Rẹvẹleshọnụ 3:10 - Ika

¹⁰ Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 3:10 Iomraidhean Croise

Azaya 24:17

Ihiẹn-egun lẹ mgbugbu lẹ ọnyan rị e che ụnụ, ụnụ ndị rị elu-ụwa.

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Matiu 24:14

Wẹ jẹnkọ d'e zigbarị elu-ụwa ile oziọmanị, oziọma Alị-eze, kẹn'ọ wụrụ ọshẹri imẹ alị ile; ogẹn hụ kẹ ọgụgụ-ogẹn e gi ru.

Matiu 26:41

We ni ẹnya ru alị, ụnụ e mẹmẹ ekpere, amamgbe ụnụ a danye imẹ ọnwụnwan; ezioku-ezioku, mmọn ịhịan a chọghọ, kanị ndụn gụ ẹhụ.”

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Makị 14:9

Nị m gwa ụnụ, ebe ọwụlẹ wẹ sikọ d'e zi oziọma imẹ ụwa, wẹ jẹnkọ d'e ku ihiẹnni o mẹ, e gi ẹ a nyanhan a.”

Luku 2:1

Ogẹn hụ, eze-kanị wụ Siza Ọgọstusu nọ yi uhi, sị wẹ detuchanrịn ẹfan ịhịan ile rị ụwa — ebe ile rị okpuru ọkịkị ndị Rom.

Jọnụ 17:6

“E mẹgụọ m ndịnị ị gha imẹ ụwa weye m marịn ẹfan ị. Ịyụ nwọn wẹ, ị nọ we wẹ ye m; e mẹgụọ wẹ ihiẹn i ku.

Ndị Rom 1:8

Nke ibuzọ, m rị e gi ufiri ụnụ ile a kpanmịn Osolobuẹ m ghahanị Jesu Kristi, makẹni wẹ rị e ku oku okukwe ụnụ imẹ ụwa ile.

Ndị Kọrẹntị Ibuzọ 10:13

Onwọnni ọnwụnwan ka ịhịan hụn bịatuni ụnụ. Osolobuẹ furu wẹ e gi dọn ẹnya, ọ nịkọ hụn ka ụnụ ẹka kunrun ụnụ. Kama, n'ọ nọghọdẹ ọnwụnwan ile k'e kunrun ụnụ ghọsị ụnụ kẹ ụnụ a dọn dingbu ẹ.

Ndị Ẹfẹsọsụ 6:13

Kọnrin ni nwan agha! Weri ni nwan ihiẹn-agha Osolobuẹ ile, kẹni, eje-ụhụọhịn bịa, ụnụ a hụn ụzọ saẹka turu; kẹni ụnụ saẹka mẹchanrịn ihiẹn ile furuni bụ ụnụ turuhụkwọ ebe ụnụ turu.

Timoti Nke Ẹbụọ 2:12

omẹni ẹnyi e din ndidin, ẹnyi k'e sọnzi ẹ kị; omẹni ẹnyi a jụ a, ya nwẹn k'a jụzị ẹnyi;

Jemisi 3:12

Umunẹ m, figi a mịdẹ nwan olivu ra? Vaịnị a mịdẹ nwan figi ra? Isi-mirin hụn mirin ẹ a sụọ nnu-nnu asakọ ẹka mụpụha mirin a sụọ ọhụnma.

Pita Ibuzọ 4:12

Ndị rị m obi, anịkwọlẹ ni okẹn afụnfụnnị wẹ gi rị e lele ụnụ tụ ụnụ ẹnya nọkẹ sị ihiẹn mẹtulẹni rị e mẹ ụnụ.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 11:10

Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 14:12

Ọnwan chọ ndidin ẹka ndị nsọ, ndị e mẹ ihiẹn Osolobuẹ ku, kwerini Jizọsị jẹnrin ejẹn.

Rẹvẹleshọnụ 14:6

M nọzị hụn mmọn-ozi ọzọ k'o fekọ imẹ elu. O gi oziọma itẹbitẹ hụn o k'e zi ndị ile bi elu-ụwa — ndị alị ile lẹ ebọn ile lẹ asụsụ ile lẹ ndị ile.

Rẹvẹleshọnụ 16:14

Eje-mmọn ndị a rụnsọnmẹ ọrụn-atụmẹnya; uwẹ e jẹn d'a kpọgbama ndị-nze ile rị ụwa makẹ agha wẹ jẹnkọ d'a lụ Ụhụọhịn ahụn Osolobuẹ nwọn ikẹn ile kaye.

Rẹvẹleshọnụ 17:2

okẹn ịgbaraja ahụn ndị-nze ụwa mẹ mgba a; ịgbaraja ahụn ndị ile bi elu-ụwa rị e mẹ mgba a, ọ hụ a tụ wẹ kẹ manya.”

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 3:8

“A marịnghọ m ihiẹn ị rị e mẹ. Lee ẹ, a gụnpụgụọnị m'ị ụzọ hụn o mẹ ni onwọnni onyẹ k'a saẹka gụnman'a, makẹni, ọsụọn'a nị y'e nwọnkẹni ndụn, ị hụkwọ e mẹ ihiẹn m ku, y'a zabehini ẹfan m.

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”

Rẹvẹleshọnụ 8:13

M nọ lee ẹnya elu, hụn ugọn ohu k'o fekọ imẹ elu, yikọ, “Nsọngbu! Nsọngbu! Okẹn nsọngbu jẹnkọ d'a rịnị ndị ile bi elu-ụwa ogẹn ndị mmọn-ozi ẹtọ họdụnị e gi gbu opi ndị họdụnị!”