Rẹvẹleshọnụ 4:6 - Ika

⁶ Ihiẹn rịkẹ ohimin ughegbe rị e be nwaịn-nwaịn rị ihun ukpo hụ. Ihiẹn ẹnọ rị ndụn ẹnya jun ihun lẹ azụụn nọhunmẹzi ukpo-eze hụ:

Rẹvẹleshọnụ 4:6 Iomraidhean Croise

Ndị-nze Nke Ibuzọ 7:23

Huram nọ gi ihuye igwe-bronzu kpụ tankị-uku, wẹ kpọ “Ohimin”; o mẹ ohi-ohi. Ụshịa ọnụ a wụ ụbụkụ mmisẹn — gha azụụnnị d'e ru azụụnnị, ojijẹn-elu ẹ wụ ụbụkụ ẹsa-lẹ-mkpikpi; ụbụkụ isẹn kwasị ọgụnnaị k'ọ wụ wẹ gha a ohi-ohi.

Jobu 28:17

Kẹ goru kẹ ughegbe e be nwaịn-nwaịn anọnị kẹ ịya kaka, onwọnni ihiẹn goru w'e gi ghatarị a.

Ọpụpụ 38:8

Wẹ nọ gi ugbẹgbẹ wẹ gi igwe-bronzu mẹmẹ hụn ikpoho e jẹn ozi ọnụ-ụgba Ọdụ-ozuzu tụha mẹmẹ afẹrẹ bronzu wẹ gi a chanchan ụkụ lẹ ẹka, ya lẹ ụkụ a hụn wụzị igwe-bronzu.

Izikẹlụ 10:12

Ẹnya jun chẹrobu ndịnị ẹhụ ile — kẹ azụụn kẹ ẹka kẹ ẹka-nku kẹ wili ẹnọ hụ.

Izikẹlụ 10:14

Ihun ẹnọ-ẹnọ kẹ chẹrobu ndị ahụn nwọnsọnmẹ: ohu wụ ihun chẹrobu, ohu wụ ihun ịhịan, ohu wụ ihun ẹwọrọ, nke ẹnọ wụ ihun ugọn.

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 15:2

M nọ hụn ihiẹn nọ kẹ ohimin ughegbe wẹ gwọgbama ya lẹ ọkụn, hụnzị ndị hụ mẹri eje-anụ hụ lẹ enwẹn ẹ lẹ hụn wẹ leri ẹ kpụ lẹ ahịma a. Wẹ turu mkpẹnrẹn ohimin ughegbe hụ. Wẹ gisọnmẹ ụbọ Osolobuẹ.

Rẹvẹleshọnụ 15:7

Ohu imẹ ihiẹn ẹnọ ahụn rị ndụn nọ buye ndị mmọn-ozi ẹsa hụ afẹrẹ goru ẹsa. Ihiẹn jun afẹrẹ ndị hụ wụ iwe-lẹ-ọnụma Osolobuẹ, Onyẹ hụ rị ndụn jẹnrin ejẹn.

Rẹvẹleshọnụ 19:4

Ndị-isi ẹnọ kwasị ọgụn hụ lẹ ihiẹn ẹnọ hụ rị ndụn nọ fiẹnrin alị, fe Onyẹ hụn rị ukpo-eze, sị, “Isẹẹ! Ja nị Osolobuẹ mma.”

Rẹvẹleshọnụ 21:11

Ọghọ Osolobuẹ rị a ẹhụ, ọ hụ e be nwaịn-nwaịn kẹ ihiẹn-mma ndị ahụn a kọnị, lekẹ akpụrụ jaspa, ọ hụ e nwun zaị.

Rẹvẹleshọnụ 21:18

Ihiẹn mma wụ Jaspa kẹ wẹ gi tụn mgbọn hụ; ezigbo goru wẹ buchelẹni ihiẹn ọzọ kẹ wẹ gi tụn obodo hụ; o nwun zaị kẹ ughegbe.

Rẹvẹleshọnụ 21:21

Ogbe ọmụma ohu-ohu pụ-ichẹn e gbukeni kẹ wẹ gi rụn ọnụ-mgbọn ohu-ohu imẹ wẹ mmẹbụọ. Ụwaya hụn rị imẹ obodo hụ wụ ezigbo goru wẹ buchelẹni ihiẹn ọzọ, e nwun zaị kẹ ughegbe!

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 4:4

Ukpo ẹnọ-kwasị-ọgụn fihunmẹ ukpo-eze ahụn. Ndị-isi ẹnọ-kwasị-ọgụn nọdịsọnmẹ ukpo ndị ahụn. Wẹ ile yisọnmẹ ẹwuru ọchan; wẹ kpu okpu-eze wẹ gi goru mẹmẹ.

Rẹvẹleshọnụ 5:11

E lezi m ẹnya, m nọ nụ olu ndị mmọn-ozi bugbu enwẹn wẹ ọda! Wẹ fihunmẹ ukpo hụ lẹ ihiẹn ndị hụ rị ndụn lẹ ndị-isi hụ. Wẹ rị ijẹri ijẹri, nnụ-uku nnụ-uku.

Rẹvẹleshọnụ 5:14

Ihiẹn ẹnọ hụ rị ndụn nọ sị, “Isẹẹ!” Ndị-isi hụ nọ fiẹnrin alị, fe Nwa-ebulu ahụn.

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.

Rẹvẹleshọnụ 6:1

Ya m nọ hụn kẹ Nwa-ebulu hụ tọpụ eriri ohu imẹ eriri ẹsa hụ wẹ gi kẹnmẹ ẹhụhụọ hụ, m nọ nụ kẹ ohu imẹ ihiẹn ẹnọ hụ rị ndụn gi okẹn olu nọ kẹ akpabọ, sị, “Pụha!”

Rẹvẹleshọnụ 6:6

M nọ nụ ihiẹn nọ kẹ olu rị e ku oku etintinnaị ihiẹn ẹnọ hụ rị ndụn, a sị, “Ọka jẹnkọ d'a kọgbu enwẹn ẹ: mkpu ọka-witi ẹnọ k'a wụdẹ egho-ọrụn akpọhịn! Mkpu ọka-bali mmakalaka mmẹbụọ k'a wụdẹ egho-ọrụn akpọhịn! Ewiwikwọlẹ ofigbọn-olivu lẹ manya!”

Rẹvẹleshọnụ 7:11

Ndị mmọn-ozi ile turusọnmẹ ebẹhụ, fihunmẹ ukpo hụ lẹ ndị-isi hụ lẹ ihiẹn ẹnọ hụ rị ndụn; wẹ nọ kụ isi alị, fe Osolobuẹ,

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”