Rẹvẹleshọnụ 22:2 - Ika

² O hukọ ahanmahan ụwaya ahụn rị obodo hụ. Osisi ahụn e ye ndụn rị iyi hụ azụụnnị lẹ azụụnnị. Osisi ahụn a mị ụdị mkpụrụ mmẹbụọ ahụa. Ifọn-ifọn kẹ ọ mị mkpụrụ. Wẹ gi ẹhụhụọ a a zụọ ndị alị ile emu.

Rẹvẹleshọnụ 22:2 Iomraidhean Croise

Jẹnẹsisi 2:9

Osolobuẹ wụ Chuku nọ mẹ ụdị osisi ile rị mma ẹnya lẹ ndị rị mma w'e ri gha alị suepụha — kẹ osisi ahụn e ye ndụn hụn rị etintinnaị ugbo ahụn kẹ osisi ahụn wẹ gi a marịn ihiẹn rị mma lẹ ihiẹn rịlẹni mma.

Ẹbụ-ọma 147:3

Ọ kasị ndị obi rị a gbawa obi, o kẹnmẹ wẹ ebe wẹ rụsọnmẹ ẹhụ.

Itẹn 3:18

Amamihiẹn wụ osisi e ye ndị nwọnhẹnn'ẹ ndụn; o k'a rịnị ndị hụn kwọnkẹnmẹn'ẹ mma.

Azaya 6:10

Kpọkin ndịnị obi; kụkin wẹ ntịn, y'e kpumẹ wẹ ẹnya. Amamgbe w'e gi ẹnya wẹ legha ụzọ, gi ntịn wẹ nụ, gi obi wẹ ghọta, hutọ, nwọnrin nzụọrị.”

Jerimaya 17:14

Dodo zụọ m Osolobuẹ — makẹni i zụọ m, a dịnhịn m; zụọpụha m ẹka ndịnị — makẹni i zụọpụha m, a hụn m isi, makẹni ịyụ kẹ m'a ja mma.

Izikẹlụ 47:1

Okẹnnyẹ ahụn rị a ghọsị m ihiẹn nọ wekinhẹn m imẹ Ụlọ-nsọ, we shi ebe wẹ gha a banye Ụlọ-NSỌ kẹti-kẹti: E lee mirin rị a mụpụha okpuru ọnụmụzọ Ụlọ-NSỌ! Ọ hụ e hushi ibe ọwụwa-ẹnyanwụn, azụụn hụ Ụlọ-NSỌ bu ihun zinmẹ. Nkọ ndịdan Ụlọ-NSỌ k'ọ ghachanrịn rị e hupụha, e hughafezi ukpo nchụn-ẹjan nkọ hụ.

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Zẹkaraya 14:8

O ru ogẹn ahụn, mirin e ye ndụn k'a gha Jerusalẹm e hupụha: azụụn ohu k'a rị e hushi Ohimin rị ẹbamịn ọwụwa-ẹnyanwụn, azụụn ohu e hushi Ohimin rị ẹbamịn ọdịdan-ẹnyanwụn. O hubehikọ, kẹ ọhọhị kẹ udu-mirin.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 21:21

Ogbe ọmụma ohu-ohu pụ-ichẹn e gbukeni kẹ wẹ gi rụn ọnụ-mgbọn ohu-ohu imẹ wẹ mmẹbụọ. Ụwaya hụn rị imẹ obodo hụ wụ ezigbo goru wẹ buchelẹni ihiẹn ọzọ, e nwun zaị kẹ ughegbe!

Rẹvẹleshọnụ 21:24

Ukpẹ obodo ahụn kẹ alị ile k'a rị e gi e legha ụzọ, ndị-nze ụwa k'e wẹhẹsọnmẹ ihiẹn wẹ gi nwọn ọghọ imẹ obodo ahụn.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:14

Ngọzi rịnị ndị ahụn sụ ẹkwa wẹ, kẹni wẹ nị wẹ ri mkpụrụ osisi ahụn e ye ndụn, kẹni wẹ gha ọnụ-mgbọn hụ banye imẹ obodo hụ.

Rẹvẹleshọnụ 22:19

onyẹ wepụ ihiẹn imẹ wẹ, Osolobuẹ e wepụ ihiẹn run'ẹ imẹ osisi hụ e ye ndụn hụn wẹ kusọnmẹ oku ẹ imẹ ẹkụkwọnị lẹ obodo nsọ ahụn wẹ kusọnmẹ oku ẹ imẹ ẹkụkwọnị.