị imẹ ishi, ‘Weri ni enwẹn ụnụ!’ Wẹ k'a rị a nọdẹ mkpẹnrẹn ụzọ e ri ihiẹn-oriri, a hụn ezigbo ẹfịfịa anụ e ri elu òke te kpọpụ nkụn.

Azaya 51:11

Ya wụ, ndị Osolobuẹ k'a gbapụha k'e kinhẹn; wẹ k'e gi ẹbụ banhan Zayọnụ Jerusalẹm; ịghọghọ itẹbitẹ k'a wụrụ ihiẹn wẹ gi tu wẹ ugọn. Obi-ụsụọ lẹ ịghọghọ k'e rukpumẹ wẹ, ẹkwan lẹ ịsụn-udẹn k'a gba ọsọ.

Azaya 60:20

Anwụn ụnụ arọkọzị; ifọn ụnụ etibehikọ — makẹni Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn, ụnụ a kwanbehi ẹkwan.

Azaya 65:19

M k'e gi Jerusalẹm ghọghọ, ndị nke m k'a gha a sụọ m. Anụkọzị wẹ ẹkwan mọbụ ịkwan-ụya imẹ ẹ.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Maịka 7:14

Osolobuẹ dodo, gi ọkpọ ị du ndị nke i, atụnrụn ị hụn wẹ sụọ bi imẹ ọfịa, ọsụọn'a nị wẹ rị adamada ogige mẹ wokowoko. Dodo nịzị wẹ kpa nni imẹ Bashanị lẹ Gilẹdị kẹ wẹ e mẹ mbụ-mbụ.

Matiu 2:6

‘Bẹtilẹhẹm hụn rị imẹ Juda, ẹlẹ yụ kachanrịn ntịn imẹ obodo ndị rị a kị Juda; makẹni onyẹ-ọkịkị jẹnkọ d'a gha imẹ i pụha, hụn k'a kị ndị nke m wụ Izrẹlụ.’ ”

Matiu 5:4

Ngọzi wụ nke ndị hụn rị a kwannị, makẹni wẹ jẹnkọ d'a rọkọ wẹ obi.

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:11

Okpoho hụ nọ sị a, “Diọkpa, ọmịnị mi emi bụ y'e gi mkpu wẹ gi a dọ mirin. Elebe y'a nọ nwan wẹhẹ mirin ahụn e ye ndụn?!

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Pita Ibuzọ 5:2

e lepụ nị atụnrụn Osolobuẹ wẹ buche ụnụ ẹka ẹnya; e du ni wẹ, ẹlẹ nke ndị wẹ wa a ye olu, kanị nke ndị gi obi wẹ a rụn — hụn wụ ihiẹn Osolobuẹ chọ; egilẹ ni ẹkpịrị egho mẹ ẹ, kama ya wụrụ ihiẹn a dụ ụnụ omumẹ.

Rẹvẹleshọnụ 14:4

Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.

Rẹvẹleshọnụ 21:22

Ahụnnị m ụlọ-nsọ imẹ obodo hụ — makẹni Di-nwọnni-ẹnyi Osolobuẹ hụn nwọn ikẹn ile lẹ enwẹn ẹ wụ ụlọ-nsọ obodo hụ, ya lẹ Nwa-ebulu hụ.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 21:4

O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.