Rẹvẹleshọnụ 21:4 - Ika

⁴ O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”

Rẹvẹleshọnụ 21:4 Iomraidhean Croise

Ẹbụ-ọma 144:4

Ịhịan nọhụ kẹ akpụ uzun ohu; K'ọ tọhanlẹ, ọ nọhụ kẹ onyinyọn hụn ghalẹni a tọ.

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 51:11

Ya wụ, ndị Osolobuẹ k'a gbapụha k'e kinhẹn; wẹ k'e gi ẹbụ banhan Zayọnụ Jerusalẹm; ịghọghọ itẹbitẹ k'a wụrụ ihiẹn wẹ gi tu wẹ ugọn. Obi-ụsụọ lẹ ịghọghọ k'e rukpumẹ wẹ, ẹkwan lẹ ịsụn-udẹn k'a gba ọsọ.

Azaya 60:20

Anwụn ụnụ arọkọzị; ifọn ụnụ etibehikọ — makẹni Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn, ụnụ a kwanbehi ẹkwan.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Matiu 24:35

Igwere lẹ ụwa k'a gụ, kanị oku m k'a bụnrịrị.

Ndị Kọrẹntị Ibuzọ 15:26

Eṅẹnrẹn ikpanzụụn o k'e tikpọ wụ ọnwụn.

Ndị Kọrẹntị Ibuzọ 7:31

ndị hụn gi ihiẹn ụwa e bi, wẹ ebulẹ enwẹn wẹ che imẹ ẹ. E bi ni ẹrịra makẹni ụwanị rị ogẹnni ghafekọ aghafekọ.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Kọrẹntị Nke Ẹbụọ 6:17

Di-nwọnni-ẹnyi sị, “Gha nị nwan imẹ igunrun wẹ pụha, ụnụ a rị ichẹn; emẹtụkwọlẹ ni ihiẹn rụnị ẹka: ogẹn ahụn kẹ m'e gi nabanhan ụnụ;

Hibru 12:27

Okuni o ku: “M k'e zinzinzi” rị a ghọsị nị Osolobuẹ sikọ d'e wepụ ihiẹn ndị wẹ a sa ẹka e zinzinpụ, ya wụ ihiẹn wẹ ke eke, kẹni ọ họdụ hụn wẹ ghalẹni a saẹka e zinzinpụ.

Pita Nke Ẹbụọ 3:10

Kanị Ụhụọhịn Di-nwọnni-ẹnyi lala idẹnmizi nọkẹ ohin. O ru, igwere sikọ d'e gi okẹn ụzụn fopụ, ọkụn a rịnranpụ ihiẹn ile; ụwa lẹ ihiẹn ile ịhịan nọ imẹ ẹ mẹ a pụha ifọn.

Jọnụ Ibuzọ 2:17

kanị ụwa lẹ ihiẹn-ọlịlẹnya ile rịn'a ghafekọ aghafekọ, kanị onyẹ hụn e mẹ uche Osolobuẹ k'a rị jẹnrin ejẹn.

Rẹvẹleshọnụ 20:13

Ohimin nọ wepụha ndị nwụnhụnnị rị imẹ ẹ, Ọnwụn lẹ Alị-mmọn nọ wepụhazị ndị nwụnhụnnị rị imẹ wẹ. Wẹ nọ gi ihiẹn onyẹ-onyẹ mẹ kin ẹ ikpe.

Rẹvẹleshọnụ 20:14

Ya wẹ nọ tụ Ọnwụn lẹ Alị-mmọn ye imẹ odiyiri ọkụn hụ. Odiyiri ọkụnnị wụ ọnwụn nke mgbe ẹbụọ.

Rẹvẹleshọnụ 21:1

Ya m nọ hụn elu-igwee ọhụn lẹ elu-ụwa ọhụn, makẹni elu-igwee ibuzọ lẹ elu-ụwa ibuzọ a lagụọ. Ohimin arịzị a.

Rẹvẹleshọnụ 22:3

Ihiẹn wẹ bụ ọnụ arịkọzị. Kama, ukpo-eze Osolobuẹ lẹ Nwa-ebulu hụ k'a rị imẹ obodo hụ; idibo ẹ k'a rị e fe ẹ.

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”