Rẹvẹleshọnụ 3:12 - Ika

¹² Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.

Rẹvẹleshọnụ 3:12 Iomraidhean Croise

Ndị-nze Nke Ibuzọ 7:21

Ihun ẹtu-ụlọ rị ihun Ụlọ-NSỌ ebẹhụ k'o tumẹ adansụn ndị hụ. Ọ kpọ hụn rị ẹbamịn ndịdan-mirin “Jakini”; ọ kpọ hụn rị ẹbamịn-ugu “Bụazị”.

Ẹbụ-ọma 46:4

O nwọn iyi hụn mirin ẹ e mẹ wẹ a ghọghọ imẹ obodo Chuku, imẹ Ebẹhụ rị nsọ Onyẹ Kachanrịnnị bi.

Ẹbụ-ọma 48:8

Kẹ ẹnyi dọn nụ otiti Osolobuẹ ẹrịra kẹ ẹnyi dọn rị a hụn ẹka a imẹ obodo Osolobuẹ, Onyẹ Ihiẹn ile rị okpuru ẹ, imẹ obodo Chuku ẹnyi; Chuku k'e dọnmẹ obodo ahụn jẹnrin ejẹn. Sẹla

Ẹbụ-ọma 87:3

Obodo Chuku, Chuku e kugụọ ihiẹn rịgbu enwẹn ẹ mma banyen'i! Sẹla

Azaya 62:2

Alị ndị ọzọ k'a hụn n'ọ rịgụọn'ị mma; ndị-nze ile k'a hụn ọghọ ị. Wẹ k'a kpọma ị ẹfan ọhụn hụn Osolobuẹ k'e gi ọnụ a gụn ị.

Azaya 65:15

Ọnyanhan wẹ k'a nyanhan ẹfan ụnụ wụ nị ndị nke m k'a gha e gi ẹfan ụnụ a bụ ọnụ! Di-nwọnni-ẹnyi wụ Osolobuẹ k'e gbuchanrịn ụnụ, kanị o jẹnkọ d'e ye idibo ẹ ẹfan ọzọ.

Jerimaya 1:18

Tannị, e mẹgụọ m'ị wụrụ obodo wẹ tụnhunmẹ mgbọn zeni lẹ adansụn igwe lẹ mgbọn wẹ gi igwe-bronzu mẹmẹ, hụn k'e turu sọn ndị alịnị ile dọ — kẹ ndị-nze k'a kịsọnmẹ alịnị wụ Juda kẹ ndị-isi ẹ kẹ ndị nchụn-ẹjan a kẹ ndị alịnị ile.

Izikẹlụ 40:49

Usue Ẹtu-ụlọ hụ lẹ enwẹn ẹ wụ ụbụkụ mmisẹn kwasị ọgụn, ụshịa a wụ ụbụkụ ohu kwasị ọgụn; agba iri kẹ mgbanyinrin wẹ gi e nyinrin Ẹtu Ụlọ-NSỌ nwọn. Adansụn ohu-ohu turu azụụnnị lẹ azụụnnị.

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Makị 12:16

Wẹ nọ wẹhẹn'ẹ akpụrụ egho dinarịọsụ. Ọ nọ sị wẹ, “Isi lẹ ẹfan onyẹ wụ hụnnị?” Wẹ nọ sị a, “Nke Siza rọ.”

Ndị Galeshịa 2:9

Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Ndị Ẹfẹsọsụ 3:15

onyẹ hụn ezi-lẹ-ụlọ ile rị elu-igwee lẹ ụwa gha ẹka a nwọnhẹn ẹfan wẹ.

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.

Hibru 13:14

makẹni ẹnyi enwọn obodo ọwụlẹ wụ nke ẹnyi elu ụwa ebeni; kama, ẹnyi rị a tụ ẹnya obodo hụ lalanị.

Jọnụ Ibuzọ 4:4

Ụmụẹka, ụnụ wụ nke Osolobuẹ; ụnụ e mẹrigụọ wẹ, makẹni onyẹ rị imẹ ụnụ ka onyẹ rị imẹ ụwa.

Rẹvẹleshọnụ 14:1

E lezi m ẹnya, m nọ hụn Nwa-ebulu hụ k'o turu elu Ugu Zayọnụ, ya lẹ mmadụ nnụ ọgụn-mmẹsatọ wẹ deye ẹfan a lẹ ẹfan Nẹdi ẹ ezimezi ihun wẹ.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 22:4

Wẹ k'a gha a hụn ihun ẹ; ẹfan a k'a rị wẹ ezimezi ihun.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.