Rẹvẹleshọnụ 22:10 - Ika

¹⁰ Ọ nọzị sị m, “Ezuemẹlẹ ihiẹn ozi rị imẹ ẹkụkwọnị ku, makẹni, ogẹn wẹ k'e gi mẹ a rịgụọ nsue.

Rẹvẹleshọnụ 22:10 Iomraidhean Croise

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 8:16

Bu oku ndịnị k'a shịa ẹri dọnmẹ, we ihiẹn ndịnị m rị a kuzi ye ndị rị e sọnni m dọnmẹ.

Izikẹlụ 12:23

Gwa wẹ nị Osolobuẹ nwọn ihiẹn ile sị, ‘M k'a kụsị iluni, a tụbehi w'ẹ imẹ alị Izrẹlụ.’ Sị wẹ, ‘Ogẹn e rugụọ hụn ihiẹn ile wẹ hụn imẹ ọhụn e gi mẹ.

Daniẹlụ 12:4

“Kanị, ịyụ nwẹn wụ Daniẹlụ, kpumẹgụ oku ndị rị imẹ ẹkụkwọ hụ d'e ru ogẹn njẹndemẹ. Ndị bu ọda k'a gha e jẹnhunmẹ kẹni wẹ marịnwaye ihiẹn.”

Daniẹlụ 12:9

Ọ nọ sị m, “E jẹn nke i, Daniẹlụ, ni ihiẹn wẹ kpumẹ ekpumẹ kẹ oku ndị ahụn k'a wụsọnmẹ d'e ru ogẹn ikpanzụụn.

Daniẹlụ 8:26

“Ọhụn gbashịarịnị ẹjan w'a chụn ẹnyasị lẹ ụtụntụn wụ ezioku, ka zuemẹgụ ọhụn ahụn, makẹni ihiẹn jẹnkọ d'e mẹ ihun-ihun rọ.”

Matiu 10:27

Ihiẹn m gwa ụnụ imẹ ishi, ku n'ẹ ifọnrin-ifọn; ihiẹn wẹ kagwa ụnụ, gi n'ẹ yi oro elu ụlọ.

Ndị Rom 13:11

E bi ni nwan ẹnịna makẹni ụnụ a marịngụọ ogẹn ẹnyi rị imẹ ẹ: nị ogẹn e rugụọ ụnụ e gi tẹnhin, makẹni ogẹn nzụọpụha ẹnyi a rịgụọ nsue karị k'ọ rị ọrụrụ-alị hụ ẹnyi gi kweri.

Ndị Rom 13:12

O teọlẹ ọhịhị gba; eki e d'e fọn. Nị ẹnyi mẹbehi ni nwan ihiẹn w'e mẹ imẹ ishi, ẹnyi e buru ihiẹn-ọgụn ukpẹ.

Ndị Tẹsalonika Nke Ẹbụọ 2:3

Anịkwọlẹ ni onyẹ ọwụlẹ gi ụzọ ọwụlẹ dufie ụnụ: Ụhụọhịn hụ abịakọ mmanị okẹn nnupụ-isi hụ lalanị bịagụ, e wepụhagụ wẹ Eje-ịhịan hụ, Onyẹ ahụn ntikpọ rị e che.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:3

Ngọzi ya rịnị onyẹ k'a gụnpụhanị ibe ẹ ihiẹn ndị rị imẹ ozini Osolobuẹ zi; ngọzi ya rịzịkwọnị ndị k'a nụn'a lẹ ndị k'e mẹ ihiẹn wẹ de imẹ ẹ, makẹni ogẹn wẹ a rịgụọ nsue.

Rẹvẹleshọnụ 10:4

Akpara ẹsa ahụn a hangụ, m te nọ chọ nị m demẹ, kanị m nọ nụ olu gha elu-igwee sị, “Zuemẹ ihiẹn akpara ẹsa hụ ku, edetulẹ ẹ!”

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 22:18

M rị a gwakwọ onyẹ ọwụlẹ nụ ihiẹn ndị wẹ ku imẹ ozi rị ẹkụkwọnị nị onyẹ becheni wẹ, Osolobuẹ e bechen'ẹ afụnfụn ndị hụ wẹ ku oku wẹ imẹ ẹkụkwọnị;

Rẹvẹleshọnụ 22:20

Onyẹ hụn ku ihiẹn ndịnị sị, “Ẹghẹẹ, m lala ẹgwa!” Isẹẹ! Jesu Onyẹ-nwọnni-ẹnyi, bịa!

Rẹvẹleshọnụ 22:7

Jesu sị, “Lee ẹ, m lala ẹgwa! Ngọzi rịnị onyẹ k'e mẹ ihiẹn ozi rị ẹkụkwọnị ku!”

Rẹvẹleshọnụ 22:9

Kanị ọ nọ sị m, “Emẹkwọlẹ a! M wụ odibo nọkẹ ịyụ lẹ umunẹ i wụ ndị-amụma lẹ ndị e mẹ ihiẹn ozi rị imẹ ẹkụkwọnị ku. Fe Osolobuẹ!”

Rẹvẹleshọnụ 5:1

M nọ hụn ẹhụhụọ ẹka-nni onyẹ hụ rị ukpo-eze. Wẹ dejun ẹkụkwọ hụ ihiẹn ihun lẹ azụụn, fịfịma, gi eriri ẹsa kẹnmẹ ẹ.