Rẹvẹleshọnụ 22:6 - Ika

⁶ Mmọn-ozi hụ nọ sị m, “Ihiẹn ndịnị ile wụ ezioku furu wẹ gi e dọn ẹnya, makẹni Di-nwọnni-ẹnyi lẹ enwẹn ẹ, Chuku hụn a gwa mmọn rị imẹ ndị-amụma ihiẹn ndị-amụma e ku, zihẹ nwan mmọn-ozi ẹ d'a ghọsị idibo ẹ ihiẹn ndị k'e mẹrịrị ẹgwa.”

Rẹvẹleshọnụ 22:6 Iomraidhean Croise

Jẹnẹsisi 41:32

Ihiẹn Fẹro gi rọhụn ihiẹnni mgbe ẹbụọ wụ nị Chuku a kwademẹgụọ n'o jẹnkọ d'e mẹrịrị ihiẹnni, lẹzi ni Chuku k'e mẹ ẹ ẹgwa.

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Daniẹlụ 6:22

Chuku m zi mmọn-ozi ẹ, ọ nọ kpumẹ ọnụ ẹwọrọ ndịnị. Onwọnni ihiẹn wẹ mẹ m, makẹni ọ hụngụọ nị emẹni m njọ, onwọnzikwọnị eje-ihiẹn m mẹ yụ wụ eze.”

Matiu 13:41

Nwa nke Ịhịan jẹnkọ d'e zi ndị mmọn-ozi ẹ, e huepụ wẹ ndị ile e buhẹ njọ lẹ ndị ile e bi k'ọ sụọ wẹ imẹ Alị-eze ẹ,

Luku 1:70

O mẹgụ a k'o dọn ku ẹ ẹdẹi, ghahanị ndị-amụma nsọ a,

Luku 16:16

“Iwu Mozizi lẹ ihiẹn ndị-amụma de kẹ wẹ gi rụn ọrụn d'e ru ogẹn Jọnụ hụn e mẹ mirin-Chuku gi bidọn ọrụn a. Kete mgbe hụ, wẹ hụ e zi oziọma Alị-eze Osolobuẹ, ịhịan ile hụ a fụfa a banye.

Ọrụn Ndị-ozi 12:11

Ogẹnni kẹ ẹnya gi fọn Pita, ọ nọ sị, “Kikẹnni k'o we m ẹnya: Di-nwọnni-ẹnyi zi mmọn-ozi ẹ d'a zụọpụha m ẹka Hẹrọdụ lẹ ihiẹn ile ndị Ju te rị a tụ ẹnya a.”

Ọrụn Ndị-ozi 3:18

Kanị ẹnịna kẹ Osolobuẹ dọn nwan mẹzu ihiẹn o gi ndị-amụma ile ku mbụ-mbụ, nị Onyẹ-nzụọpụha hụ o tumẹ k'a ta afụnfụn.

Ndị Rom 1:2

Oziọma Osolobuẹ kwe nkwa a ẹdẹi imẹ Ẹkụkwọ-nsọ ghahanị ndị-amụma a rọ.

Ndị Kọrẹntị Ibuzọ 14:32

Ọzọzị, mmọn onyẹ amụma e zini Osolobuẹ ozi rị okpuru hụnyẹ — ọ k'a saẹka gba nkịtịn.

Ndị Kọrẹntị Ibuzọ 7:29

Umunẹ m, ihiẹn m gi ẹ e ku wụ nị ogẹn arịzị a; gha kikẹnni jẹnmẹ, ndị hụn nwọndẹ nwunyẹ wẹ bimẹ nọkẹ sị enwọn wẹ;

Ndị Tẹsalonika Nke Ẹbụọ 1:7

mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

Hibru 12:9

Ndị nẹdi ẹnyi rị elu ụwanị e mẹzi ẹnyi ihiẹn wẹ gha a zụn ẹnyi, ẹnyi e humẹni wẹ isi. Ẹnyi ehumẹkọnị nwan nẹdi ẹnyi imẹ Mmọn wụ Osolobuẹ isi, kẹni ẹnyi rị ndụn?

Pita Nke Ẹbụọ 1:21

makẹni, onwọnni ihiẹn rị imẹ Ẹkụkwọ-nsọ gha uche ịhịan pụha. Kama, Mmọn-nsọ nu ndị kuni, wẹ nọ ku ihiẹn gha ebe Osolobuẹ rị bịa.

Pita Nke Ẹbụọ 3:2

sị ụnụ nyanhankwọ oku ndị-amụma nsọ Osolobuẹ ku ogẹn mbụ lẹ iwu Di-nwọnni-ẹnyi wụ Onyẹ-nzụọpụha ẹnyi ye ghahanị ndị-ozi pụ-ichẹn o zihẹni ụnụ.

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”

Rẹvẹleshọnụ 21:5

Onyẹ hụ nọdị alị elu ukpo-eze hụ nọ sị, “Lee ẹ! M rị e kedọnzi ihiẹn ile!” Ọ nọ sịzị, “Detu ihiẹnni, makẹni oku ndịnị wụ ezioku lẹ oku furu w'e gi dọn ẹnya.”

Rẹvẹleshọnụ 21:9

Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 22:7

Jesu sị, “Lee ẹ, m lala ẹgwa! Ngọzi rịnị onyẹ k'e mẹ ihiẹn ozi rị ẹkụkwọnị ku!”

Rẹvẹleshọnụ 4:1

Ọhụn e mẹgụ, m nọ lee ẹnya hụn ọnụmụzọ gụnpụnị imẹ elu-igwee. Olu ahụn nọ kẹ opi hụn gwa m oku mbụ nọ sị m, “Bịa elu ebeni nị m ghọsị ị ihiẹn jẹnkọ d'e mẹ ihun.”