Rẹvẹleshọnụ 22:7 - Ika

⁷ Jesu sị, “Lee ẹ, m lala ẹgwa! Ngọzi rịnị onyẹ k'e mẹ ihiẹn ozi rị ẹkụkwọnị ku!”

Rẹvẹleshọnụ 22:7 Iomraidhean Croise

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:3

Ngọzi ya rịnị onyẹ k'a gụnpụhanị ibe ẹ ihiẹn ndị rị imẹ ozini Osolobuẹ zi; ngọzi ya rịzịkwọnị ndị k'a nụn'a lẹ ndị k'e mẹ ihiẹn wẹ de imẹ ẹ, makẹni ogẹn wẹ a rịgụọ nsue.

Rẹvẹleshọnụ 16:15

(Jesu sị, “Lee ẹ! M jẹnkọ d'a bịa idẹnmizi nọkẹ ohin. Ngọzi jẹnkọ d'a rịnị onyẹ k'e dọnrin ẹnya, kwọnkẹnmẹ ẹwuru ẹ, amamgbe ọ gi ọtọ ghahunmẹ, ifẹnrẹn e mẹgbu ẹ!”)

Rẹvẹleshọnụ 2:16

“Bihutọ nị nwan ẹka. Ụnụ jụ, m k'a bịa ozigbo, gi ọpịa-agha rị m ọnụ lụsọn ndị ahụn agha.

Rẹvẹleshọnụ 22:12

Jesu sị, “Lee ẹ, m lala ẹgwa, m gi ụgwọ-ọrụn m k'a kụ lala d'a kụ onyẹ-onyẹ ihiẹn ọ rụn.

Rẹvẹleshọnụ 22:18

M rị a gwakwọ onyẹ ọwụlẹ nụ ihiẹn ndị wẹ ku imẹ ozi rị ẹkụkwọnị nị onyẹ becheni wẹ, Osolobuẹ e bechen'ẹ afụnfụn ndị hụ wẹ ku oku wẹ imẹ ẹkụkwọnị;

Rẹvẹleshọnụ 22:19

onyẹ wepụ ihiẹn imẹ wẹ, Osolobuẹ e wepụ ihiẹn run'ẹ imẹ osisi hụ e ye ndụn hụn wẹ kusọnmẹ oku ẹ imẹ ẹkụkwọnị lẹ obodo nsọ ahụn wẹ kusọnmẹ oku ẹ imẹ ẹkụkwọnị.

Rẹvẹleshọnụ 22:20

Onyẹ hụn ku ihiẹn ndịnị sị, “Ẹghẹẹ, m lala ẹgwa!” Isẹẹ! Jesu Onyẹ-nwọnni-ẹnyi, bịa!

Rẹvẹleshọnụ 22:21

Ẹfọma Jesu Di-nwọnni-ẹnyi ya rịnị ịhịan ile.

Rẹvẹleshọnụ 3:11

M lala ẹgwa, kwọnkẹnmẹ nwan hụn i gi, amamgbe w'a napụ ị ugọn m jẹnkọ d'e tu i.

Rẹvẹleshọnụ 3:3

Nyanhan nwan ihiẹn wẹ kuzi i lẹ ihiẹn i nụ; mẹ ẹ, bihutọ ẹka. Omẹni y'e tẹnhinni, m k'a bịa d'e kunrun i idẹnmizi kẹ ohin, y'a marịnkọ ogẹn m'e gi banhan!