Rẹvẹleshọnụ 3:7 - Ika

⁷ “Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Rẹvẹleshọnụ 3:7 Iomraidhean Croise

Jobu 11:10

Ọ kpọkin i ye ngan, kpọn'ị ọgwa, onyẹ k'a s'ẹka sị a mba?

Jobu 12:14

O tikpọ ihiẹn, w'a ra sa ẹka tụndọnzi ẹ; ọ tụ ịhịan ngan, w'a ra s'ẹka wepụha a.

Ẹbụ-ọma 145:17

Osolobuẹ e mẹ ihiẹn ile ọhụnma; o mẹ ihiẹn ile k'o furu.

Ẹbụ-ọma 16:10

makẹni y'a lakọ m tọ alị-mmọn, y'a nịkọ onyẹ nsọ ị hụn Mgbugbu hụ.

Ẹbụ-ọma 89:18

Makẹni, akpaịn ẹnyi, eze ẹnyi, wụ nke Osolobuẹ; ẹghẹẹ, eze ẹnyi gha ẹka Onyẹ-nsọ alị Izrẹlụ bịa.

Azaya 22:22

M sikọ d'e we ịsanhan ikpụlọ Defidi che ẹ ẹka, ụzọ ọ kpọpụ, onwọnni onyẹ k'a sa ẹka kpọkin ẹ; hụn ọ kpọkin, onwọnni onyẹ k'a sa ẹka kpọpụ a.

Azaya 30:11

Pụ nị ụzọ, ye ni efe, egizilẹ ni oku Onyẹ-nsọ Izrẹlụ ye ẹnyi nsọngbu.”

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 41:20

kẹni ịhịan ile hụn a, marịn — e ro w'ẹ, ghọta — nị ẹka Osolobuẹ mẹ ihiẹnni, nị Onyẹ-nsọ Izrẹlụ ke ẹ.”

Azaya 47:4

Onyẹ-mgbapụha ẹnyi hụn ẹfan a wụ Osolobuẹ ihiẹn ile rị okpuru ẹ, ịya wụ Onyẹ-nsọ Izrẹlụ.

Azaya 48:17

Lee ihiẹn Osolobuẹ ku — ihiẹn Onyẹ-mgbapụha ị, Onyẹ-nsọ Izrẹlụ, ku: ‘Mmẹ wụ Osolobuẹ, Chuku ụnụ, hụn a kuzi ụnụ kẹ n'ọ rịnị ụnụ mma; hụn a ghọsị ụnụ ụzọ ụnụ k'a gha.

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Matiu 16:19

M jẹnkọ d'e ye i ịsanhan Alị-eze elu-igwee: ihiẹn ọwụlẹ ị sị, ‘Mba,’ elu-ụwa elu-igwee sikọ d'a sị, ‘Mba.’ Ihiẹn ọwụlẹ ị sị, ‘Ẹghẹẹ,’ elu-ụwa, elu-igwee jẹnkọ d'a sị, ‘Ẹghẹẹ.’ ”

Matiu 24:35

Igwere lẹ ụwa k'a gụ, kanị oku m k'a bụnrịrị.

Makị 1:24

“K'i gi ẹnyi e mẹ, Jesu onyẹ Nazarẹtị?! Ị bịa d'e tikpọ ẹnyi?! A marịnghọ m onyẹ ị wụ, Onyẹ-nsọ Osolobuẹ!!”

Luku 1:32

O k'a wụ okẹn ịhịan; wẹ jẹnkọ d'a kpọ a Nwa Onyẹ Hụ Kachanrịnnị. Di-nwọnni-ẹnyi wụ Chuku jẹnkọ d'e ye ẹ ukpo nẹdi ẹ kanị wụ Defidi;

Luku 4:34

“Heuu! K'i gi ẹnyi e mẹ, Jesu onyẹ Nazarẹtị! Ị bịa d'e tikpọ ẹnyi? A marịnghọ m'ị: ịyụ wụ Onyẹ-nsọ Osolobuẹ!”

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Ọrụn Ndị-ozi 3:14

Ụnụ a jụ Onyẹ-nsọ hụ, Onyẹ ahụn nwọnlẹni ihiẹn o mẹ, sị wẹ hapụnị ụnụ izighẹ.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 16:7

M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Rẹvẹleshọnụ 2:1

“Dejẹnni onyẹ-isi ụka Ẹfẹsọsụ, sị a: Lee ihiẹn onyẹ hụ kokisẹ ẹsa hụ rịchanrịn ẹka-nni ẹ ku, onyẹ ahụn a ghahunmẹ imẹ obu-ukpẹ goru ẹsa hụ:

Rẹvẹleshọnụ 21:5

Onyẹ hụ nọdị alị elu ukpo-eze hụ nọ sị, “Lee ẹ! M rị e kedọnzi ihiẹn ile!” Ọ nọ sịzị, “Detu ihiẹnni, makẹni oku ndịnị wụ ezioku lẹ oku furu w'e gi dọn ẹnya.”

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”