Rẹvẹleshọnụ 22:5 - Ika

⁵ Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.

Rẹvẹleshọnụ 22:5 Iomraidhean Croise

Ẹbụ-ọma 36:9

Makẹni ịyụ gi isi-mirin e ye ndụn; ukpẹ i kẹ ẹnyi gi e legha ụzọ.

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Azaya 24:23

Ifẹnrẹn anịkọ ifọn ti, ụya anịkọ anwụn mụ; makẹni Osolobuẹ nwọn ikẹn ile k'a rị a kị; Ugu-Zayọnụ, imẹ Jerusalẹm, k'o k'a nọ kị ọkịkị hụn k'a ghọsị ọghọ a idẹnya ndị-isi Jerusalẹm.

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Zẹkaraya 14:7

Ụhụọhịn hụ k'a rị ichẹn; Osolobuẹ marịn k'o k'a rị. Efinnaị arịkọ; uhinhin arịkọ — makẹni o rudẹ ẹnyasị, eki k'a rịzịkwọ elu.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Ndị Rom 5:17

Omẹni njọ okẹnnyẹ ohu ahụn wụ Adam kẹ ọnwụn gi ghaha ẹka a d'a kịma, kị k'e mẹ ndị nabanhan okẹn ẹfọma Osolobuẹ lẹ ezi-omumẹ o ye ọfẹ? Ya wụ nị o k'e wẹhẹni wẹ ndụn, ẹlẹzi ọnwụn — wẹ k'a rịferi ndụn wụ ndụn ghahanị okẹnnyẹ ohu hụ wụ Jesu Kristi.

Timoti Nke Ẹbụọ 2:12

omẹni ẹnyi e din ndidin, ẹnyi k'e sọnzi ẹ kị; omẹni ẹnyi a jụ a, ya nwẹn k'a jụzị ẹnyi;

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 18:23

ukpẹ ẹka enwunkọzị imẹ i; anụkọzị wẹ ịghọghọ ndị rị a gba ẹkụkwọ imẹ i. O k'e mẹ makẹni ndị-afịa ị te wụ ndị uku ụwa, alị ile kẹ i mẹ ihiẹn hụn i mẹ, dufiechanrịn wẹ.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 20:6

Ndị k'a gha ọnwụn lihi olihi ibuzọnị e nwọnkẹ ngọzi; wẹ rị nsọ. Ọnwụn nke mgbe ẹbụọ erukọ wẹ ẹhụ, kama, wẹ k'a wụ ndị nchụn-ẹjan Osolobuẹ lẹ Kraịstị, wẹ k'e sọn Kraịstị kị ahụa nnụ-uku.

Rẹvẹleshọnụ 21:11

Ọghọ Osolobuẹ rị a ẹhụ, ọ hụ e be nwaịn-nwaịn kẹ ihiẹn-mma ndị ahụn a kọnị, lekẹ akpụrụ jaspa, ọ hụ e nwun zaị.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.