Rẹvẹleshọnụ 20:9 - Ika

⁹ Wẹ nọ ghakwọrị ebe wẹ rị fetu alị ichẹn-ichẹn rị elu-ụwa bịa d'e fihunmẹ ebẹhụ ndị nke Osolobuẹ rị lẹ obodo ahụn a sụọ Osolobuẹ; kanị, ọkụn nọ gha elu-igwee hidan, bu wẹ ile ri.

Rẹvẹleshọnụ 20:9 Iomraidhean Croise

Jẹnẹsisi 19:24

ya kẹ Osolobuẹ nọ gi ẹka a gha elu-igwee hu nsịn-ẹnyanwụn lẹ ọkụn kpu alị Sodọm lẹ alị Gomora nọkẹ mirin rị e zueni;

Ndị-nze Nke Ẹbụọ 6:15

Ogẹn nwata-iwe Ẹlaịsha odibo Osolobuẹ gi lihi ọtọ ụz'ọtụntụn pụha ezi, ndị-agha gisọnmẹ ẹshin lẹ ụgbọ-ẹshin e kehunmẹgụọlẹ obodo wẹ rị. Odibo Ẹlaịsha nọ sị, “Heuu, di-nwọnni m, kị ẹnyi k'e mẹ.”

Jobu 38:18

Y'a marịnghọ ebe ile ụwa gha? Ku nwan, omẹni y'a marịnghọ wẹ ile!

Ẹbụ-ọma 106:18

ọkụn e benwunrun imẹ wẹ, ọkụn a dụngbu ndị-njọ ahụn.

Ẹbụ-ọma 87:2

ịya ka Osolobuẹ a sụọ karị ebe ile w'e bi imẹ alị Jekọpụ wụ Izrẹlụ.

Ẹbụ-ọma 97:3

Ọkụn e burun'ẹ ụzọ o jẹnkọnị, a dụngbu ndị-iṅẹnrẹn ẹ.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Izikẹlụ 38:16

Ụnụ jẹnkọ d'a maye ndị nke m wụ Izrẹlụ, rukpumẹ alị wẹ nọkẹ orukpu. Ihun-ihun k'o k'e mẹ. M k'e wẹhẹ i d'a maye alị m ọgụn, kẹni ndị alị ichẹn-ichẹn gi ihiẹn m k'e mẹ i marịn onyẹ m wụ ogẹn m'e gi nọ idẹnya wẹ gi i ghọsị nị m rị nsọ.

Izikẹlụ 38:22

M k'e gi eje-emu lẹ ogbugbu ye ẹ afụnfụn; m k'e hu okẹn-mirin lẹ ẹkwan-igwere lẹ ọkụn lẹ nsịn-ẹnyanwụn kpu Gọgụ lẹ ndị-agha a lẹ alị ndị ọzọ ahụn bu ọda ya lẹ wẹ wị.

Izikẹlụ 38:9

O ru ogẹn ahụn, i jẹnkọ d'a bịa lekẹ okẹn ufere, rutọ kẹ orukpu d'e kpumẹ alị Izrẹlụ, yụ lẹ ndị agha ị ile lẹ ndị alị ọzọ bu ọda yụ lẹ wẹ wị.

Izikẹlụ 39:6

M k'e zi ọkụn ye alị Magọgụ lẹ alị ndị hụ ẹhụ fu rị mkpẹnrẹn ohimin ibẹka hụ, e gi w'ẹ marịn nị mmẹ wụ Osolobuẹ.

Maịka 2:13

Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Habakọkụ 1:6

M rị nwan a kpọli ndị Kal'di alị Babilọnụ, ndị hụ ẹfọ jọ, hụn e mẹ ikẹn-ikẹn; hụn rị a kpa ikẹn elu ụwa ile, e werisọnmẹ obodo wụlẹni nke wẹ.

Ọgụngụn 11:1

Ogẹn ndị Izrẹlụ gi kpemẹ nị wẹ rị a ta afụnfụn, ku ẹ hụn Osolobuẹ nụ, Osolobuẹ a nụ a, ezigbo olulu nọ bu ẹ. Ya ọkụn gha ẹka Osolobuẹ bịa nọ nwunrun imẹ igunrun wẹ, dụnpụ ihiẹn ndị rị mkpẹnrẹn ebahụn wẹ ziẹntọ.

Ọgụngụn 16:35

Ọkụn nọ gha ebe Osolobuẹ rị bịa, dụnpụ wẹ madụ iri kwasị ọgụn-mmẹbụọ hụ rị a mụ nsẹnsi.

Luku 17:29

Kanị, ụhụọhịn hụ Lọtụ gha Sodọm pụ, ọkụn lẹ nsịn-ẹnyanwụn nọ gha elu-igwee zuetu kẹ mirin, gbuchanrịn wẹ ile.

Luku 19:43

Ogẹn lala, hụn ndị iṅẹnrẹn i jẹnkọ d'e gi kehunmẹchanrịn ị, gha azụụn ile zụnbanhan imẹ i.

Luku 21:20

“Kanị, ụnụ hụn kẹ ndị-agha fihunmẹ Jerusalẹm, ụnụ a marịn nị ogẹn w'e gi tikpọ a a rịgụọ nsue.

Luku 9:54

Ogẹn ndị nsọnmazụụn a wụ Jemisi lẹ Jọnụ gi hụn ihiẹnni, wẹ nọ sị, “Di-nwọnni-ẹnyi, y'a chọghọ nị ẹnyi gha elu-igwee kpọtu ọkụn n'o ripụ wẹ [kẹ Ẹlaịja dọn mẹ]?”

Ditrọnọmi 23:14

Makẹni Osolobuẹ wụ Chuku ụnụ a ghahunmẹ imẹ agọ ụnụ, e che ụnụ nche, e we ndị-iṅẹnrẹn ụnụ e che ụnụ ẹka nị ụnụ mẹri wẹ. Agọ ụnụ sikọ d'a rịrịrị nsọ, amamgbe o legha ihiẹn ọwụlẹ rịlẹni mma ẹnya, gbakitọ ụnụ azụụn.

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Hibru 13:13

Nị ẹnyi gha nị nwan imẹ obodo pụ d'e kunrun ẹ ebẹhụ d'e sọn ẹ narịn ifẹnrẹn wẹ gbeye ẹ ihun,

Rẹvẹleshọnụ 11:5

Onyẹ chọ n'ọ mẹ wẹ ihiẹn ọwụlẹ, ọkụn a gha wẹ ọnụ pụha dụngbu ndị ahụn rị a chọ nị wẹ mẹ wẹ ihiẹn — ẹrịra kẹ onyẹ chọ n'o mẹ wẹ ihiẹn k'a dọn nwụnhụn.

Rẹvẹleshọnụ 13:13

Ọ rụn okẹn ọrụn-atụmẹnya, e mẹdẹ ọkụn gha elu-igwee hidan idẹnya ịhịan ile.