Rẹvẹleshọnụ 3:19 - Ika

¹⁹ “Ndị ihiẹn wẹ sụọ m kẹ m'a jụgbọ, a fịan mkpịnsịn. Mẹ ngwa bihutọ ẹka.

Rẹvẹleshọnụ 3:19 Iomraidhean Croise

Samuẹlụ Nke Ẹbụọ 7:14

M k'a wụ nẹdi ẹ, ya nwẹn a wụrụ nwa m. O mẹfie, e gi m ịhịan ye ẹ afụnfụn n'ọ marịn ihiẹn, e gi m ịhịan fịan a mkpịnsịn.

Jobu 5:17

Ya wụ, onyẹ hụn Chuku sị ‘Ẹlẹ ẹrịra, mẹmẹ ẹ ẹnịna’ e nwọnkẹ ngọzi; elegberilẹ nwan mkpịnsịn hụn Onyẹ Hụn Nwọn Ikẹn Ile rị a fịan ị.

Ẹbụ-ọma 39:11

Y'e gi ufiri njọ ịhịan a jụgbọ wẹ, e ye wẹ afụnfụn; y'e ripụ ihiẹn wẹ kpatọ lekẹ ẹkịka — onyẹ-onyẹ wụhụ uzun mmaka. Sẹla

Ẹbụ-ọma 6:1

Euu Osolobuẹ, egikwọlẹ olulu i jụgbọ m mọbụ gi ọnụma ị fịan m mkpịnsịn!

Ẹbụ-ọma 69:9

Oku Ụlọ ị e gbu m; mmẹ rị e bu mkpari ile wẹ rị a kpari i.

Ẹbụ-ọma 94:10

Onyẹ hụn e ye alị ọwụlẹ mẹ eje-ihiẹn afụnfụn, o yekọ ụnụ afụnfụn? Onyẹ hụn e ye amamihiẹn?

Itẹn 15:10

Onyẹ gha ụzọ rị mma kpapụ, a fịan w'a eje-mkpịnsịn; onyẹ hụn sị agwakọ w'a ihiẹn ọwụlẹ k'a nwụnhụn.

Itẹn 15:32

Onyẹ hụn jụ ọzụnzụn e legberigụọ enwẹn ẹ; kanị onyẹ wẹ jụgbọ o gi ẹ dọn, rị e nwọnrin uche.

Itẹn 22:15

Nzuzu-nzuzu rị nwata isi, kanị mkpịnsịn wẹ gi a zụn a a chụpụ a ya.

Azaya 26:16

Osolobuẹ, wẹ buruhẹ i kẹ wẹ rị imẹ nsọngbu — nsọngbu hụn i gi rị a dọ wẹ ẹka-ntịn, wẹ hụ e ku ẹkẹrẹ-ẹkẹrẹ, e mẹ ekpere.

Jerimaya 10:24

Jụgbọ m nwan, Osolobuẹ, ka gi ẹka alụlụa mẹ ẹ; dodo egilẹ olulu mẹ ẹ, amamgbe nke m a gụ.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Jerimaya 31:18

Eziẹ, a nụghọ m kẹ Ifrem wụ Izrẹlụ rị a kwan ụya, a sị, “Y'e yegụọ m afụnfụn ọda-ọda kẹ w'e mẹ nwa-efin wẹ zụnlẹni. Dodo, wekinhẹn m nwan nị m hụn ụzọ kinhẹn, makẹni yụ wụ Osolobuẹ wụ Chuku m.

Jerimaya 7:28

Sị wẹ nwan: Ọnwan wụ alị hụn jụ n'o mẹkọ ihiẹn Osolobuẹ wụ Chuku wẹ sị wẹ mẹ; ihiẹn ile o mẹ wẹ, egini w'ẹ bihutọ ẹka. Ezioku a lagụọ, ọ rịzịdẹ wẹ ụgb'ọnụ.

Zẹfanaya 3:2

Ara nụ ihiẹn kaka; “eze-agwalẹm” k'ọ wụ! Ara gi Osolobuẹ dọn ẹnya; ara nọkunmẹ Osolobuẹ!

Matiu 25:7

Ya kẹ ịgbagba ndị hụ ile nọ lihi, fishi ukpẹ wẹ elu.

Jọnụ 2:17

Ndị nsọnmazụụn a nọ nyanhan nị Ẹkụkwọ-nsọ sị, “Oku ụlọ ị jẹnkọ d'e bu m ri.”

Ndị Rom 12:11

Anịkwọlẹ ni adụdụ ụnụ belụa, ka a dụnnị kẹ ọkụn imẹ-mmọn, a rụnnị Di-nwọnni-ẹnyi ọrụn.

Ndị Kọrẹntị Ibuzọ 11:32

Kanị, Di-nwọnni-ẹnyi ye ẹnyi afụnfụn, mkpịnsịn k'o gi ẹ a fịan ẹnyi kẹni ọ rịnị ẹnyi mma, amamgbe ẹnyi e sọn ụwa narịn ikpe-ọmụma.

Ndị Kọrẹntị Nke Ẹbụọ 6:9

ghahanị ịwụ ndị wẹ marịnlẹni bụ a marịngụọ wẹ ẹnyi ọhụnma-ọhụnma; ghahanị ịrị kẹ ndị rị a nwụnhụnnị, ka lee ẹ nwan, ẹnyi hụ ndụn! Ẹghẹẹ, ẹnyi a ghọsị a ghahanị nị ẹnyi hụkwọ ndụn ọsụọn'a nị w'e ye ẹnyi afụnfụnnị ile a ta,

Ndị Kọrẹntị Nke Ẹbụọ 7:11

Makẹni ọ fụghọ ụnụ ụdị hụn Osolobuẹ chọ, ụnụ ahụnnị nwan kẹ imẹ-mma dọn rị a dụ ụnụ?! K'o dọn mẹ ụnụ kinrin ọnụ ụnụ! Kẹ eje-ihiẹn zehan ụnụ ize! K'o gbuhan ụnụ ẹhụ! Lee ihiẹn m rị a da ụnụ! Lee mbọ ile ụnụ gba! Lee afụnfụn ụnụ ye onyẹ hụn mẹfieni! Ụnụ a ghọsịchanrịngụọ nị ẹka ụnụ a rị ihiẹn mẹni.

Ndị Galeshịa 4:18

Ọ hụghọkwọ mma nị w'e mẹ oku ịhịan, omẹni ufiri ihiẹn rị mma rọ, omẹni w'e mẹ ẹ ogẹn ile, ẹlẹni mmẹ lẹ ụnụ nọdị sụọ.

Ditrọnọmi 8:5

Gi n'ẹ nwan marịn nị Osolobuẹ wụ Chuku ụnụ a zụn ụnụ kẹ ịhịan dọn a zụn nwa a.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Rẹvẹleshọnụ 2:5

Nyanhan nị nwan ebe ụnụ gha dan, ụnụ e bihutọ ẹka, mẹmẹzi kẹ ụnụ e mẹ mbụ. Ụnụ jụ, a bịa m d'e wepụ obu-ukpẹ ụnụ ọnọdị a, mmanị ụnụ bihutọ ẹka.