Rẹvẹleshọnụ 4:7 - Ika

⁷ nke ibuzọ rị kẹ ẹwọrọ; nke ẹbụọ rị kẹ okẹn-efin; ihun nke ẹtọ rị kẹ ihun ịhịan; nke ẹnọ rị kẹ ugọn rị e feni.

Rẹvẹleshọnụ 4:7 Iomraidhean Croise

Jẹnẹsisi 49:9

Juda, okoro ẹwọrọ k'ị wụ, nwa m: o gbu, o ri, o lihi; ọ tịn ẹhụ, makpuru nọkẹ onyẹnnyẹ-ẹwọrọ; onyẹ kẹ egun a nị kpọtiẹn ẹ?!

Samuẹlụ Nke Ẹbụọ 1:23

Sọlụ lẹ Jonatanị arịka mma, ihiẹn wẹ a sụọka m! Kẹ ọnwụn kẹ ndụn ekebeni wẹ. Wẹ benahịn ugọn nkanran; wẹ zenahịn ẹwọrọ.

Itẹn 28:2

Alị nupụ isi okpuru Osolobuẹ, ndị ọkịkị e bu ọda, kanị onyẹ nwọn nghọta lẹ amamihiẹn e mẹ alị e nwọn udọn lẹ usọnrọn.

Azaya 40:31

kanị nke ndị gi Osolobuẹ e dọn ẹnya, ndụn k'a banzị wẹ. Wẹ k'e fe imẹ-elu kẹ ugọn; wẹ k'a gba ọsọ, ndụn agụkọ wẹ; wẹ k'e jẹn ijẹn, asọhịkọ wẹ.

Izikẹlụ 1:10

Kẹ ihun wẹ nọ, wẹ ẹnịnọ nwọnsọnmẹ ihun ịhịan, nwọnzikwọ ihun ẹwọrọ nkọ ẹka-nni, ihun okẹn-efin nkọ ẹka-ekpẹn, ihun ugọn ibe azụụn.

Izikẹlụ 1:8

Wẹ nwọnsọnmẹ ẹka ịhịan okpuru ẹka-nku wẹ azụụn ẹnịnọ. Ẹnịna kẹ ihun wẹ lẹ ẹka-nku wẹ nọsọnmẹ:

Izikẹlụ 10:14

Ihun ẹnọ-ẹnọ kẹ chẹrobu ndị ahụn nwọnsọnmẹ: ohu wụ ihun chẹrobu, ohu wụ ihun ịhịan, ohu wụ ihun ẹwọrọ, nke ẹnọ wụ ihun ugọn.

Izikẹlụ 10:21

Wẹ ẹnịnọ nwọnsọnmẹ ihun ẹnọ-ẹnọ lẹ ẹka-nku ẹnọ-ẹnọ; ihiẹn nọkẹ ẹka ịhịan rịchanrịn wẹ ile okpuru ẹka-nku.

Daniẹlụ 7:4

“Nke ibuzọ nọ kẹ ẹwọrọ, kanị nku ugọn k'o nwọn. Ebahụn m rị e lee ẹ, nku ẹ ndị hụ nọ kwapụ, ọ nọ gha alị lihi, gi ụkụ a ẹbụbụọ wuzo kẹ ịhịan, wẹ nọ ye ẹ obi o gi e ro iroro kẹ ịhịan.

Obadaya 1:4

Ọ sụọn'a nị ụnụ rị imẹ elu nọkẹ ugọn rị e feni; ọsụọn'a nị ẹkụ ụnụ bi rịchanrịn ebe kokisẹ rị, m jẹnkọ d'a gha ebẹhụ wetu ụnụ alị. Mmẹ, Osolobuẹ, e kugụọ a.

Ọgụngụn 23:24

“Ndịnị k'e heli nọkẹ onyẹnnyẹ-ẹwọrọ; wẹ k'e lihi nọkẹ ẹwọrọ — ẹwọrọ hụn ghalẹni e zu ikẹn d'e ru mgbe o rigụ ihiẹn o gbu, ragụ ẹdeke ihiẹn hụ o gbu.”

Ọgụngụn 24:9

Izrẹlụ a makpuru, o dinẹ, nọkẹ ẹwọrọ, rịkẹ onyẹnnyẹ-ẹwọrọ: onyẹ kẹ egun a nị kpọtiẹn ẹ?! Ngọzi ya rịnị ndị gọzini ụnụ, ịbụ-ọnụ ya rịnị ndị bụ ụnụ ọnụ!”

Ndị Kọrẹntị Ibuzọ 14:20

Umunẹ m, erolẹ ni iroro kẹ ụmụẹka! O mẹ nke imẹ-njọ, a wụ nị ụmụẹka, kanị, o mẹ nke iroro, e ro ni iroro kẹ ndị ka-ẹhụ.

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,

Rẹvẹleshọnụ 4:6

Ihiẹn rịkẹ ohimin ughegbe rị e be nwaịn-nwaịn rị ihun ukpo hụ. Ihiẹn ẹnọ rị ndụn ẹnya jun ihun lẹ azụụn nọhunmẹzi ukpo-eze hụ:

Rẹvẹleshọnụ 6:3

Ogẹn Nwa-ebulu hụ gi tọpụ eriri nke ẹbụọ, m nọ nụ kẹ hụn mẹ wẹ ẹbụọ imẹ ihiẹn ẹnọ hụ rị ndụn sị, “Pụha!”

Rẹvẹleshọnụ 6:5

Ogẹn Nwa-ebulu hụ gi tọpụ eriri nke ẹtọ, m nọ nụ kẹ nke ẹtọ imẹ ihiẹn ndị hụ rị ndụn sị, “Pụha!” E lee m ẹnya, e lee ẹshin ogi! Onyẹ rị e nyinn'ẹ gi mkpu wẹ gi a ma ihiẹn.

Rẹvẹleshọnụ 6:7

Ogẹn Nwa-ebulu hụ gi tọpụ eriri nke ẹnọ, m nọ nụ olu ihiẹn ohu rị ndụn, hụn mẹ wẹ ẹnọ, k'ọ sị, “Pụha!”