Rẹvẹleshọnụ 6:10 - Ika

¹⁰ Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”

Rẹvẹleshọnụ 6:10 Iomraidhean Croise

Jẹnẹsisi 4:10

Ya kẹ Osolobuẹ nọ sị a, “Kị wụ ihiẹnni i mẹ? Lee ẹ, ẹdeke nwẹnẹ i rị a gha alị a kwanghọsị m!

Ẹbụ-ọma 119:84

Nanị kẹ odibo i k'e dinhanzị? Elee mgbe y'e gi ye ndị rị e kpokponi m afụnfụn?

Ẹbụ-ọma 13:1

Euu Osolobuẹ, elee mgbe k'i k'a zọbehi m? N'ị zọ m jẹnrin ejẹn? Elee ogẹn kẹ y'e zuemẹbehini m enwẹn i?

Ẹbụ-ọma 35:17

Euu Osolobuẹ, elee mgbe k'i k'e lebehi ilee mmaka? Dodo, gbapụha ndụn m wẹ chọ nị wẹ tikpọ; zụọpụha ndụn m ẹka ẹwọrọ ndịnị.

Ẹbụ-ọma 79:10

Kị alị ndị ọzọ k'a jụnị ẹnyi, “Elebe Chuku ụnụ rị?” Dodo, gbugwarị wẹ ogbugbu wẹ gbu idibo i, gbugwarị wẹ hụn alị ndị ọzọ k'a nụ ukwere ẹ; gbugwarị wẹ nị ẹnyi gi ẹnya ẹnyi hụn a!

Ẹbụ-ọma 9:12

Makẹni Onyẹ hụn e gbugwarị ndị e gbu ọchụn k'ọ wụ; ọ nyanhan anyanhan — a ra zọ ẹkwan ndị wẹ rị a bịangbu.

Azaya 61:2

o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Ẹkwan 3:64

Osolobuẹ dodo, mẹ wẹ ihiẹn han kẹ ihiẹn wẹ mẹ, ihiẹn han kẹ ihiẹn ẹka wẹ mẹ.

Daniẹlụ 12:6

Ohu imẹ wẹ nọ sị okẹnnyẹ ahụn yi ẹkwa linẹni, hụn rị imẹ-elu ebẹhụ iyi ahụn rị, “Ele mgbe kẹ ihiẹn-egun ndịnị k'e mẹ?”

Daniẹlụ 8:13

Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Zẹkaraya 1:12

“Ya mmọn ozi Osolobuẹ nọ sị, ‘Euu Osolobuẹ nwọn ikẹn ile, nanị y'e biehan d'e mẹ omikẹn Jerusalẹm lẹ obodo ndị ya lẹ wẹ rị imẹ Juda, ndịnị ị rị e buni olulu ọrọgbọ ahụa iri kwasị ọgụn-ẹtọnị?’

Luku 2:29

“Di-nwọnni-ẹnyi, ị rị nwan a sị odibo i lama udọn-lẹ-ndọnkwa kẹ i dọn kụ;

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Ndị Rom 12:19

Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Pita Nke Ẹbụọ 2:1

Kanị o nwọnzighọ ndị amụma-ntụ rị imẹ igunrun ndị Izrẹlụ ogẹn mbụ hụ. Ẹrịra kẹ ndị nkuzi-ntụ jẹnkọ d'a rịzị imẹ ụnụ. Wẹ k'e gi nzuzue webanhansọnmẹ nkuzi-ntụ e buhẹ ntikpọ, jụdẹ Di-nwọnni-ẹnyi hụn ṅọnni wẹ, gi ẹ buhẹkẹnrinni enwẹn wẹ ntikpọ.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 18:24

A hụnzịghọ wẹ ẹdeke ndị-amụma lẹ ndị-nsọ lẹ ndị ile wẹ gbu imẹ ụwa imẹ ẹ.”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Ndị Han Eṅẹn 16:28

Ya Samsịn nọ kpọku Osolobuẹ, sị, “Osolobuẹ ihiẹn ile rị okpuru ẹ, dodo nyanhan m! Chuku dodo, yezi m ndụn mgbe ohuni sụọ, nị m gi ube-ohu mẹgwarị ndị Filistia ẹnya m ẹbụbụọ wẹ gụpụ!”

Samuẹlụ Nke Ibuzọ 24:12

“Osolobuẹ ya hannị mmẹ lẹ ịyụ eṅẹn. Osolobuẹ ya mẹgwarị ị eje-ihiẹn i mẹ m, kanị emẹtụkọ m'ị ẹka.