Rẹvẹleshọnụ 21:10 - Ika

¹⁰ Ọ nọ buru m imẹ-mmọn shi elu ugu hi-ogbe jẹn elu, ghọsị m obodo nsọ hụ wụ Jerusalẹm k'ọ gha ẹka Osolobuẹ imẹ elu-igwee hidanla.

Rẹvẹleshọnụ 21:10 Iomraidhean Croise

Ndị-nze Nke Ibuzọ 18:12

Bụ amarịn m ebe Mmọn Osolobuẹ jẹnkọ d'e we i shi hụn m gihụ la ị tọ. M jẹn nwan d'a gwa Ehabụ, ọ bịa bụ ọ hụnn'ị, o gbu m — bụ Osolobuẹ kẹ mmẹ wụ odibo i e fe gha alị lala.

Ndị-nze Nke Ẹbụọ 2:16

Wẹ nọ sị a, “Lee ẹ, ẹnyi ndị idibo i nwọn mmadụ iri kwasị ọgụnnaị ka-ẹhụ ọhụnma-ọhụnma. Dodo, nị wẹ jẹnlele d'a chọ di-nwọnni i. Ikẹnkwọ Mmọn Osolobuẹ e burugụọ a, butọ enu ugu mọbụ imẹ ọdanmgbugbu.” Ọ nọ sị wẹ, “Mba; ezilẹ ni wẹ.”

Izikẹlụ 11:1

Mmọn-nsọ nọ bushi m elu, buhẹ m ọnụ-mgbọn rị ẹbamịn ọwụwa-ẹnyanwụn Ụlọ-Osolobuẹ. Ikẹnnyẹ isẹn-kwasị-ọgụn hụ ebẹhụ wẹ gha a banye ọnụ-mgbọn hụ. M nọ hụn Ja-azanịa nwa Azuru lẹ Pẹlatịa nwa Bẹnaya imẹ wẹ. Madụ ẹbụbụọnị rị ndị-isi alị.

Izikẹlụ 11:24

Ya kẹ Mmọn Chuku nọ buru m shi imẹ elu, imẹ ọhụn hụ Chuku mẹ m hụn, wekinhẹn m ebẹhụ ndị Izrẹlụ wẹ kpụnhan Babilọnụ rị. Ọ nọ fọn m ẹnya.

Izikẹlụ 3:14

Mmọn-Osolobuẹ nọ buli m elu, weri m, mmẹ lẹ ẹfọ rịlẹni a sụọ m ụsụọ lẹ olulu jun m obi; ẹka Osolobuẹ kwọndọn m ọda-ọda.

Izikẹlụ 8:3

Ọ nọ tịnpụ ihiẹn nọ kẹ ẹka, dọdọn m ntutu, mmọn Chuku nọ dọrị m ẹrịra shi imẹ elu, we m shi Jerusalẹm, imẹ ọhụn hụ gha ẹka Osolobuẹ bịa. Ọ nọ we m shi Ụlọ-nsọ, ẹhụ ọnụ-ụgba hụ rị ẹbamịn-ugu hụn wẹ gha a banye ihun-ezi rị imẹ-imẹ Ụlọ-nsọ — ebe wẹ kpụtọ mmọn ahụn wẹ gi kpasu Osolobuẹ iwe, hụn ẹnya gi rị a fụ Osolobuẹ.

Ọrụn Ndị-ozi 8:39

Ogẹn wẹ gi gha imẹ mirin pụha, idẹnmizi, Mmọn-nsọ Di-nwọnni-ẹnyi nọ jụrụ Filipu; okẹn-okporo hụ ahụnzịn'a, ya okẹn-okporo hụ nọ gi ịghọghọ jẹnmẹ ebe o jẹnkọ.

Ndị Galeshịa 4:26

Kanị Jerusalẹm rị elu-igwee ẹlẹ igbọn; ịya wụ nnẹ ẹnyi.

Rẹvẹleshọnụ 1:10

O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.

Rẹvẹleshọnụ 11:2

Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.

Rẹvẹleshọnụ 17:3

Ya mmọn-ozi hụ nọ buru m imẹ mmọn shi imẹ atụ, m nọ hụn okpoho nọdị alị elu eje-anụ ohu e nwun ufie-ufie. Wẹ de ẹfan ichẹn-ichẹn wẹ gi e kuja oku Osolobuẹ jun eje-anụ ufie ahụn ẹhụ. Isi ẹsa lẹ mpịn iri kẹ eje-anụ ufie ahụn nwọn.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 3:12

Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.

Rẹvẹleshọnụ 4:2

Ozigbo, m nọ rị imẹ-mmọn. M nọ hụn ukpo-eze imẹ elu-igwee ebẹhụ, hụnzị onyẹ ohu nọdị alị elu ẹ!