Rẹvẹleshọnụ 21:12 - Ika

¹² Mgbọn ẹ hi-ogbe, jẹn elu. Ọnụ-mgbọn mmẹbụọ k'o nwọn; mmọn-ozi ohu-ohu turusọnmẹ ọnụ-mgbọn ndị hụ. Wẹ de ẹfan ikpụlọ mmẹbụọ rị Izrẹlụ ohu-ohu ye ọnụ-mgbọn ndị ahụn.

Rẹvẹleshọnụ 21:12 Iomraidhean Croise

Ihiẹn Mẹni Nke Ẹbụọ 9:19

Ẹwọrọ mmẹbụọ wẹ kpụ wuzo mkpọnyin isin ahụn wẹ gha e nyinrin ukpo-eze hụ, ohu-ohu rịsọnmẹ mgbanyinrin ndị hụ isini lẹ isini. Emẹmẹtuni wẹ ihiẹn nọ ẹrịra imẹ alị-eze ọzọ.

Ẹzra 9:9

Ọsụọn'a nị ẹnyi wụ igbọn okpuru ndị alị ọzọ, Chuku ẹnyi a lanị ẹnyi tọ ẹgbụn ẹnyi rị imẹ ẹ. O mẹgụọnị ẹnyi ọhụnma ihun ndị-nze Pẹshịa, gi wẹ mẹ ndụn banzị ẹnyi, kẹni ẹnyi tụndọnzi Ụlọ Chuku ẹnyi, tụnkinsọnmẹ ebe tikpọnị imẹ ẹ; ọ hụ e che ẹnyi nche imẹ Judia ile lẹ imẹ Jerusalẹm ebeni.

Nehemiah 12:27

Ogẹn wẹ gi nwan chọ nị wẹ ha mgbọn Jerusalẹm ye ẹka Osolobuẹ, wẹ nọ chọpụha ndị Livaị ebe ile wẹ bi, wẹhẹ wẹ Jerusalẹm makẹ mmẹmmẹ hụ, kẹni wẹ bụ ẹbụ-ịghọghọ lẹ ẹbụ-ekele, kụ kpajaị, kpọ ụbọ-mmaka lẹ ụbọ-layẹ ye mmẹmmẹ ahụn wẹ gi a ha mgbọn hụ e ye ẹka Osolobuẹ.

Ẹbụ-ọma 122:7

Ihiẹn ya rịchanrịn mma ebe ile mgbọn i gha; ẹhụ ya fu ịhịan ebe ile wẹ gi dọn ẹnya imẹ i.”

Ẹbụ-ọma 51:18

Dodo, mẹ ọhụnma n'ọ rịnị Zayọnụ mma; tụndọnzi mgbọn Jerusalẹm.

Ọpụpụ 28:21

“Ọmụma ndịnị sikọ d'e bu ẹfan ebọn mmẹbụọ Izrẹlụ; wẹ k'a tụyesọnmẹ wẹ ẹfan ebọn nọkẹ ihiẹn wẹ gi e biye ẹka; ebọn-ebọn ohu-ohu.

Azaya 54:12

M k'e gi ọmụma wụ rubi tụnhunmẹ i ibe elu, gi ọmụma rị e be nwaịn-nwaịn rụnsọnmẹn'i ọnụ-mgbọn, gi ọmụma rị mkpa tụn mgbọn i ile.

Azaya 60:18

Anụkọzị wẹ ukwere egbu-lẹ-egbu imẹ alị ụnụ; ahụnkọzịkwọ wẹ ntikpọ lẹ owiwi ebe ọwụlẹ wụ nke ụnụ. Nzụọpụha k'e fihunmẹ ụnụ lekẹ mgbọn; ọnụ-mgbọn ụnụ a zama Ịja-mma Osolobuẹ.

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 16:22

“Omẹgụ, ogbẹnnyẹ hụ nọ nwụnhụn, ndị mmọn-ozi nọ bu ẹ shi ebe Ebraham rị. Ọdanfịn hụ a nwụnhụnzịkwọ, wẹ nọ li ẹ.

Ọrụn Ndị-ozi 26:7

ihiẹn hụ ikpụlọ mmẹbụọ ndị nke ẹnyi rị e lee ẹnya a, e gi ufiri ẹ e feshi Osolobuẹ ikẹn ukinkin lẹ efinnaị. Eze, olilẹnyanị m nwọn wụ eje-ihiẹn hụ ndị Ju sịkwọ nị ya kẹ m mẹ!

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Rẹvẹleshọnụ 21:13

Ọnụ-mgbọn ẹtọ-ẹtọ rịsọnmẹ ẹ ẹbamịn ẹnịnọ: ẹtọ rị ẹbamịn ọwụwa-ẹnyanwụn, ẹtọ rị ẹbamịn-ugu, ẹtọ rị ẹbamịn ndịdan, ẹtọ rị ẹbamịn ọdịdan-ẹnyanwụn.

Rẹvẹleshọnụ 21:15

Mmọn-ozi hụ gwa m oku gi ẹgbe goru wẹ gi a ma ihiẹn, hụn o k'e gi ma obodo hụ lẹ ọnụ-mgbọn ndị rịn'a lẹ mgbọn ẹ.

Rẹvẹleshọnụ 21:25

Agụnmakọ wẹ ọnụ-mgbọn obodo hụ ebe eki rị elu bụ eki egikọ ebẹhụ.

Rẹvẹleshọnụ 22:14

Ngọzi rịnị ndị ahụn sụ ẹkwa wẹ, kẹni wẹ nị wẹ ri mkpụrụ osisi ahụn e ye ndụn, kẹni wẹ gha ọnụ-mgbọn hụ banye imẹ obodo hụ.