Rẹvẹleshọnụ 22:15 - Ika

¹⁵ Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.

Rẹvẹleshọnụ 22:15 Iomraidhean Croise

Ndị-nze Nke Ibuzọ 22:8

Eze Izrẹlụ nọ sị Jehoshẹfatị, “O nwọnghọ okẹnnyẹ ohu họdụnị hụn nkẹ ẹnyi a jụ uche Osolobuẹ; kanị ize ẹ e ze m makẹni o butunini m amụma rị mma, eje-ihiẹn eje-ihiẹn sụọ. Ẹfan a wụ Maịkaya nwa Imla.” Jehoshẹfatị nọ sị a, “Ekulẹ ẹrịra, eze.”

Itẹn 12:22

Ire a tụ ntụ wụ arụ ebe Osolobuẹ rị, kanị ndị e ku ezioku a sụọ a ụsụọ.

Itẹn 7:27

Ụlọ a wụ ụwaya wẹ gha e shi ili, wẹ a gha a a pụ ebe ọnwụn bi.

Azaya 47:12

Busọnmẹ ni nwan nshi ụnụ, gwọsọnmẹ ọgụn ile ụnụ a gwọ — wẹ ile kẹ ụnụ e mẹ gha ẹhụ nwa-ndu lala. Ikẹnkwọ n'ọ ghaghọnị ụnụ, ikẹnkwọ nị wẹ gighọ wẹ tụ egun ụnụ.

Azaya 47:9

Kanị ihiẹn ẹbụbụọ ahụn k'e kunrun i — imẹ njube-ẹnya ohu, akpọhịn ohu — ụmụ a nwụnnahịn ị, di a nwụnnahịn ị! Wẹ k'e rukpumẹ i ọhụnma-ọhụnma; kẹ y'a gwọlẹ ọgụn ru, kẹ y'e buhanlẹ nshi.

Azaya 57:3

“Ụnụ nwẹn — bịa nị ebeni, ụmụ ndị igbomẹ! Ụmụ ikpoho zọ ụkụ ye ọfịa lẹ ndị ịgbaraja!

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 7:6

“Eyekwọlẹ ni nkitẹ ihiẹn rị nsọ; atụkwọlẹ ihiẹn rị mkpa yeni ezin, amamgbe w'a zọkpụkpọ a, maye ụnụ ọgụn, dọrinrin ụnụ.

Matiu 8:12

kanị ụmụ Alị-eze hụn nkẹ a banyen'ẹ k'a rị ẹkpa ishi rị ezi ebe wẹ k'a chụshi wẹ, ebe ịkwan-ẹkwan lẹ ịta nkwẹnrẹn-eze jẹnkọ d'a rị.”

Jọnụ 8:46

Imẹ ụnụ ile, onyẹ k'a saẹka ghọsị nị m mẹ njọ? Omẹni ezioku ke m rị a gwa ụnụ, kị haịn nwan ụnụ gilẹni kweri ihiẹn m rị e ku?

Ọrụn Ndị-ozi 8:11

Wẹ hụ e gọn ẹ ntịn makẹni o tekẹmẹkẹ o gi ọgụn e mẹ ihiẹn a tụ wẹ ẹnya.

Ditrọnọmi 23:18

Ewẹhẹkwọlẹ ni egho-ọrụn ịgbaraja okpoho mọbụ okẹnnyẹ d'e mẹzu nkwa ọwụlẹ imẹ ụlọ Osolobuẹ wụ Chuku ụnụ, makẹni wẹ ẹbụbụọ rụ arụ ẹnya Osolobuẹ wụ Chuku ụnụ.

Ndị Filipi 3:2

Kpachanpụ nị ẹnya makẹ nkitẹ ndị hụ! Kpachanpụ nị ẹnya makẹ ndị ahụn rị e mẹ eje-ihiẹn! Ẹghẹẹ, kpachanpụ nị ẹnya makẹ ndị hụ e bekika ịhịan ẹhụ nị wẹ rị a kwa ugun!

Ndị Kolosị 3:6

Ihiẹn ndịnị wẹ haịn iwe-lẹ-ọnụma Chuku gi lalanị ndị nnupụ-isi.

Timoti Ibuzọ 1:10

ndị ughẹrẹ lẹ ikẹnnyẹ wẹ lẹ ikẹnnyẹ e mẹ mgba lẹ ikpoho wẹ lẹ ikpoho e mẹ mgba; ndị e re ịhịan lẹ ndị e ṅọn ịhịan; ndị-ntụ lẹ ndị a shịa ẹri-ntụ — lẹzi ndị ọzọ ile e mẹ ihiẹn ọwụlẹ ya lẹ ezigbo nkuzi ghalẹni a dangbama.

Rẹvẹleshọnụ 18:23

ukpẹ ẹka enwunkọzị imẹ i; anụkọzị wẹ ịghọghọ ndị rị a gba ẹkụkwọ imẹ i. O k'e mẹ makẹni ndị-afịa ị te wụ ndị uku ụwa, alị ile kẹ i mẹ ihiẹn hụn i mẹ, dufiechanrịn wẹ.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”