Rẹvẹleshọnụ 4:4 - Ika

⁴ Ukpo ẹnọ-kwasị-ọgụn fihunmẹ ukpo-eze ahụn. Ndị-isi ẹnọ-kwasị-ọgụn nọdịsọnmẹ ukpo ndị ahụn. Wẹ ile yisọnmẹ ẹwuru ọchan; wẹ kpu okpu-eze wẹ gi goru mẹmẹ.

Rẹvẹleshọnụ 4:4 Iomraidhean Croise

Ẹsta 8:15

Kẹ Mọdikaya gha ebe eze rị pụha, o yihụ ẹwuru ndị-nze nke ọchan lẹ nke bru; o kpuhụ okpu-eze goru hi ogbe; o yihụzị ẹwuru e nwun pọpụ-pọpụ wẹ gi linẹni riẹnni kwa elu. Ndị bi obodo Susa hụ e yi oro, a ghọghọ.

Ẹbụ-ọma 21:3

Y'e gigụọ ngọzi sị a “alụa”, bu okpu-eze wụchanrịn goru che ẹ isi.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Luku 22:30

kẹni ụnụ sọn m ri, ra imẹ alị-eze m; onyẹ-onyẹ imẹ ụnụ sikọ d'a nọdị ukpo-eze, a hannị ikpụlọ mmẹbụọ rị Izrẹlụ eṅẹn.

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Rẹvẹleshọnụ 11:16

Ya kẹ ndị-isi ẹnọ kwasị ọgụn ahụn nọdịsọnmẹ ukpo wẹ ihun Osolobuẹ nọ fiẹnrin alị, fe Osolobuẹ,

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 19:14

Ndị-agha elu-igwee nyinkọ ẹshin ọchan sọnkọ a. Ẹwuru wẹ wụ ezigbo linẹ ọchan nwọnlẹni nkarụ.

Rẹvẹleshọnụ 19:4

Ndị-isi ẹnọ kwasị ọgụn hụ lẹ ihiẹn ẹnọ hụ rị ndụn nọ fiẹnrin alị, fe Onyẹ hụn rị ukpo-eze, sị, “Isẹẹ! Ja nị Osolobuẹ mma.”

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.

Rẹvẹleshọnụ 4:10

ndị-isi ẹnọ-kwasị-ọgụn ahụn e fiẹnrin alị ihun ẹ, ihun Onyẹ hụ nọdị ukpo-eze gi fe ẹ, Onyẹ ahụn rị ndụn jẹnrin ejẹn, wẹ hụ a tụ okpu-eze rị wẹ isi e ye ihun ukpo hụ, a sị,

Rẹvẹleshọnụ 4:6

Ihiẹn rịkẹ ohimin ughegbe rị e be nwaịn-nwaịn rị ihun ukpo hụ. Ihiẹn ẹnọ rị ndụn ẹnya jun ihun lẹ azụụn nọhunmẹzi ukpo-eze hụ:

Rẹvẹleshọnụ 5:11

E lezi m ẹnya, m nọ nụ olu ndị mmọn-ozi bugbu enwẹn wẹ ọda! Wẹ fihunmẹ ukpo hụ lẹ ihiẹn ndị hụ rị ndụn lẹ ndị-isi hụ. Wẹ rị ijẹri ijẹri, nnụ-uku nnụ-uku.

Rẹvẹleshọnụ 5:14

Ihiẹn ẹnọ hụ rị ndụn nọ sị, “Isẹẹ!” Ndị-isi hụ nọ fiẹnrin alị, fe Nwa-ebulu ahụn.

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.

Rẹvẹleshọnụ 6:11

Ya wẹ nọ ye onyẹ-onyẹ imẹ wẹ ẹwuru ọchan tueni, sị wẹ zuzi ikẹn ẹkẹrẹ ni umunẹ wẹ lẹ idibo ibe wẹ zugụ ọnụ, umunẹ wẹ ịhịan jẹnkọ d'e gbu kẹ wẹ.

Rẹvẹleshọnụ 7:11

Ndị mmọn-ozi ile turusọnmẹ ebẹhụ, fihunmẹ ukpo hụ lẹ ndị-isi hụ lẹ ihiẹn ẹnọ hụ rị ndụn; wẹ nọ kụ isi alị, fe Osolobuẹ,

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.

Rẹvẹleshọnụ 9:7

Igurube ndị ahụn nọ kẹ ẹshin wẹ kwademẹgụ agha; ihiẹn nọ kẹ okpu-eze goru rịsọnmẹ wẹ isi; ihun wẹ nọ kẹ nke ịhịan.