Rẹvẹleshọnụ 4:3 - Ika

³ Onyẹ hụn nọdị alị ebẹhụ hụ e nwun ododo-ododo kẹ ihiẹn-mma wụ jaspa lẹ kanelịanị, e gbuke. Ekọn-lẹ-ogugu rị e nwun ẹhụhụọ-oyiyi ẹhụhụọ-oyiyi kẹ ihiẹn-mma wụ ẹmaradị fihunmẹ ukpo-eze hụ.

Rẹvẹleshọnụ 4:3 Iomraidhean Croise

Ọpụpụ 24:10

wẹ nọ hụn Osolobuẹ Izrẹlụ. Ihiẹn rị kẹ mgbankpo wẹ gi ọmụma-safaya rụn rị a okpuru ụkụ — e nwun zaị kẹ igwere.

Ọpụpụ 28:18

ogele nke ẹbụọ wụ tọkwọịzị, safaya lẹ ẹmaradị;

Ọpụpụ 39:11

ogele nke ẹbụọ wụ tọkwọịzị, safaya lẹ ẹmaradị;

Azaya 6:1

Ahụa ahụn Eze wụ Uzịa nwụn, m hụn Osolobuẹ k'ọ nọdị alị elu ukpo-eze hụn jẹn elu, nwọn ọghọ; ẹwuru-nze o yi shịagbarị imẹ Ụlọ-NSỌ.

Izikẹlụ 1:26

Ihiẹn nọ kẹ ukpo-eze hụ elu okpukpu hụ nọkẹ igwere; o nwun bru-bru nọkẹ ọmụma safaya. Ihiẹn nọ kẹ ịhịan nọdị alị elu ukpo-eze hụ.

Izikẹlụ 1:28

Ukpẹ ahụn fihunmẹ onyẹ hụ nọ kẹ ekọn-lẹ-ogugu hụn a pụha igwere mirin zue. Ẹrịra kẹ ọghọ hụn Osolobuẹ gi pụha nọ. Kẹ m hụn a, m nọ bu ẹfọ mama alị. Ya kẹ m nọ nụ olu rị e ku oku.

Izikẹlụ 10:1

E lezi m ẹnya, m nọ hụn ihiẹn rị e nwun bru-bru kẹ ọmụma safaya elu okpukpu hụ nọ kẹ igwere hụn ndị chẹrobu hụ rị okpuru ẹ; ọ nọ kẹ ukpo-eze.

Izikẹlụ 28:13

Imẹ Idẹni wụ ugbo Chuku k'ị te rị. Ọmụma ile rị mkpa e gbukeni kẹ wẹ te gi chọ ị mma: rubi, tọpazị, lẹ ẹmaradị; krisolaịtị, ọnik'si lẹ Jaspa; safaya, tọkwọzị lẹ berilu. Elu goru kẹ wẹ te kụmasọnmẹ wẹ ile, ghakwọrị ụhụọhịn wẹ ke i.

Rẹvẹleshọnụ 10:1

Ya m nọ hụn mmọn-ozi ọzọ kin akwanran k'ọ gha elu-igwee hidanla. Orukpu fụhunmẹ ẹ; ekọn-lẹ-ogugu rị ibe isi ẹ; ihun ẹ nọ kẹ ẹnyanwụn. Ụkụ a rị kẹ adansụn ẹbụọ wẹ gi ọkụn mẹmẹ.

Rẹvẹleshọnụ 21:11

Ọghọ Osolobuẹ rị a ẹhụ, ọ hụ e be nwaịn-nwaịn kẹ ihiẹn-mma ndị ahụn a kọnị, lekẹ akpụrụ jaspa, ọ hụ e nwun zaị.