Rẹvẹleshọnụ 4:5 - Ika

⁵ Amụma hụ a gha ukpo-eze hụ e bepụha; mirin hụ e dẹn, akpabọ hụzị a gha ukpo-eze hụ a hanpụha. Ukpẹ ẹsa rị ihun ukpo hụ e nwun — ukpẹ ẹsanị wụ Mmọn ẹsa Osolobuẹ.

Rẹvẹleshọnụ 4:5 Iomraidhean Croise

Jẹnẹsisi 15:7

Osolobuẹ nọzị sị a, “Mmẹ wụ Osolobuẹ hụn gha Uru rị alị ndị Kal'di Babilọnụ wepụha ị kẹni m ye i alịnị weri.”

Ihiẹn Mẹni Nke Ẹbụọ 4:20

lẹ obu-ukpẹ goru ndị hụ lẹ ukpẹ wẹ hụn wẹ gi ezigbo goru wẹ buchelẹni ihiẹn ọzọ mẹmẹ, hụn a nọ ihun Ebẹhụ Kachanrịn-nsọ rịchanrịn imẹ, e nwun. Wẹ mẹhụ kẹ Iwu Osolobuẹ dọn ku ẹ;

Ẹbụ-ọma 68:35

Chuku a rịka egun! Chuku, hụn rị ụlọ-nsọ a! Chuku Izrẹlụ! O ye ndị nke ẹ ikẹn lẹ ọkịkị. Ịja-mma ya rịnị Chuku!

Ọpụpụ 19:16

O ru ụtụntụn nke akpọhịn ẹtọ, akpabọ nọ hanma, amụma hụ e be; orukpu nwọn ulu hụ elu-ugu hụ; wẹ nọ nụ opi rị a han ọda-ọda. Ẹhụ nọ mama wẹ ile nni ebẹhụ wẹ ziẹntọ.

Ọpụpụ 20:18

Kẹ ndị Izrẹlụ rị a hụn akpara lẹ amụma ahụn, a nụ opi ahụn rị a hannị lẹ ugu hụ rị a lọpụha ẹnwụnrụn, ẹhụ hụ a ma wẹ nni yeni egun. Wẹ nọ be alị tọnị ugu ahụn,

Ọpụpụ 25:37

“Y'e mẹmẹ nwan ukpẹ ẹ ẹsa, dọnyesọnmẹ wẹ elu obu-ukpẹ ahụn, kẹni w'e nwunye agbagada hụ rị a ihun.

Ọpụpụ 37:23

Wẹ nọ gi ezigbo goru wẹ buchelẹni ihiẹn ọzọ mẹmẹ ukpẹ ẹsa rịn'a lẹ nwa-mbu wẹ lẹ unyẹgbe ẹ.

Izikẹlụ 1:13

Ihiẹn ẹnọ ndị hụ rị ndụn hụ e gbuke kẹ ikeke-ọkụn, lẹzi kẹ ọwaa. Ọkụn hụ etintinnaị wẹ e jẹnjẹn e jẹnlụa, e gbukepụ, amụma hụ a gha imẹ ẹ e bepụha.

Juwẹlụ 3:16

Olu Osolobuẹ k'a gha Ugu Zayọnụ hanpụha kẹ olu ẹwọrọ rị e dẹnni; olu ẹ k'a gha Jerusalẹm hanpụha kẹ akpara (akpabọ). Elu-igwee lẹ ụwa k'e mẹhunmẹ. Kanị Osolobuẹ lẹ enwẹn ẹ k'e che ndị nke ẹ nche, ebe ndị Izrẹlụ a gbaban.

Zẹkaraya 4:2

Ọ nọ sị m, “Kị ị rị a hụn?” M nọ sị a, “M rị a hụn obu-ukpẹ wẹ gi goru kpụ lẹ afẹrẹ rị a ibe-elu. Ukpẹ ẹsa rị obu-ukpẹ hụ. Ukpẹ ẹsa ndị hụ nwọnsọnmẹ ọnụ wẹ e buche oruru-ukpẹ.

Matiu 25:1

“Ogẹn ikpanzụụn ahụn, ihiẹn jẹnkọ d'e mẹ imẹ Alị-eze elu-igwee jẹnkọ d'a nọ kẹ ebe ịgbagba iri nọ weri ukpẹ wẹ jẹnmẹ d'a nabanhan okẹnnyẹ lala d'a gba ẹkụkwọ.

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Ọrụn Ndị-ozi 2:3

Wẹ nọ hụn ihiẹn nọ kẹ ire ọkụn pụhasọnmẹni, nọkwasị onyẹ-onyẹ imẹ wẹ.

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ

Rẹvẹleshọnụ 10:3

Ọ nọ gi okẹn olu nọ kẹ olu ẹwọrọ rị e dẹnni, yi oro. Ogẹn o gi yi oro, akpara (akpabọ) ẹsa nọ han.

Rẹvẹleshọnụ 11:19

Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.

Rẹvẹleshọnụ 3:1

“Dejẹnni onyẹ-isi ụka Sadisi, sị a: “Lee ihiẹn onyẹ hụ gi Mmọn ẹsa Osolobuẹ lẹ kokisẹ ẹsa hụ ku: a marịnghọ m ihiẹn ị rị e mẹ. W'e weri i kẹ onyẹ rị ndụn, kanị y'a nwụnhụngụọ!

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.

Rẹvẹleshọnụ 8:5

Ya kẹ mmọn-ozi hụ nọ weri sẹnsa hụ o gi rị a dụn nsẹnsi ọkụn, weri ọkụn ukpo nchụn-ẹjan hujun ẹ, tụ a ye elu-ụwa. Ya kẹ akpara nọ han, igwere e dẹn, amụma e be, alị e zinzin.