Rẹvẹleshọnụ 3:15 - Ika

¹⁵ A marịnghọ m ihiẹn ị rị e mẹ: y'a nụnị ọkụn, y'a jụnị oyi. K'ọ rị m, ị hụ a nụ ọkụn mọbụ a jụ oyi!

Rẹvẹleshọnụ 3:15 Iomraidhean Croise

Ndị-nze Nke Ibuzọ 18:21

Ẹlaịja nọ jẹnpụha ihun wẹ, sị, “Elee mgbe ụnụ k'a danshibehi azụụnnị lẹ azụụnnị? Omẹni Osolobuẹ wụ Chuku, ụnụ e fe ẹ! Kanị omẹni Baalụ wụ Chuku, ụnụ e fe ẹ!” Ya wẹ ile nọ gba nkịtịn.

Itẹn 23:26

Nwa m, ye m obi i; ẹnya ị ya rịsọnmẹ ụzọ m,

Hosia 10:2

Obi wẹ arị mma; wẹ jẹnkọ nwan d'a ta afụnfụn njọ wẹ! Osolobuẹ k'e tikpọchanrịn ukpo-mmọn wẹ, tikpọchanrịn ihiẹn wẹ zumẹni mmọn!

Hosia 7:8

“Izrẹlụ hụ e sọn itumunyẹ a kpa; wẹ nọ nwan kẹ akara ghe azụụn ohu sụọ.

Matiu 10:37

“Onyẹ hụn nwọn ihiẹn-ọsụsụọ nẹdi ẹ mọbụ nnẹ ẹ karị hụn o nwọnni m efuruni m; onyẹ ọwụlẹ nwọn ihiẹn-ọsụsụọ nwa a okẹnnyẹ mọbụ nwa a okpoho karị hụn o nwọnni m efuruni m.

Matiu 24:12

Ufiri nị njọ jẹnkọ d'a barahị, ihiẹn-ọsụsụọ ndị bu ọda jẹnkọ d'a jụ oyi.

Matiu 6:24

“Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.

Ndị Rom 12:11

Anịkwọlẹ ni adụdụ ụnụ belụa, ka a dụnnị kẹ ọkụn imẹ-mmọn, a rụnnị Di-nwọnni-ẹnyi ọrụn.

Ndị Kọrẹntị Ibuzọ 16:22

Ịbụ-ọnụ ya rịnị onyẹ ọwụlẹ ihiẹn Di-nwọnni-ẹnyi ghalẹni a sụọ! Di-nwọnni-ẹnyi, bịa!

Ndị Kọrẹntị Nke Ẹbụọ 12:20

Egun rị a tụ m nị ikẹnkwọ, m bịa, ahụnkọ m ụnụ kẹ m dọn chọ, ụnụ nwẹn ahụnkọ m kẹ ụnụ dọn chọ; egun rị a tụ m nị, ikẹnkwọ, ikpe lẹ ẹnya-ụfụ lẹ eje-olulu jẹnkọ d'a rị; nị ụfọdụ imẹ ụnụ k'a gha e ro enwẹn wẹ sụọ; nị ikuja oku ịhịan, oku-azụụn, mpache lẹ isusu jẹnkọ d'a rị.

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Ndị Filipi 1:9

Ekpere m wụ nị ụnụ e nwọn ihiẹn-ọsụsụọ, e nwọnwaye, ihiẹn-ọsụsụọ ya lẹ amamihiẹn lẹ nghọta zu oke wị,

Ndị Tẹsalonika Nke Ẹbụọ 1:3

Umunẹ, o furu nị ẹnyi gi ufiri ụnụ a kpanmịn Osolobuẹ ogẹn ile, makẹni okukwe ụnụ rị e sue ọda-ọda, onyẹ-onyẹ hụzị e nwọnwaye ihiẹn-ọsụsụọ ibe ẹ.

Jemisi 1:8

makẹni onyẹ obi-ẹbụọ k'ọ wụ: ihiẹn ile o mẹ wụ obi-ẹbụọ obi-ẹbụọ.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Rẹvẹleshọnụ 2:2

A marịnghọ m ihiẹn ile ị rị e mẹ: kẹ ị dọn rị a lụgbu enwẹn i lẹ kẹ ị dọn rị e dingbu ihiẹn ile, lẹni y'a ra ye ndị rị e mẹ eje-ihiẹn efe; a marịnghọ m nị y'e lelegụọ ndị ahụn kpọ enwẹn wẹ ndị-ozi pụ-ichẹn bụ ẹlẹ wẹ ndị ozi pụ-ichẹn. Y'a hụngụọ a nị wẹ wụ ndị-ntụ.

Rẹvẹleshọnụ 2:4

“Kanị, ọnwan wụ ihiẹn ị rị e mẹ rị e ze m ize: ụnụ a latọgụọ ihiẹn-ọsụsụọ ahụn ụnụ nwọn mbụ.

Rẹvẹleshọnụ 3:1

“Dejẹnni onyẹ-isi ụka Sadisi, sị a: “Lee ihiẹn onyẹ hụ gi Mmọn ẹsa Osolobuẹ lẹ kokisẹ ẹsa hụ ku: a marịnghọ m ihiẹn ị rị e mẹ. W'e weri i kẹ onyẹ rị ndụn, kanị y'a nwụnhụngụọ!

Rẹvẹleshọnụ 3:16

Kanị, makẹni i mẹ ṅanran: y'a nụnị ọkụn, y'a jụnị oyi, m'e d'a jụpụ ị kẹ ẹsọn!